Art_938_001_150corr.:Layout 1

DE OFFICIO POST OBITUM 109
Vel:
Ps 116,10 ss.: « Credidi, etiam cum locutus sum ».
Vel:
Ps 117: « Laudate Dominum, omnes gentes ».
Preces
184. Deinde Prior aut Priorissa vel Cappellanus dicit orationem:
Omnípotens sempitérne Deus,
qui humáno córpori ánimam
ad similitúdinem tuam inspiráre dignátus es:
dum te iubénte pulvis in púlverem revértitur,
tu imáginem tuam cum sanctis et eléctis tuis
ætérnis sédibus præcípias sociári
eámque de Ægýpti pártibus ad te reverténtem
blande lenitérque suscípias,
et ángelos tuos sanctos ei óbviam mittas
viámque illi iustítiæ demónstra
et portas glóriæ tuæ áperi.
Repélle, quǽsumus, Dómine,
ab ea omnes príncipes tenebrárum
et agnósce depósitum fidéle quod tuum est.
Súscipe, Dómine, creatúram tuam, non a diis aliénis creátam,
sed a te solo Deo vivo et vero,
quia non est alius Deus præter te, Dómine,
et non est secúndum ópera tua.
Lætífica, clementíssime Deus, ánimam servi tui 8 (ancíllæ tuæ) N.,
et clarífica eam in multitúdine misericórdiæ tuæ;
ne memíneris, quǽsumus,
iniquitátum eius:
licet enim peccáverit, tamen te non negávit,
sed signo fídei insignítus (insigníta),
te, qui ómnia et eum (eam) inter ómnia fecísti, fidéliter adorávit.
Qui vivis et regnas in sǽcula sæculórum. 9
R/. Amen.
8
Cf. Ps. 85,8.4.
9
ASOP 1977, p. 152 et 252 sq. (emend.); Gre, n. 4077; Eccl. Off., f. 57r; PS, p. 184.