Die sosiale aanpassing en verantwoordelikheid van die ...

-30--
aan hul studies bestee en dat dit 'n negatiewe invloed
op die akademiese prestasie van sulke studente kan
meebring, indien die tyd nie optimaal benut word nie.
Die standpunt dat die vele diverse aktiwiteite wat
tydens die eerste paar weke aan 'n universiteit plaasvind,
die eerstejaarkoshuisstudent aanmoedig om sy/
haar werk uit te stel, word ook deur Hart en Heyns
(1969:9) gehuldig. Uperaft en Gardner (1990:66) ondersteun
hierdie gedagte deur die stelling "... the
freshman's most critical transition period occurs
during the first six weeks."
Uit die literatuur (vergelyk Mouton, 1988; Bubb, 1991;
Argyle, et al., 1981; Kando, 1977; Swart 1991:18;
Vosloo 1986:41) blyk dit dat sosiale aanpassing van
eerstejaarkoshuisstudente verskillende aspekte behels,
onder andere:
persoonlikheid van die student;
die mate van ekstroversie en introversie; en
die sosiale vaardigheid van die eerstejaarkoshuisstudent,
wat insluit:
(portuur) groepsverkeer; asook
verkeer met die teenoorgestelde geslag.
Elke eerstejaarkoshuisstudent is 'n unieke wese met
sy/haar eie persoonlikheid en karaktereienskappe. Die
mate waartoe elke eerstejaarkoshuisstudent aan 'n
universiteit sosiaal sal aanpas, behoort dus ook te
verskil. Ekstroversie en introversie verskil ook van
persoon tot persoon. Dit het tot gevolg dat die
sosiale geleenthede wat die eerstejaarkoshuisstudent
beinvloed, ook tussen ekstrovert en introvert gaan
verskil. Die sosiale groepsverkeer van die eerste-
jaarkoshuisstudent met sy/haar medestudente, sowel as
die sosiale verkeer met die teenoorgestelde geslag het