Art_938_001_150corr.:Layout 1

80 ORDO UNCTIONIS INFIRMORUM
114. Urgente periculo, infirmus cito ungatur unica Unctione, ac deinde Viaticum
ei statim præbeatur, ad normam n. 111, ita ut in suo transitu ex hac vita, Corpore
Christi roboratus, pignore resurrectionis muniatur. Omnes enim fideles, in
periculo mortis, monentur ut sacra communione sub specie Viatici reficiantur. 5
115. Ad infirmum et communitatem præparandos atque circa officia a diversis
ministris præbenda et præsertim a Priore, qui ordinarie minister est sacramentorum,
indicationes serventur quæ inveniuntur supra, nn. 45-50.
Si frater vel soror infirmus in nosocomio versatur, oportet ut Prior vel Priorissa,
postquam cum Cappellano loci communicaverit vel cum iis qui munus pastorale
erga infirmos ibi exerceant, celebrationem prævideat aptam, attendens statum
physicum condicionesque loci et personarum ibi versantium necnon et fratrum vel
sororum et propinquorum infirmi qui actionI liturgicæ adesse possint.
116. Celebratio hic infra describitur quæ peragi potest cum adsint conventus
vel nonnulli fratres vel sorores et propinqui, circa infirmum congregati. Aptatis vero
aptandis, et opportuna præparatione disposita, hæc elementa adhiberi possunt
etiam cum infirmus extra domum religiosam versatur.
RITUS CONTINUUS PÆNITENTIÆ, UNCTIONIS ET VIATICI
RITUS INITIALES
Celebrationis exordium
117. Ad infirmum occurrendum processio fieri potest cum aqua benedicta et
cruce, ordinate incedentibus Fratribus (Sororibus) habitu Ordinis indutis, sacrista
sanctum Oleum deferente et Priore (sacerdote cappellano), veste huic sacro ministerio
convenienti induto, SS. Sacramentum deferente.
118. In primis cantari potest alternatim psalmus aliquis conveniens (ex. gr.
Ps 24, 40, 42), ex eis qui in textibus variis proponuntur, excepto tamen psalmo 102,
sicubi Unctioni sit reservatus.
119. Accedens ad infirmum, sacerdos infirmum ipsum ceterosque adstantes
humaniter salutat, verbis quæ sequuntur vel aliis:
Pax huic dómui et ómnibus habitántibus in ea. 6
R/. Benedíctus Deus nunc et semper. 7
5
Cf. CIC, c. 911; OUI, n. 116.
6
Cf. PS, p. 162.
7
Cf. DB, n. 75.