Art_938_001_150corr.:Layout 1

DE VIATICO 75
– Te, Dómine, qui dixísti: Qui mandúcat meam carnem et bibit meum
sánguinem habet vitam ætérnam, pro fratre nostro (soróre nostra)
deprecámur:
R/. Exáudi nos, Dómine.
– Te, Dómine, qui nos invítas ad illud convívium ubi non erit ámplius
dolor neque luctus neque tristítia neque separátio, pro fratre nostro
(soróre nostra) deprecámur:
R/. Exáudi nos, Dómine. 24
VIATICUM
103. Tunc sacerdos his vel similibus verbis recitationem orationis dominicæ
introducit:
Nunc autem una simul Deum deprecémur,
sicut Dóminus noster Iesus Christus nos dócuit oráre. 25
Vel:
Voluntáti Patris assentiámur,
et orémus sicut nos Dóminus dócuit.
Et omnes simul pergunt:
Pater noster, qui es in cælis,
sanctificétur nomen tuum;
advéniat regnum tuum;
fiat volúntas tua, sicut in cælo et in terra.
Panem nostrum cotidiánum da nobis hódie;
et dimítte nobis débita nostra,
sicut et nos dimíttimus debitóribus nostris;
et ne nos indúcas in tentatiónem;
sed líbera nos a malo.
104. Tunc sacerdos Ss.mum Sacramentum ostendens, dicit:
Ecce Agnus Dei, ecce qui tollit peccáta mundi.
Beáti qui ad cenam Agni vocáti sunt.
24
OUI, n. 109.
25
OUI, n. 110.