Art_938_001_150corr.:Layout 1
Art_938_001_150corr.:Layout 1
Art_938_001_150corr.:Layout 1
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
CAPUT VI<br />
DE COMMENDATIONE MORIENTIUM<br />
NOTA PRÆVIA<br />
148. Cum frater vel soror est in exitu vitæ constitutus, expedit ut talem eventum<br />
communitas maxima sollicitudine fraterna atque sensu fidei respiciat. Deo<br />
igitur supplicetur ut fratris vel sororis nostræ misereatur neque eorum in Christo<br />
fiducia deficiat. Qua ipsa oratione, communitas caritatem erga fratrem vel sororem<br />
necnon et suam communionem cum universa Ecclesia magnopere renovat. 1<br />
149. Oratio vero fratrum vel sororum confortat morientem, si adhuc conscius<br />
vel conscia sit, ut anxietatem mortis homini innatam acceptans, Christum patientem<br />
et morientem imitando, eandem superet per virtutem eius qui mortem<br />
nostram moriendo destruxit et vitam resurgendo reparavit.<br />
Si autem moribundus iam sui conscius non sit, communitas quæ eum assistit<br />
consolationem ex his precibus hauriat, memorans sensum paschalem mortis christianæ.<br />
Quem sensum etiam signo visibili exprimere sæpe expedit, signando moribundum<br />
signo crucis in fronte, in qua primum signatus est in baptismate. 2<br />
150. Rituale Romanum integrum ordinem celebrationis non præscribit, sed<br />
orationes et lectiones colligit, iuxta adiuncta seligendas.<br />
Prior vel Priorissa necnon et delegatus vel delegata pro liturgia aptum statuant<br />
modum præsentiæ et participationis conventus, præ oculis habentes statum infirmi,<br />
desiderium fratrum vel sororum, præsentiam forte propinquorum et condiciones<br />
loci. Celebratio varietur si in domo religiosa fiat, multis vel paucis adstantibus,<br />
aut in nosocomio nonnullis infirmum circumstantibus. 3<br />
151. Hoc Rituale duo præbet schemata: « adsistentia morientis communitaria<br />
» sicubi fieri potest et optatur, et « adsistentia a singulis vel paucis facta » sicubi<br />
adunatio apud morientem fieri non potest vel non est optabilis.<br />
In celebratione quidem communitaria, præstat incipere per sequentiam liturgiæ<br />
consuetam (introductione scilicet, lectionibus, litaniis ceterisque elementis),<br />
magis quam statim incipere « formulis brevibus » in Rituali propositis. 4<br />
1<br />
Cf. OUI, n. 138; ASOP 1977, p. 146, n. 12.<br />
2<br />
Cf. OUI, n. 139.<br />
3<br />
Cf. ACG 1974, n.170 = ASOP 1977, p. 144, nn. 6-7; p. 146, n. 13.<br />
4<br />
ASOP 1977, p. 146 n. 13.