Die sosiale aanpassing en verantwoordelikheid van die ...

3.4.2 Betroubaarheid
-63-
Die Spearman-Brown verdeelde-helfte-metode is gebruik om
die betroubaarheid van die vraelys te bepaal. Die metode
van verdeelde helftes word deur middel van een toets
op die eerstejaarkoshuisstudente toegepas. Na voltooi-
ing van die toets word dit dan in twee gelyke dele
(helftes) verdeel en elke helfte se telling word afson-
derlik bepaal. Die korrelasiekoeffisient wat tussen die
tellings van die afsonderlike helftes bereken word, is 'n
aanduiding van die betroubaarheid van die toets of
meetinstrument. Met behulp van die NTS2-program van die
NIPN is die Cronbach alfakoeffisient bereken as gelyk-
staande aan 0,8121, wat vir die doel van hierdie onder-
soek voldoende is.
3.4.3 Meerveranderlike analise
Meerveranderlike analise is die analise wat gedoen word
op waarnemings of metings van verskillende veranderlikes
vir 'n aantal verskillende persone. Hierdie tipe analise
is veral in opvoedkundige navorsing van belang waar
gelyktydig met 'n groot aantal veranderlikes gewerk word.
Met die verskillende tegnieke van meerveranderlike
analise kan die verwantskappe, afhanklikhede en
eienskappe tussen veranderlikes uit gelig word (vergelyk
Dixon, Brown, Engelman & Jennrich, 1990:807-816).
Van die beskikbare tegnieke om meerveranderlike analise
te doen, word slegs tros- en faktoranalise bespreek,
asook die wyse waarop dit in hierdie ondersoek toegepas
is. Die rede waarom slegs hierdie twee tegnieke gebruik
word, is geled in die feit dat na onderlinge struktuur in
die vraelys gesoek word - wat met behulp van hierdie teg-
nieke verkry kan word.