Die sosiale aanpassing en verantwoordelikheid van die ...

-103-
Dit dui op 'n mate van ekstroversie, maar ook 'n mate van
introversie (vergelyk paragraaf 2.2.2.2). Manstudente het
uitbundig, selfgeldend en ook ondersoekend voorgekom, wat
op 'n mate van ekstroversie dui, maar nie op totale
ekstroversie nie.
Aangesien 'n groot groep eerstejaarkoshuisstudente getoets
is en elkeen 'n unieke persoonlikheid met unieke persoon-
likheidseienskappe het, is dit moeilik om te bepaal of
dame- of manstudente totaal ekstroverties of introverties
van aard is. Individuele toetsresponse kan 'n meer ak-
kurate weergawe gee van elke eerstejaarkoshuisstudent se
persoonlikheid ten opsigte van ekstroversie en intro-
versie.
Die derde komponent van sosiale aanpassing, naamlik
sosiale vaardigheid, sluit in sosiale groepsverkeer sowel
as verkeer met die teenoorgestelde geslag (vergelyk
paragrawe 2.2.2 en 2.2.2.3). Die resultaat soos behaal in
die PHSF-vraelys se veranderlike Sosialiteit-S, dui daarop
dat manstudente 'n groter behoefte toon om sosiaal met die
teenoorgestelde geslag te verkeer as damestudente.
Samevattend kan beweer word dat damestudente spontaan aan
sosiale groepsverkeer deelneem, maar redelik onseker oor
hulself voorkom. Hulle is nie totaal ekstroverties of in-
troverties van aard nie, maar 18 op die kontinuum tussen
twee uiterstes (vergelyk paragraaf 2.2.2). Laastens het
die damestudente nie 'n groot behoefte om sosiaal met die
teenoorgestelde geslag te verkeer nie.
Manstudente openbaar 'n mate van uitbundigheid en selfver-
sekerdheid wat slegs op 'n mate van ekstroversie dui.
Hulle het egter 'n groot behoefte om sosiaal met die
teenoorgestelde geslag te verkeer.