Melankoli, Politikk og Økologisk medvit - diskusjon ... - Rebbestad.no

Recommendations

Info

Diagonalt bak den enkeltståande søyla, blir det avbilda ei rekkje med fire søyler som er samla innunder eit arkitrav. Søylerekkja blir avbilda innover, noko som medfører ei forkorting og som aukar sjåaren sin følelse av djupne. Arkitrav definerer ein av dei få rette linjene i biletet, og ender i eit forsvinningspunkt langs horisontlinja i det gylne snittet. Saman med den vertikale søylerekkja, er ei tilsvarande horisontal rekkje med på å definere eit arkitektonisk rom rundt den opne sletta. Sletta grenser opp i mot eit skogholt og den horisontale søylerekkja markerer grensa i mellom ope- og lukka landskap. Denne overgangen vert gjort tydeleg med ein bogeforma inngang i murveggen som ein skimtar mellom søylene. Søylearrangementet blir oppfatta, på denne måten, meir som ein vegg enn ein arkitektonisk del utan praktisk funksjon. Bak det luftige rommet står eit skråstilt og firkanta fragment. På sletta ligg eit stille vatn som speglar dei arkitektoniske elementa og skogen rundt. I det fjerne bak skogen kan ein skimte fjell og ein varm himmelkvelving. Himmelen har eit oransjeliknande lysskjær som er eit resultat av at to naturfenomen møtes. Kontakten i mellom lys og mørke skaper ei kveldsstemning og ein kan førestille seg ei glødande sol som er i ferd med å gå ned bak fjella. Skyene blir modulerte, får volum og det blir skapt ei dynamisk rørsle på himmelen. Det uttrykker at timen endrar seg og stemninga vert uroleg. I tillegg til linje perspektivet, finst det eit fargeperspektiv som pregar fargane og gjer dei lysare i bakgrunnen enn i framgrunnen. Særleg fjella kjem til syne gjennom eit transparent slør med dis, som likner clairobscur effekten i Leonardo da Vincis landskapsmåleri. Men i motsetning til da Vincis kjølige lyssetting, pregar eit varmt lys dette biletet. Derfor går tankane meir i retning mot romantikken framfor renesansen. Lysfenomena skildrar naturen bak i biletet, med sitt jamne diffuse lys som skaper atmosfære. 39 Kunstnaren påpeiker også andre samanhengar til det romantiske i biletet. Som til dømes at ver og vind møtes i eit naturleg landskap og påverkar kultiverte ting. Spor av kulturen blir vist i form av arkitektur og historiske rekvisittar som blir stilte opp i eit dramatisk tablå. Arkitekturen er i ruiner og verker pittoresk fordi den er i ferd med å bli overgrodd av planter (ref., kap. 4: pp., 53-54). I tillegg er det raudlege lysskjæret og vinden med på å skape ei spesiell stemning i biletet. Lyset demonstrerer tinga sine stofflege eigenskapar ved å visa korleis overflata deira opptrer i møte med eit lysmedium. Eit hardt materiale som reflekterer mykje kvitt lys, har lav grad av stoffleg tekstur, medan eit mjukt materiale som reflekterer mindre lys har høg grad. Kunstnaren har to lyskjelder i biletet, ei til å lyse opp framgrunnen, medan ei anna lyser opp landskapet bak. Lyset i framgrunnen er eit høglys med større intensitet enn det som lyser i bakgrunnen. Det er subjektivt og peiker ut kva som skal vere mest synleg i biletet. Lyset skaper kontrast i mellom to polar som inneber ei lita gradering. For å skildre nyansane i måleriet, kan ein bruke teknikken 39 Gotfredsen, Bildets Formspråk, 1991: p., 138. 26
tenebroso som tyder dunkel. 40 Denne målemåten var vanleg i barokken og romantikken, men Leonardo da Vinci vert kalla den fyrste tenebrist (ibid. ). Lyset i bakgrunnen skaper stemning i møte med fargane i naturen. Delacroix observerte at grå skyer får eit blåskjer om kvelden og legg til: ”The clear parts of the sky are bright yellow or orange”. 41 Kunstnaren observerer korleis fargane opptrer i møte med kvarandre og finn ut at fargen som oppstår i mørket er grøn. På bakgrunn av observasjonane, utviklar han ein fargeteori som består av gult, raudt og blått. Ein kan seie at fargane Enehaug måler himmelen med, opptrer slik Delacroix skildrar naturfenomena i romantikken. Til venstre på himmelen ser ein glimt av blå skyer og i motsatt retning kjem eit gyldent lys, og når fenomena møtes blir det skapt eit grønt mørke på himmelen. ”General Narcissus” ”General Narcissus” er i dag i privat eige (Bilete: 3). Bilete vart laga i 1975 og er signert av kunstnaren. Motivet er måla med olje på plate og storleiken er 80 x 100 cm, det vil seie eit litt mindre landskapsformat enn det ”Melankolia” er. Noko av det fyrste eg legg merke til i møte med motivet, er ein person som har ansiktet bandasjert og som set framfor ein mørk bakgrunn. Personen er avbilda i ein sittestilling og har ein frontal og sentral plassering i framgrunnen. Hendene fell ned langs sida og vi ser begge i frå oversida. Den venstre neven ligg knyta og kviler ned på bordet, medan den høgre er open og heva opp i frå bordplata. På grunn av bandasjen er det ikkje mogeleg å identifisere personen, men dei kraftige hendene indikerar at det er ein mann. Det ser ut som bandasjen i utgangspunktet er kvit, men vert gråleg og skiten på grunn av skyggeverknaden. På hovudet har personen ein svart hatt med eit rundt gullemblem. Emblemet syner ein frontalt sprikande rovfugl. Hatten fell ned over bandasjen slik at den dekkjer omlag halve ansiktet. Den blanke skjermen syner eit gjenskin frå eit lys som fell inn frå ein høgre frontal. Lyset dannar kvite parti på den svarte skjermen. Under hovudet har personen på seg ei lys skjorte og eit litt mørkare slips som blir framheva av ein unaturleg mørk skygge bakom. Personen har på seg ei blå jakke, med gullknappar og gulltvinna snorer kring den høgre skulderdelen. Kleda er ikkje draperte i like stor grad som kleda til fugleskremselet i ”Ærens time” eller engelen i ”Melankolia”. Kleda her, har ein strammare form som er meir tilpassa figuren. Øvst oppe på begge skuldrene, ser ein liknande samanfletta element. Desse snorene går igjen i ”Melankolia”, men med ein annan praktisk funksjon. Snorene i ”General Narcissus” har fleire funksjonar, dei representerer ein rang i tillegg til å vere symbolske og dekorative. Gullfargen til snorene kjem ekstra godt fram sidan blåfargen på jakka er komplementær. Personen set i ein stol med raud ryggpute. Eit brunt ornamenttalt trevirke, er fletta langs den vertikale stolryggen og ender i eit dyreliknande hovud på toppen. Hovudet er dekorert med ein 40 Pipper, Aschehaugs kunsthistorie, Bind 4, Kunstleksikon, 1996: p., 176. 41 Janson, Neoclassicism and Romanticism 1750-1850, Sources and Documents, Volume II, Restoration/ Twilight of Humanism, Lorenz Eitne, 1970: p., 112. 27
Page 1 and 2: Melankoli, Politikk og Økologisk m
Page 3 and 4: Uttrykk for ei framandgjord kjensle
Page 5 and 6: Innleiing Mitt fyrste møte med bil
Page 7 and 8: 1. Metodiske og teoretiske refleksj
Page 9 and 10: sin handsaming av eksterne forskara
Page 11 and 12: Eg oppfatter den semiotiske chora s
Page 13 and 14: kunsten sin eksistens i folk sitt m
Page 15 and 16: 2. Ove Enehaug sin kunstproduksjon:
Page 17 and 18: Kunstnarisk haldning og arbeid På
Page 19 and 20: er dekorert med gullborder som snur
Page 21 and 22: effekt i form av eit fysisk skada o
Page 23 and 24: I fram- og mellomgrunnen harmonerer
Page 25: storleik. Årsaka til at dei blir o
Page 29 and 30: og rynkene synes. På skrå framfor
Page 31 and 32: Polk” (1971). 44 Kunstnarane høy
Page 33 and 34: 3. POLITIKK I dette kapitelet vil e
Page 35 and 36: Skansen trykk Morten Krohg var init
Page 37 and 38: Elementa Enehaug plasserer i lag, v
Page 39 and 40: Sjølvstendig drift Skansen trykk f
Page 41 and 42: Kunstnaren ynskjer å kommunisera m
Page 43 and 44: Nyavantgarden og radikalisering av
Page 45 and 46: Når det gjaldt måten kunstnaren j
Page 47 and 48: På tross av det destruktive motive
Page 49 and 50: gjennom romantiske naturframstillin
Page 51 and 52: Resepsjonseffekt under tolking av n
Page 53 and 54: ”Brudeferden i Hardanger” av Ti
Page 55 and 56: Dette verket vil eg studere i relas
Page 57 and 58: Når det gjeld stil, representerer
Page 59 and 60: Enehaugs politiske agenda, er at pu
Page 61 and 62: I ”Metamorphosis of Narcissus”
Page 63 and 64: til det bevisste, og skildrar den h
Page 65 and 66: 5. Melankoli Den allegoriske figure
Page 67 and 68: usynleggjerande kraft slik den gres
Page 69 and 70: Medan det subjektive ved engelen i
Page 71 and 72: Dei feminine trekka, signaliserer e
Page 73 and 74: Enehaug vart nok også påverka av
Page 75 and 76: kunstnargeniet si viktigaste kjelde
Page 77 and 78:
Mytologisk forankring Eit melankols
Page 79 and 80:
Bandasjen som dekker augo kan bli t
Page 81 and 82:
kritisere eit allment problem i mas
Page 83 and 84:
Avslutting I løpet av tolkingsarbe
Page 85 and 86:
Litteraturliste Ades, Dawn & Bradle
Page 87 and 88:
Kristeva, Julia, 1984a, Desire in L
Page 89 and 90:
Weiss, Robert, 1994, Learning from
Page 91 and 92:
Bilete 2: ”Ærens time” av Ove
Page 93 and 94:
Bilete 4: ”Kunstplakat” av Ove
Page 95 and 96:
Bilete 7: ”Metamorphosis of Narci
Page 97 and 98:
17 ”Brezjnev” 1976 Seriegrafi S
Page 99:
61 ”Interplanetarisk samtale på
show all

Melankoli, Politikk og Økologisk medvit - diskusjon ... - Rebbestad.no

You also want an ePaper? Increase the reach of your titles

Delete template?

Save as template?