Art_938_001_150corr.:Layout 1
Art_938_001_150corr.:Layout 1
Art_938_001_150corr.:Layout 1
Create successful ePaper yourself
Turn your PDF publications into a flip-book with our unique Google optimized e-Paper software.
74 ORDO UNCTIONIS INFIRMORUM<br />
Seligi potest etiam alius textus aptus ex iis qui infra (in Appendice I, pp. 127-<br />
129) proponuntur. Cuius textus brevis explicatio, pro opportunitate, fieri potest. 22<br />
PROFESSIO FIDEI BAPTISMALIS<br />
101. Expedit ut infirmus, antequam Viaticum recipiat, fidei baptismalis professionem<br />
renovet. Proinde sacerdos, vel minister Eucharistiam deferens, brevi introductione<br />
aptis verbis præhabita, eum interrogat:<br />
Credis in Deum Patrem omnipoténtem,<br />
creatórem cæli et terræ?<br />
R/. Credo.<br />
Credis in Iesum Christum, Fílium eius únicum,<br />
Dóminum nostrum,<br />
natum ex María Vírgine,<br />
passum et sepúltum,<br />
qui a mórtuis resurréxit et sedet ad déxteram Patris?<br />
R/. Credo.<br />
Credis in Spíritum Sanctum,<br />
sanctam Ecclésiam cathólicam,<br />
sanctórum communiónem,<br />
remissiónem peccatórum,<br />
carnis resurrectiónem et vitam ætérnam?<br />
R/. Credo. 23<br />
SUPPLICATIO PRO INFIRMO<br />
102. Deinde, si condiciones infirmi id permittunt, fit brevis litania his vel similibus<br />
verbis, ipso infirmo, quantum fieri potest, atque adstantibus respondentibus:<br />
Dóminum Iesum Christum, fratres caríssimi (soróres caríssimæ), uno<br />
corde invocémus:<br />
– Te, Dómine, qui dilexísti nos in finem et teípsum morti tradidísti ut<br />
nobis vitam dares, pro fratre nostro (soróre nostra) deprecámur:<br />
R/. Exáudi nos, Dómine.<br />
22<br />
OUI, n. 107.<br />
23<br />
OUI, n. 108.