Art_938_001_150corr.:Layout 1

ORDO PRÆBENDI SACRAMENTA IN PERICULO MORTIS 89
Adstantes qui communicare cupiunt, modo consueto Sacramentum recipiunt. 30
136. Distributione Communionis expleta, sacerdos de more purificationem
peragit. Tunc pro opportunitate, sacrum silentium per aliquod temporis spatium
servari præstat. 31
CONCLUSIO RITUS
137. Pro gratiarum actione adstantes aut duo fratres vel sorores psallere possunt
psalmum 24 vel 33 vel 102 (ut supra, n. 69), secundum valetudinem infirmi.
138. Deinde sacerdos dicit orationem:
Orémus.
Omnípotens sempitérne Deus, conservátor animárum,
qui, quos díligis, córripis,
et quos récipis, pie ad emendatiónem coérces:
te invocámus, Dómine, ut fámulo tuo, qui (fámulæ tuæ, quæ)
in córpore pátitur membrórum debilitátem,
grátiam tuam conférre dignéris,
ut in hora éxitus sui de córpore,
absque mortális peccáti mácula,
tibi Datóri próprio per manus sanctórum Angelórum tuórum
eius ánima repræsentári mereátur.
Per Christum Dóminum nostrum. 32
R/. Amen.
Vel:
Satiáti, Dómine, munéribus sacris et de tua pietáte confísi,
te humíliter deprecámur,
ut miseréri dignéris
ánimæ fámuli tui (fámulæ tuæ) N.:
ne præváleat advérsus eam inimícus in hora mortis eius,
sed tránsitum mereátur ad vitam perpétuam.
Per Christum Dóminum nostrum. 33
R/. Amen.
30
OUI, n. 131.
31
OUI, n. 132.
32
Gre, n. 2794; Sacr. Fuld., ed. G. Richter - A. Schönfelder, Fulda 1921, reimpr.
London 1980, n. 2455; Eccl. Off., f. 56v; PS, p. 174.
33
MOP, p. [79].