Malvino Stolfa - Isola Nostra

15 Giugno 2004 ISOLA NOSTRA
25
quarta sera
- Darghe sempre la colpa ai zoveni fa parte
dela mentalità dei veci par ‘iutarse a tignir a
fren la pression.
- Giusto. Ma mi digo che l’età no gà
importansa a meno che, tì, no te sia un formaio
o un vin.
- Bele parole, ma recordè che a otanta ani
se ga imparà squasi duto... el dificile xè ricordarlo!
- Mì, par esser sicuro de esser ancora in
‘stò mondo, al matìn ‘pena me sveio legio el
Dò ciacole
fora dala
porta
giornal... e se no’ son sui necrologi, me also e vado a togna.
- Te ga proprio ragion, el giornal disi le robe solo dopo che le
xè capitade.
- La sfiga dei giorni nostri xe che el futuro no xè più quel che
gavevimo ‘na volta.
- Proprio cussì!
- Gaver ragion xe niente sensa l’aiuto de un paiòn pien de
schei, e la roba più bela del futuro xe che ‘l riva un giorno par
volta... e cussì gavèmo tempo de far esperiensa.
- L’esperiensa xe ‘na scuola dove ‘n omo impara quanto a xe
stà mona nela vita.
- Eh, sì, ma ‘scoltè... nò sentì anca vù? Stasera el silensio se ga
messo le papusse e anca al paese a par un sogno... Nù e ‘l silensio,
gnente altro... Anca la nostra vita xe stada cussì, da tanto a gnente...
da tropa felicità a tropo dolor... da tropa confusion a tropo silensio.
‘Ste sere calde par che le se sburti, giorno drio giorno, par ‘rivar
prima a la fine del’istà... le passa come ‘na caressa dentro l’anima
e cussì via fin a la fin de l’ano. Intorno de noi gavemo solo un
corpo pien de àni parchè, savèmo ben, quando torna el Nadal e
l’àno vecio va via... eco i ricordi che torna indrio portandone el
nostro passà, ricordi de gente che ne gà volù ben, sia quei che
gavemo vissìn sia quei che xe lontàn... sia quei che ne ga lassà...
ma, par nù, i xe sempre drento al cuor... quanti ricordi...
- Co’ ‘ste parole te me fassi ricordar me mama... me par de
vèderla quando la ‘caressava ‘na scatolina lustra come un specio
che, sul covercio, gavèva scrito “Souvenir de Venezia”. La iera
de làta dura, col bordìn lavorà... e drento ghe iera un spetacolo:
dei rochèi colorai come l’arcobalen, un ditàl che’l pareva de oro,
un par de forbicine, qualche botòn de madreperla, ‘na cordisela
tricolor, un metro rodolà coi numeri sbiadidi, un cuor de strassa
rossa coi ricami a l’uncineto, un par de bilièti del vaporeto de
Venesia... ricordi...
- Ricordi... souvenir... regali... niente pol duràr, niente. Mi me
ricordo de quando l’acqua de l’aguèr, vignindo zò de Canola, la
sbrissava sule pière come volerle ‘caressar. Me gò sempre
domandà se ‘stà acqua, quando la vedeva la luce, la iera contenta,
alegra, piena de vita e sentimento. E quando da lassù, tra cel e
tera, ‘sta lagrima ‘pena nata drento ‘na nuvola in quel meraviglioso
celeste , squasi incantada, coi oci spalancai come un fio
picio, cascando sula tera, la credeva de trovàr solo robe bele e
bone. Quando la bagnava i pasteni e la scominciava a vignir zò
dal monte, rasendo le coròne e ‘caressando le primule, la sbrissava
fin tal mar come la gavessi volù trovar chissà cossa. Povera creatura,
la su’ puressa, la su’ bontà e duto el ben che la portava drento al
cuor e l’anima, xe andai col tempo invelenindose e ogi, quando
la bevemo la sà de cloro, la spussa de marso e se no’ stemo ‘tenti,
la ne fa vegnir anca la diarrea...bei regali ghe gavemo fato, la
gavemo invelenida col nostro progresso e anca l’aria, ‘desso, ghe
sta andando drio... me iero inamorà de quel’acqua fresca parchè
savevo che anca i spini, le graie, el muscio, quando i sentiva
a cura di
Walter Pohlen
in mente mè nona quando la contava storie dei
tempi antichi.
- Mi me ricordo mè mama quando d’inverno,
dopo gaverme meso soto al paion, la contava
sempre ‘ sta storièla prima de darme la bonanote:
“Le sere de inverno le xe più calde quando, soto
ai ‘ninsioi, i stramassi de foie par dei nidi e i
batiti del cuor, come tamburi lontani, fa de spia
ala vita. ‘Scolta, picio mio, el silensio a involtissa
le case sbrissando sule stradele bagnade, e a va
torsolando in giro spetando el matin par darte
el bongiorno.”
- Ricordi... ricordi... ‘sti giorni còri via come
i fioi quando i xe strachi de sogàr, duti precisi,
sfinidi, i par sarmenti che se perdi tal vento che riva dal mar... Un
vento de buriana che strassina la nostra vecia barca lontan, sensa
speransa de tornar indrio par andar sul scoio a far cavarii longhi e
a darse schissade de acqua de mar...
- La speransa? E cossa xe la speransa? No xe altro che ‘na
candela che brusa pian e prima o dopo la finissi, lassandote tal
scuro. La speransa? No xe altro che un sogno che dura ‘na note e
col primo ciaro del matin al finissi lassandote la mente svoda e la
boca amara.
- Si, credemo duti che la speransa la duri par sempre, ma se
solo una fiama che mori o ‘na luce che risussita... par studarse
poco dopo.
- Oh fioi... cossa gavè stasera, se’ diventai oratori de prima
scelta o gavè leto qualche libro de cultura? Sù co’ la vita, no gavè
altro de dir che roba nostalgica?
- Mi, dopo ‘sta ciacolada, voi ‘ndar in leto a dormir e nò a
girarme duta la note ‘tai ninsioi... forsa... contemo qualcossa de
alègro, sinò digo bonanote e ve saludo...
- Giusto, gavè ragion. Vardemo de ciapar fresco sensa farse
vignir gropi de nostalgia...
- Bon... alora, par svagarse, no resta altro che far un viageto...
- Un viagèto a ‘sta ora... te son mona?
- Intendo dir un viagèto co’ la fantasia, testòn!
- Te ga anca fantasia?
- E cossa te intendi dir co’ questo?
- Niente, niente. Bon, bon, alora conta...
- ‘Na volta ogni tanto, un viageto saria bel farlo, un viageto o
‘na vacansa, fassè vù, fussi solo par imparar qualcossa...
- No te mando a remengo parché te son me’ amico ma, in
malora, questo sì!
- Dai, ciapalo come un scherso, anca se, de qualche lession te
gavessi proprio bisogno.
- Dai fioi, finila de far i mone e ‘ndemo ‘vanti co’ ‘sto viagio.
- Però, i viagi e le vacanse i meti su un tal remitur...
- El remitur bisogna farlo, ma co’ l’intendimento de scordarse
de duto e de duti, completamente... de stacar la spina, eco...
- Mi, ‘na volta, go fato ‘na vacansa e dato che son fortunà
come el can in ciesa, co’ son ‘rivà in tal posto, go ciapà un temporal
coi fiochi: lampava, tonàva, saete da dute le parte, tempesta grossa
come ovi de dindio...
- I dìndi no’ fa ovi, casomai se le dindie che li fà...
- Iera solo un modo de dir...
- Par contar storie bisogna esser precisi altrimenti no se capissi
niente.
- Ti, anca se le storie le xe dite coi punti e virgola, no’ te capissi
niente listesso.
- Gò capì: ‘Note, fioi, xe ora de ‘ndar a paion.
- Si, ‘ndemo. A diman de sera.
- ‘Note!
ciacolar quel picio aguèr, i ghe voleva ben. La me fasseva vignir (4. continua)