Art_938_001_150corr.:Layout 1

DE COMMENDATIONE MORIENTIUM 99
Lc 23,42-43
[Latro] dicébat: « Iesu, meménto mei
cum véneris in regnum tuum ».
Et dixit illi: « Amen dico tibi: Hódie mecum eris in paradíso ».
Litaniæ Sanctorum et aliæ preces
164. Si moribundus orationem longiorem sustinere potest, adstantes litanias
Sanctorum recitent cum responsione « Ora pro eo (ea) ». Forma vero brevior litaniarum
præferatur, cum invocationibus sanctorum Ordinis necnon sancti patroni
morientis vel adstantium cœtus. Adhiberi potest formularium ad hoc in Appendice
(III B, p. 136) præbitum. 14
Recitari possunt, voce submissa, temporibus silentii interiectis, etiam breves
orationes iaculatorias quæ in Appendice (III, p. 135) præbentur. 15
165. Possunt etiam recitari vel cantari nonnullæ e precibus consuetis, præsertim
inter sequentes selectæ.
In spe resurrectiónis et ætérnæ vitæ, nostram fidem profiteámur: 16
Credo in Deum, Patrem omnipoténtem,
Creatórem cæli et terræ;
et in Iesum Christum Fílium eius únicum,
Dóminum nostrum:
qui concéptus est de Spíritu Sancto,
natus ex María Vírgine,
passus sub Póntio Pílato,
crucifíxus, mórtuus et sepúltus,
descéndit ad ínferos, tértia die resurréxit a mórtuis,
ascéndit ad cælos, sedet ad déxteram Dei Patris omnipoténtis,
inde ventúrus est iudicáre vivos et mórtuos;
credo in Spíritum Sanctum,
sanctam Ecclésiam cathólicam,
sanctórum communiónem,
remissiónem peccatórum,
carnis resurrectiónem,
vitam ætérnam. Amen. 17
14
OUI, n. 145.
15
OUI, n. 140.
16
RE Ambr., n. 118.
17
Cf. Eccl. Off., f. 56v; cf. PS, p. 170.