Art_938_001_150corr.:Layout 1
Art_938_001_150corr.:Layout 1
Art_938_001_150corr.:Layout 1
Create successful ePaper yourself
Turn your PDF publications into a flip-book with our unique Google optimized e-Paper software.
130 ORDO UNCTIONIS INFIRMORUM<br />
II<br />
ORATIONES ET BENEDICTIONES<br />
Ps 6: Domine, ne in furore<br />
A) ORATIONES SUPER PSALMOS<br />
Deus, misericórdiæ atque pietátis amátor,<br />
qui vitam largíris et ímperas morti,<br />
Ecclésiam tuam réspice tot vulnéribus sauciátam<br />
eámque in Fílii tui resurrectióne restáura,<br />
ut novo te váleat magnificáre præcónio.<br />
Ps 24: Ad te, Domine, levavi<br />
Custódi, Dómine, ánimas nostras ad te levátas<br />
et érue nos in dulcédine tua,<br />
ut non confundámur invocántes te.<br />
Delícta iuventútis et ignorántiæ ne memíneris,<br />
sed nostrum memor esto secúndum misericórdiam tuam.<br />
Ps 27: Ad te, Domine, clamabo<br />
Dómine Deus,<br />
qui unicuíque tríbuis iuxta ópera sua,<br />
tu vocem Christi tui exaudísti<br />
eiúsque carnem in die resurrectiónis reflorére tribuísti:<br />
preces nostras cleménter exáudi<br />
et Ecclésiæ tuæ tríbue<br />
ut in rectitúdine vitæ ámbulet pacífice<br />
et in gratiárum actióne pro ópere mánuum tuárum<br />
cum gáudio persevéret.<br />
Ps 29: Exaltabo te, Domine<br />
Deus, vitæ magnífice largítor et magnificéntius restitútor,<br />
qui Fílium tuum ab ínferis eduxísti,<br />
ne abscóndas fáciem tuam a nobis<br />
nec in púlverem ánimas nostras cónteri patiáris,<br />
ut resurgéntes cum Christo<br />
planctum nostrum mutémus in gáudium.