Die sosiale aanpassing en verantwoordelikheid van die ...

5.4.2 Ondersoekgroep
-101-
Die ondersoekgroep bestaan uit voltydse eerstejaarstudente
wat in 'n koshuis woonagtig is en wat in 1995 vir die
eerste keer aan die Randse Afrikaanse Universiteit inge-
skryf het (vergelyk paragraaf 3.6.1). Hierdie studente
moes verder nog nie voorheen aan 'n ander tersiere in-
stelling verbonde gewees het nie. Die ondersoekgroep be-
staan uit 'n totaal van 261 man- en dame-eerstejaarkos-
huisstudente wat woonagtig is in vyf koshuise.
Die data wat deur middel van bogenoemde vraelyste vir
hierdie groep verkry is, is verwerk om na aanleiding daar-
van sekere afleidings to maak ten opsigte van die studente
se sosiale aanpassing en die mate van verantwoordelikheid
van hierdie studente. Die dataverwerkingsmetode word ver-
volgens bespreek.
5.4.3 Verwerking van die data
Die resultate van die verantwoordelikheidsvraelys, die
persoonlikheidsvraelys, die opname van die studiegewoontes
en -houdings sowel as die aanpassingsvraelys is deur mid-
del van grafieke en tabelle visueel voorgestel. Daarna is
die data geanaliseer aan die hand van frekwensie-analises
en die resultate met behulp van Hotelling se T 2 -toets,
sowel as Student se t-toets. Die frekwensie-analise van
die data is gebaseer op die gemiddelde telling soos behaal
vir elke vraag. Hotelling se T 2 -toets meet globale
verskille in die resultate van manstudente teenoor did van
damestudente. Met behulp van Student se t-toets is ver-
dere besonderhede van die globale verskil verkry. Die
5%-beduidendheidspeil was deurgaans van toepassing op die
relevante analises.