Art_938_001_150corr.:Layout 1

DE VIATICO 73
LECTIO VERBI DEI
100. Valde convenit ut ab uno ex adstantibus vel ab ipso sacerdote legatur
brevis textus Sacræ Scripturæ, ex. gr.:
Io 6,54-55
Qui mandúcat meam carnem
et bibit meum sánguinem
habet vitam ætérnam
et ego resuscitábo eum in novíssimo die:
caro enim mea verus est cibus,
et sanguis meus verus est potus.
Io 6,54-59
Qui mandúcat meam carnem
et bibit meum sánguinem
habet vitam ætérnam
et ego resuscitábo eum in novíssimo die:
caro enim mea verus est cibus,
et sanguis meus verus est potus.
Qui mandúcat meam carnem et bibit meum sánguinem
in me manet et ego in illo.
[Sicut misit me vivens Pater
et ego vivo propter Patrem,
et qui mandúcat me et ipse vivet propter me.
Hic est panis qui de cælo descéndit,
non sicut manducavérunt patres et mórtui sunt:
qui mandúcat hunc panem vivet in ætérnum.]
Io 14,6
Ego sum via et véritas et vita:
nemo venit ad Patrem nisi per me.
Io 14,23
Si quis díligit me, sermónem meum servábit,
et Pater meus díliget eum,
et ad eum veniémus et mansiónem apud eum faciémus.
Io 15,4
Manéte in me, et ego in vobis.
Sicut palmes non potest ferre fructum a semetípso
nisi mánserit in vite,
sic nec vos nisi in me manséritis.
1 Cor 11,26
Quotiescúmque manducábitis panem hunc
et cálicem bibétis,
mortem Dómini annuntiátis donec véniat.