DØSJAGROVI KRAFTVERK - Luster Energiverk

3.0 Verknadar for miljø, naturressursar og samfunn Døsjagrovi Kraftverk
3.7 Landskap
Miljørapport ”Kartlegging og verdivurdering av landskap naturmiljø og kulturmiljø i
Luster kommune”, som er utarbeidd av Aurland Naturverkstad DA (AN), har vurdert
verdien av landskapet i delområde Høyheimsvik til middels. Dette var ein fagrapport
som vart utarbeidd i samband med Luster kommune sin kommunedelplan for små
kraftverk. I rapporten er det peikt på at det er variasjonen mellom frodige jordbruksgrender
og naturprega fjellsider som gjev landskapet mangfald. Landskapsklassifiseringa
er sett til B1 som vil sei at landskapet representerer det typisk og
representative landskapet (Clemetsen M.& Skjerdal I.B. 2006).
Vassdraget Døsjagrovi er spesifikt omtala i same miljørapport frå AN. Det er trekt fram
både veg og busetnad/bygningar som karakteriserar området og at mangfaldet av
landskapselement pregar inntrykket av området. Elva er lite synleg frå nært hald. Frå
vegen ser ein elva berre ein kort strekning når elva vert kryssa nede på riksvegen og
oppe på den private grusvegen over Harastølen. Frå fjorden er elva meir synleg. I følgje
denne rapporten er konfliktgrunnlaget for landskap knytt til eksponering av røyrgate
(Clemetsen M.& Skjerdal I.B. 2006). I byggeperioden og i nærmaste tida etter vil
røyrgata verte synleg, særleg frå avstand (fjorden og på sørsida av fjorden). Både
røyrgata og midlertidige vegar er planlagd revegetert naturleg av stadeigne artar for
ikkje å innføre nye artar i området. Verknaden av inngrepet vil dermed reduserast
gradvist. Rapporten til AN konkluderar med at konfliktpotensialet basert på landskap,
naturmiljø og kulturmiljø er lite (Clemetsen M.& Skjerdal I.B. 2006).
Prosjektet vil ikkje påverke INON-område på grunn av eksisterande reguleringsmagasin
og kraftverk, kraftlinje og veg heilt opp til inntaket.
Prosjektet er planlagt med slepping av minstevassføring gjennom heile året og
totalkonsekvensen for landskapet som følgje av dette prosjektet er vurdert som middels
(--).
Figur 4: Oversiktsbiletet av Luster og prosjektområde frå andre sida av fjorden (Sørsida).
14