DØSJAGROVI KRAFTVERK - Luster Energiverk

3.0 Verknadar for miljø, naturressursar og samfunn Døsjagrovi Kraftverk
3.12 Samiske interesser
Prosjektet vil ikkje kome i konflikt med samiske interesser.
3.13 Samfunnsmessige verknader
Generelle verknadar:
Investeringane i dette prosjektet på over 40 millionar vil naturleg nok gje ringverknadar
lokalt ut over for dei som er direkte involvert i prosjektet. Sal av ei rekke varer og
tenester vil auke i prosjektområdet og kommunen generelt. Ei masteroppgåve frå UMB
viste at varekjøp, tenester, servicetilbod og arbeidsplassar i samband med små
kraftutbyggingar er minst lik investeringskostnadane på prosjektet. Dette er omsetning
som vil skje både gjennom byggeperioden (her planlagd i 18 månadar) og driftsfasen
(tilsyn og vedlikehald).
Tiltakshavar Døsjagrovi Kraftverk BA er eigd av Harastølen AS og Luster Energiverk
AS. Luster Energiverk AS er eigd lokalt (i samsvar med vedtektene i selskapet) og blant
anna kommunen er ein viktig eigar. Det meste av verdiskaping i regi av Luster
Energiverk AS vert derfor verande i Luster kommune. Harastølen AS overtok
Harastølen, bygningar og eigedom, i 2003. Det er store ressursar knytt til eigedommen,
blant anna vasskraftressursar, men det er og utfordringar knytt til ein stor
bygningsmasse. Harastølen AS vil prøve å utvikle eigedomen og eit viktig ledd i denne
utviklinga er å generere inntekter slik at ein har moglegheit til å investere i ei langsiktig
satsing. Harastølen var ein veldig viktig arbeidsplass i Luster i mange år og noko av
dette kan byggast opp att innan annan næring dersom ein har moglegheit til investere i
den ombygging og moderniseringa som området treng.
Skatteinntekter:
Verdiskapinga i regi av Luster Energiverk AS som gjev auka utbytte til aksjonærane vil
bli i Luster. Luster kommune vil få direkte inntekter som aksjonær, men og dei andre
aksjonærane er busett i Luster kommune og vil skatte 13,2% til kommunen og 14,8% til
fylkeskommune og stat. Kraftutbygginga i Døsjagrovi vil som omtala gje Harastølen AS
moglegheit til å utvikle Harastølen, noko som kan gje viktige arbeidsplassar på sikt.
Luster kommune har vedteke ein eigedomsskattesats på 7 promille. Belastninga av
eigedomsskatt for kraftverka vil over tid variere i takt med utviklinga i spotmarknaden
for elektrisk kraft. Dette skuldast at takseringa bygger på eit gjennomsnitt av dei siste 5
års spotmarknadsprisar. Stortinget innførde hausten 2003 ein såkalla minimumsverdi i
takseringssamanheng på 0,95 kr/kWh og ein maksimumsverdi på 2,35 kr/kWh. Med
utrekna middelproduksjon i Døsjagrovi, vil eigedomskatten såleis variere mellom
130 000 og 306 000 kroner pr år avhengig av nivå på spotmarknadsprisen.
Det er ikkje påvist negative samfunnsmessige konsekvensar ut over det som er omtala i
dei andre punkta.
3.14 Konsekvensar av kraftlinjer
Tilknyting til linjenettet vil skje via nedgravne linjer til nærmaste trafo som ligg mindre
enn 30 meter frå planlagd kraftstasjon (sjå vedlegg 11). Det vil derfor ikkje verte
synlege inngrep som følgje av linjetilknytinga og ingen nemneverdige konsekvensar.
17