Slik lever du sunt med fet fisk - Coop Norge

TIPS
Å gjera:
Austerrike er berømt for sin eventyrleg vakre natur og Alpanes
fjell tilbyr uendeleg mange sports- og fritidsaktivitetar for alle
smakar på alle nivå, året gjennom. Byanes offentlege kulturtilbod
med konsertar, museum og galleri som omfattar både
tradisjonelt og moderne i absolutt verdsklasse gjev ein beint
fram hakeslepp. Wien har gjennom historia utgjort navlen i
europeisk kulturliv, med musikk, teater, litteratur og arkitektur
som paradegreiner.
Det er lett å ta seg rundt, og under EM har ÖBB (tilsvarer NSB)
særskilde tog for fotballfansens reiser mellom byane.
Å eta:
I det fleirkulturelle Austerrike finnest mat frå heile verda og
ein kan eta mykje godt på landets mange restaurantar. Det
austerrikske kjøkenet er realt og bastant, med mengder av
kaloririke rettar. Menyen er dominert av flesk og knödel og
er ikkje hyggeleg lesnad for ein vegetarianar. Gasthausen og
kafeane er berømte for sin avslappa tone med god service
og ikkje minst for sine utsøkte etterrettar. Wienerschnitzlar i
kolossalformat vert servert på restaurant Figlmüller i sentrale
Wien og like berømte etterrettar avsmakas helst i nokre av dei
talrike klassiske kafeane med trepanel.
Austerrike har mange nasjonale ølsortar og dei fleste held
svært høg kvalitet, liksom vinen som vert produsert i landet.
Fleirtalet av austerrikske kvite vinar har dei seinare åra fått
internasjonale prisar.
30 COOP
Shopping:
Utanom dei sjølvsagte turistsuvenirane Mozartkugeln og
Tyrolerhatt finnest det i Austerrike store moglegheiter for dei
shoppingsugne. Mariahilferstrasse og Kärntnerstrasse i Wien,
Getreidegasse i Salzburg, liksom Maria-Theresienstrasse i
Innsbruck er nokre av dei klassiske shoppingsstroka der butikkane
med kjende designarnamn avløyser kvarandre. Prisnivået
ligg om lag på det norske.
Gå ikkje glipp av:
Donauinsel i Wien, strandstripa i elva Donau like utanfor byens
sentrum har vorte ein populær møtestad for byens innbyggjarar.
Stranda har eit 20-tals restaurantar, barar og diskotek
held ope dagleg frå klokka 11-04 i sommarhalvåret, og talet
på vitjande kan då koma opp mot utrulege 300 000 i laupet
av ei helg. Her vert det halde ein årleg Donauinselfest, ein
friluftsmusikkfestival som med sine 3 millionar vitjande i ei helg
er Europas største, og der ein frå 27 ulike scenar kan nyta
mange ulike artistar, og det heilt gratis.
Hopp over:
Mozartkugeln. Sjokoladekulene med den berømte komponistens
namn får du tak i over alt, heile tida. Visst kan ein slik
ting vera ein enkel og typisk suvenir, men som god sjokolade
er han etter mi meinig fullstendig overvurdert. Men smaken er
jo som kjent….