Die sosiale aanpassing en verantwoordelikheid van die ...

-49-
is nie en dat verantwoordelikheid ondeelbaar is, al ver-
toon dit 'n verskeidenheid aspekte. Al drie voorgemelde
fasette is dus teenwoordig wanneer verantwoordelikheid
ter sprake kom.
Die morele verantwoordelikheid wat eerstejaar-
koshuisstudente dus aan 'n universiteit behoort te open-
baar, is om op grond van sekere norme en waardes te
handel. Ook om deur die navolging van reels en regulasies
so te handel dat hulle die gevolge van hul eie dade kan
dra.
2.4 SAMEVATTING
In hierdie hoofstuk is die aanpassingskomponente wat 'n
rol speel by die inskakeling van eerstejaarkoshuisstu-
dente in hul nuwe omgewing aan 'n universiteit litera-
tuurmatig van nader beskou. Hierdie komponente sluit die
volgende in: Algemene (naamlik akademiese-, persoon-
like-, huislike- en sosiale aanpassingskomponente), sowel
as meer spesifieke sosiale aanpassingskomponente (naamlik
persoonlikheid, ekstroversie en introversie, asook
sosiale vaardigheid van eerstejaarkoshuisstudente).
Verder blyk dit uit hierdie hoofstuk dat die sin van
verantwoordelikheid van eerstejaarkoshuisstudente al drie
fasette van verantwoordelikheid insluit, naamlik
persoonlike-, sosiale- en morele verantwoordelikheid.
Hierdie fasette kan nie van mekaar geskei word nie.
Oorvleueling tussen die fasette vind deurentyd plaas en
moet tydens die sosiale aanpassingsproses in ag geneem
word.
In die volgende hoofstuk word die navorsingsontwerp, die
navorsingsmetode, die operasionalisering daarvan, die on-
dersoekgroep en die ontwerp van die vraelys onder die
soeklig geplaas.