Art_938_001_150corr.:Layout 1

88 ORDO UNCTIONIS INFIRMORUM
Vel:
Voluntáti Patris assentiámur,
et orémus sicut Dóminus nos dócuit.
Et omnes simul pergunt:
Pater noster, qui es in cælis,
sanctificétur nomen tuum;
advéniat regnum tuum;
fiat volúntas tua, sicut in cælo et in terra.
Panem nostrum cotidiánum da nobis hódie;
et dimítte nobis débita nostra,
sicut et nos dimíttimus debitóribus nostris;
et ne nos indúcas in tentatiónem;
sed líbera nos a malo.
134. Tunc sacerdos Ss.mum Sacramentum ostendens dicit:
Ecce Agnus Dei, ecce qui tollit peccáta mundi.
Beáti qui ad cenam Agni vocáti sunt.
Et infirmus, si potest, aliique communicaturi semel dicunt:
Dómine, non sum dignus ut intres sub tectum meum:
sed tantum dic verbo, et sanábitur ánima mea. 28
135. Sacerdos ad infirmum accedit, eique Sacramentum ostendens dicit:
Corpus (Sanguis) Dómini nostri Iesu Christi custódiat te
et perdúcat ad vitam ætérnam. 29
Vel:
Corpus Christi (vel: Sanguis Christi).
Infirmus respondet:
Amen.
Et statim, vel post datam Communionem, sacerdos addit:
Ipse te custódiat et perdúcat in vitam ætérnam.
Infirmus respondet:
Amen.
28
OUI, n. 130.
29
Eccl. Off., f. 55v; PS, p. 151.