DØSJAGROVI KRAFTVERK - Luster Energiverk

2.0 Skildring av tiltaket Døsjagrovi Kraftverk
Dersom taubanebygget vert brukt vil det ikkje verte behov for utviding, men ei
tilpassing av bygget til å romme dei tekniske installasjonane. Bygget vil trenge
omfattande opprusting og renovering. Fasaden vert i hovudsak som i dag og er vist på
bilete i vedlegg 8. Eit nytt stasjonsbygg i tilknyting til den gamle kraftstasjonen vil ha ei
grunnflate på kring 70 – 80m 2 , og bygget vil som omtala ta omsyn til eksisterande
bygningsmasse. Arkitekt vil verta nytta til å tilpasse endeleg fasade til eksisterande
bygningsmasse.
Vegbygging
Det er mange eksisterande vegar i området, både riksveg 55 forbi kraftstasjonen,
kommunal veg opp til Harastølen og privat veg vidare opp til inntaket på Røssesete (sjå
figur 1).
Den kommunale og private vegen vil i stor grad nyttast til naudsynt transport til inntaket
og for transport og legging av røyr. Røyrgata vil verta lagt av gravemaskin og det vil
verta laga mellombelse anleggsvegar inn frå eksisterande veg der det er naudsynt. Desse
blir fjerna dersom ikkje grunneigar har nytte av dei i ettertid.
Kraftlinjer
I kraftstasjonen skal det installerast ein 6,6/22 kV transformator for overføring av
straum til leidningsnettet. Tilkoplinga vil skje via ein 10-30 meter (avhengig av endeleg
kraftstasjonsplassering) lang nedgraven 22 kV jordkabel til nærmaste trafostasjon. Trase
for kabel er vist på kart i vedlegg 11. For nærmare detaljar sjå avtale med
områdekonsesjonær Luster Energiverk AS (vedlegg 11).
Massetak og deponi
Det vil ikkje vere aktuelt med deponi av overskotsmasse. Noko ny masse i form av grus
vil måtte tilførst for omfylling rundt røyr, men stadeigen masse vil i hovudsak nyttast til
overfylling på røyrgata. Det er og meir tilgjengeleg masse i området som eventuelt kan
nyttast. Eventuell overskotsmasse vert plassert i naturlege søkk og holer ved
røyrgatetraseen.
Kjøremønster og drift av kraftverket
Prosjektet er basert på nytting av eksisterande vassmagasin i Hellesetvatnet. Dette
magasinet vil berre til ein viss grad regulere tilsiget frå kring halvparten av nedbørsfeltet
over inntaket. I tillegg vil avstanden ned til inntaket (forsinking av endringar av
vassmengda ved inntaket) gjere at ein berre kan regulere tilsiget over lengre periodar.
Reguleringsmagasinet vil dermed berre delvis utjamne køyringa av kraftverket og sikre
noko tilgjengeleg vatn gjennom vinterhalvåret.
Sjølve inntaket har ingen reguleringsmoglegheiter og det er derfor ikkje mogleg med
effektkøyring av kraftanlegget. Køyringa av kraftverket vil verta køyrt etter tilsiget til
inntaket.
7