Art_938_001_150corr.:Layout 1

DE COMMENDATIONE MORIENTIUM 101
ORATIONES PRO COMMENDATIONE
166. Quando vero instare videtur momentum exitus, Prior vel alius ex adstantibus
recitare potest aliquam e sequentibus orationibus. 21
167. Orationes ad moribundum directæ
Proficíscere, ánima christiána, de hoc mundo,
in nómine Dei Patris omnipoténtis, qui te creávit,
in nómine Iesu Christi Fílii Dei vivi, qui pro te passus est,
in nómine Spíritus Sancti, qui in te effúsus est;
hódie sit in pace locus tuus
et habitátio tua apud Deum in sancta Sion,
cum sancta Dei Genetríce Vírgine María,
cum sancto Ioseph
et ómnibus Ángelis et Sanctis Dei. 22
Vel:
Comméndo te omnipoténti Deo,
caríssime frater (caríssima soror),
et ei, cuius es creatúra, commítto,
ut ad auctórem tuum,
qui te de limo terræ formávit, revertáris.
Tibi ítaque egrediénti de hac vita
Sancta María, Ángeli et omnes Sancti occúrrant.
Líberet te Christus, qui pro te crucifíxus est,
líberet te Christus, qui pro te mori dignátus est,
constítuat te Christus, Fílius Dei vivi, intra paradísum suum
et inter oves suas te verus ille Pastor agnóscat.
Ille ab ómnibus peccátis tuis te absólvat
atque inter eléctos suos te constítuat.
Redemptórem tuum fácie ad fáciem vídeas
et contemplatióne Dei potiáris in sǽcula sæculórum.
R/. Amen. 23
21
Cf. OUI, n: 145.
22
OUI, n. 146.
23
OUI, n. 147.