Die sosiale aanpassing en verantwoordelikheid van die ...

-61-
beskou word as 'n aanduiding van die betroubaarheid
van die toets. Die berekening van die korrelasiekoeffisient
word deur middel van 'n formule bepaal.
Die verdeelde-helfte-metode: Hierdie metode word
toegepas deur die items in die toets in twee
heiftes te verdeel. Die korrelasiekoeffisient tussen
die tellings van die twee heiftes gee dan 'n aanduiding
van die betroubaarheid van die helfte van die
toets. Die Spearman-Brown-formule kan gebruik word om
die betroubaarheidskoeffisient te verstel tot did van
die vollengte toets.
Die Ruder-Richardson-formules: Did formules is
ontwikkel om die betroubaarheid van 'n toets of
meetinstrument te bereken sonder om die korrelasiemetode
te gebruik (vergelyk Vockell, in Fourie,
1987:90) Om tegniese redes is die formules slegs
toepasbaar op toetse waar die response op die items as
reg of verkeerd geklassifiseer kan word.
Om 'n hertoets onder alle eerstejaarkoshuisstudente aan
'n universiteit of te neem, is nie moontlik nie, aangesien
die grootte van die groep dit nie toelaat nie en
die tyd vir afneem van die vraelys ook die respons kan
beinvloed.
Ten einde die betroubaarheid van die vraelys in hierdie
studie te bepaal, blyk die verdeelde-helfte-metode dus
die aangewese metode te wees. Die vrae kan in twee dele
verdeel word, byvoorbeeld alle ewe nommers as een helfte
en alle onewe genommerde vrae as die ander helfte. Die
korrelasiekoeffisient van elke helfte kan dan bepaal
word, waarna die Spearman-Brown-formule gebruik kan word
om die betroubaarheidskoeffisient na die toets as geheel
te verstel.