Die sosiale aanpassing en verantwoordelikheid van die ...

5.1 INLEIDING
-98-
HOOFSTUX 5
SANEVATTING, GEVOLGTREKKINGS EN AANBEVELINGS
In hoofstuk 5 word die konteks asook die doel van die ondersoek
bespreek. Die navorsingsinstrumente, die ondersoekgroep
asook die verwerking van die data en die metode
van ondersoek word van nader beskou.
In die hoofstuk word ook die belangrikste bevindinge,
gevolgtrekkings, aanbevelings, opvoedkundige implikasies
en leemtes van die ondersoek beskryf. Die konteks van die
ondersoek word eerstens van nader beskou.
5.2 KONTEKS VAN DIE ONDERSOEX
Navorsingsverslae toon jaarliks die statistiese feite van
die slaag- en druipsyfers van eerstejaarstudente aan
universiteite: "Hierdie verslae fokus die aandag op 'n
kommerwekkende probleem, naamlik die groot persentasie
eerstejaarstudente wat hulle studies staak of druip"
(Potgieter, 1991:47).
Verskeie ekonomiese, sosiale en politieke faktore kan
moontlik tot bogenoemde probleem aanleiding gee. Hierdie
probleem word in 'n groot mate ook veroorsaak deurdat studente
swak toegerus is vir universiteitstudie of die
universiteitsmilieu. Die studie poog om die invloed wat
sosiale aanpassing op eerstejaarkoshuisstudente se
studiesukses het, to bepaal.
Die hod persentasie onsuksesvolle eerstejaarstudente hou
negatiewe implikasies in vir sowel die eerstejaarstudente
self, asook vir die gemeenskap waarin hulle woon. Die