Slik lever du sunt med fet fisk - Coop Norge

Fotball-EM vert ikkje spela berre i
Wien. Dei andre austerrikske EMbyane
er Salzburg, Innsbruck og
Klagenfurt, også historisk interessante
byar med ei mengde attraksjonar.
SALZBURG:
Fotballfeber heime hos Mozart
Etter ei hyggeleg togreise vestover frå hovudstaden kjem eg til
Mozarts fødeby, Salzburg, og ein av europameisterskapet sine
mest spektakulære arenaer.
Min spasertur oppover bratte trappesteg til Mönchsberg vert
løna med ei uverkeleg utsikt over byen som innehar ein sjølvsagt
plass på verdsarvslista. Som ein eventyrleg miniatyrstad ligg dei
gamle husa tett inntil kvarandre langt nedanfor meg, eit knippe
kyrkjetårn med irrgrøne kopartak stikk opp, og heile dalen vert
fylt med klokkeklang. Domkyrkja, der Mozart for 250 år sidan
vart døypt, utgjer med sin barokke kuppel byens sjølvsagte
midtpunkt. Elva Salzachs grøne boge deler byen, og den 900
år gamle middelalderborga Hohensalzburg tronar høgt ovanfor.
28 COOP
Bortom byen kan ein skimta dei grøne åsane der familien Trapp
ein gong dansa ut i verda i filmen Sound Of Music.
Tilbake i byens sentrum hamnar eg på Getreidegasse der
fotgjengartrafikken stokkar seg framfor huset der den framgangsrike
komponisten vart fødd. Skarar med turistar stirer opp mot
huset med nummer 9, der familien Mozart ein gong budde, i tredje
etasje. Huset er i dag eit Mozartmuseum og turistanes kamerablitsar
slår mot den eggegule fasaden. Mozartplatz, torget der byens
berømte son står som statue, kjem under den komande fotballfesten,
saman med nærliggjande Residenzplatz og Kapitelplatz, til
å bli gjort om til enorme supporterområder med storskjermar og
scenar for artistar.
Vest for byens sentrum, ved kjøpesenteret Europapark, ligg
EM-stadionen Wals-Siezenheim, heimearena for førstedivisionslaget
Red Bull Salzburg. Gjennom ei spektakulær ombygging,
der ein mellom anna har løfta det over 2000 tonn tunge taket,
har tilskodarplassane auka frå 18 500 til 30 000 før meisterskapet.
INNSBRUCK:
Grøne matter i vinter-OL-staden
I togkupeen på veg til Innsbruck les eg meg opp på litt historie
om Tyrol, området som fyrst og fremst er kjend for sine
ypparlege vintersportgreiner. Alperegionen Tyrol vart splitta opp
som ei fylgje av fyrste verdskrig og oppløysinga av Austerrike-