Art_938_001_150corr.:Layout 1

84 ORDO UNCTIONIS INFIRMORUM
atque a néxibus peccatórum tuórum absolútum (absolútam)
perdúcere dignétur ad regnum cælórum.
Qui vivit et regnat cum Deo Patre in unitáte Spíritus Sancti Deus,
in sǽcula sæculórum. 17
R/. Amen.
Deinde minister præsentat infirmo imaginem Crucifixi ad osculandum.
126. Sacramentum Pænitentiæ vel actus pænitentialis concludi potest indulgentia
plenaria in articulo mortis, quam sacerdos infirmo hoc modo concedit:
Ego, facultáte mihi ab Apostólica Sede tribúta,
indulgéntiam plenáriam et remissiónem ómnium peccatórum
tibi concédo,
in nómine Patris et Fílii ✠ et Spíritus Sancti.
R/. Amen.
Vel:
Per sacrosáncta humánæ reparatiónis mystéria,
remíttat tibi omnípotens Deus
omnes præséntis et futúræ vitæ pœnas,
paradísi portas apériat
et ad gáudia te sempitérna perdúcat. 18
R/. Amen.
Professio fidei baptismalis et Litania
127. Deinde, si condiciones infirmi id permittunt, fit professio fidei baptismalis
et brevis litania, infirmo, quantum fieri potest, atque adstantibus respondentibus.
Sacerdos interrogat:
Credis in Deum Patrem omnipoténtem,
creatórem cæli et terræ?
R/. Credo.
17
ASOP 1977, p. 156; cf. Eccl. Off., f. 56r; PS, p. 167.
18
OUI, n. 122.