volume - Centro Documentazione Luserna
volume - Centro Documentazione Luserna
volume - Centro Documentazione Luserna
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
VORKHÖT<br />
In lem von an lånt mak ’s vürkhemmen ke a mentsch lasst hintar eppas vo<br />
soinar arbat bo da no hundartar djar spetar khinnt gehaltet guat.<br />
Ummandar vo disan laüt is dar faff Josef Bacher bo da is gest atz Lusérn in<br />
di djardar 1893-1899, un bo da ’s djar 1905 hat ausgedrukht in Innsbruck in<br />
libar “Die deutsche Sprachinsel Lusern”.<br />
Dar hat kontart bia ’s ista gest ’s lem dise djar.<br />
Zo maga schaung vürsnen möchtma gedenkhan bas da is gest vorånahì. As<br />
bar schaung å bia sber sa håm’s gehat ünsarne altn mabar schetzan mearar bas<br />
bar håm est un haltnas gesengt von Gott dar Hear.<br />
Dar Josef Bacher hat o augesribet bas da di altn håm kontart in khindar<br />
sidar hundartar un hundartar djardar. Assar er nètt hebat’s getånt, beratnda<br />
gånt vorlort vil stordje bo da gedenkhan di baitn zaitn un zoang bia da ünsar<br />
kultur hat zo tüana pin fölkar von nord vodar Europa.<br />
Disar libar is khent ausgedrukht bidar atz taütsch vo dar Universität Wien in<br />
djar 1975, un di stördjela alumma soin khent ausgedrukht von “Circolo Culturale<br />
M. Gandhi” vo Lusérn, pit dar hilfe von prof. Alfonso Bellotto un von ünsarn<br />
djungen Fulvio Gasperi, Diego Paolaz un Giancarlo Moro as bi biar, atz belesch<br />
und in zimbar von sim kamöündar, in djar 1978 pin titl “I racconti di <strong>Luserna</strong>”.<br />
Dise zboa libadar soin ausgerift un soinda khummane mear zo khoava.<br />
Dar Dokumentationszentrum hat sa gemacht di ausstellung “Lusérn 1905”.<br />
Est drukhtar aus vor das earst mal atz beles bas da hat augesribet ünsar faff Don<br />
Josef Bacher vo bia ’s ista gest ’s lem atz Lusérn vor hundar djar.<br />
’S khemmenda ausgedrukht o, as bi biar und atz beles, alle di stördjela vo<br />
dise djar.<br />
Dar kamou vo Lusérn hat hergerichtet, ausgenump vo dise stördjela, ’s staigele<br />
vo djese djar bo da gevallt asó vil in famildje pin khindarn. Nå in begele<br />
khemmenda gelek tafln in drai zungen, as bi biar, beles un taütsch, un khemmenda<br />
gemacht in ståmm von vaüchtn, dar peer, dar bolf, das basilisko, un a so vürsanen.<br />
Bas da hat gemacht dar faff Josef Bacher bart khemmen gedenkht no vor vil<br />
un vil djardar.<br />
Imen khöbar: vorgellt’s Gott, liabar don Josef Bacher!<br />
Dar Bürgermaistar<br />
Luigi - Luis Nicolussi Castellan