Art_938_001_150corr.:Layout 1
Art_938_001_150corr.:Layout 1
Art_938_001_150corr.:Layout 1
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
INTRODUCTIO GENERALIS 29<br />
31. Perdurante formatione initiali 38 et permanenti, Familiæ Dominicanæ<br />
sodales per aptam instructionem edoceantur de spiritualibus divitiis liturgiæ<br />
instauratæ necnon et de mente atque consiliis quæ ipsam respiciunt. 39<br />
Iidem sodales qui sint ministri ordinati vel rite instituti, necnon et ii<br />
quibus cura pastoralis infirmorum sit commissa, ordinem Ritualis nostri<br />
diligenter cognoscant, ut ipso frui possint, cum opportunum videatur.<br />
B) PRÆSENTIA FRATERNA ATQUE SACRAMENTORUM ADMINISTRATIO<br />
32. Dum morbo laborat atque vexatur, infirmus multiplicibus modis<br />
adiuvatur ab adstantibus, sive familiaribus sive religioso conventu, sive ab<br />
iis qui ei medicas curas præbent sive a communitate christiana. Oportet<br />
igitur ut et ipse infirmus et ii qui pastoralis liturgicæ munere funguntur<br />
iter noscant sacramentale atque fraternam sollicitudinem quæ Ecclesia<br />
proponit ad fratrem vel sororem confortandos qui morbo conficiatur.<br />
33. Inter ea quæ ad solacium præstandum vel ad infirmum roborandum<br />
pertinent, Sacramenta eminent veluti signa peculiaria quæ testantur et dilectionem<br />
actionemque Dei erga ipsum et fraternam præsentiam Ecclesiæ. Per<br />
humanitatis autem sensus quibus huiusmodi celebrationes sunt circumfundendæ,<br />
compassionem ipsi vivimus sancti Dominici aliorumque Sanctorum<br />
et Sanctarum Ordinis nostri. Singula quidem momenta hæc sunt:<br />
a) Visitatio infirmorum (caput I), siquidem hominis ad hominem<br />
occursatio, locus est dialogi et socialis consortii atque evangelizationis in<br />
tempore infirmitatis, ubi Deus novo modo invenitur.<br />
b) Communio infirmorum (caput II) et verbo Dei confortat et Pane<br />
vitæ corroborat fidelem qui, morbo laborans, Eucharistico convivio cum<br />
fratribus adesse nequit.<br />
c) Sacramentum Unctionis (caput III) adlevat christifidelem qui vitam<br />
morbo vel infirmitate confectam velit in fide suscipere; proinde perficit<br />
conformationem nostram ad mortem et resurrectionem Christi, per<br />
Baptismum inchoatam 40 atque per professionem religiosam plenius expressam.<br />
41 Nostris quidem communitatibus mutuæ misericordiæ petitio<br />
fieri potest locus vitæ fraternæ ardenter experiendæ.<br />
38<br />
Cf. Ratio studiorum generalis Ordinis Fratrum Prædicatorum, Romæ 1993, nn. 17-18.<br />
39<br />
Cf. ASOP 1977, p. 145, n. 7.<br />
40<br />
Cf. CCE, n. 1523; COS, n. 134.<br />
41<br />
Cf. Decr. Perfectae Caritatis, n. 5; Proprium Ordinis Prædicatorum, IV. Rituale:<br />
Professionis Ritus, « Intr. gen. », n. 1.