DØSJAGROVI KRAFTVERK - Luster Energiverk

3.0 Verknadar for miljø, naturressursar og samfunn Døsjagrovi Kraftverk
inntaket fell elva stadig brattare nedover før ho flatar ut mot fjorden dei siste hundre
meterane. På grunn av topografien og grunnforhold i området og konstant slepping av
minstevassføring, vert det ikkje venta særskilde endringar i grunnvassforhold som følgje
av redusert vassføring.
Etter utbygging vert det rydda opp som vanleg for å la flaumoverlaup gå som normalt i
det naturlege elvelaupet.
Magasinet på Hellesetvatnet har i over hundre år til ein viss grad dempa flaumtoppar.
Flaumdempinga vert ennå betre med det nye kraftverket som vil ha større moglegheit til
å ta unna vatn i dei flaumtoppane som kjem. Det er ikkje kjent at det har vore
erosjonsproblem i Døsjagrovi. Ein ventar heller ikkje at erosjonsproblema skal auke som
følgje av utbygginga.
3.4 Biologisk mangfald og verneinteresser
Kartlegginga av biologisk mangfald er gjort av Miljøfaglig Utredning AS (MU) basert
på kjende data og synfaring i området. Dei fann to raudlisteartar innanfor eit avgrensa
område nord for taubana opp til Harastølen. Lokaliteten er vurdert som viktig (B). Dette
gamle edellauvskogområdet er ikkje påverka av vassføringa i elva. Røyrgata er heller
ikkje planlagd gjennom dette området (røyrgata vil gå sørvest for taubana). Nordvest for
magasinet er det inngrepsfrie området Grånosi – Fivlenosi vurdert som lokalt viktig (C).
Dette prosjektet vil ikkje påverke dette inngrepsfrie området.
Generelt vil prosjektet i veldig liten grad legge beslag på nytt areal sidan ein skal nytte
både eksisterande inntak og gamle røyrgatetrasear. Som omtala over vil den reduserte
vassføringa og røyrgata ikkje påverke verdifulle naturtypar. I anleggsperioden vil ein
måtte lage kortare midlertidige anleggsvegar. Støy vil kunne påverke dyrelivet, blant
anna hekkande fuglar. Dette er likevel midlertidige påverknadar. Grunna eksisterande
anlegg, veger og busetnad i området vil ikkje prosjektet påverke korkje inngrepsfrie
område eller verneområde. Rapporten til MU konkluderar med at prosjektet har liten
negativ verknad på det biologiske mangfaldet (-).
3.5 Fisk og ferskvassbiologi
Det finst fisk i vassdraget over inntaket (aure). Det vert blant anna fiska på dei rolege
strekningane Røssesete og i Hellestevatnet, men frå inntaket og ned er elvestrekninga
stort sett fisketom. Det er lite sannsynleg at utlaupet i fjorden kan ha verdi for anadrom
laksefisk. Prosjektet vil dermed ikkje påverke fiskebestanden i området korkje i
byggefasen eller driftsfasen (0).
3.6 Flora og fauna
Kartlegging av flora og fauna er ein viktig grunnlag for vurdering av det biologiske
mangfaldet i området. Rapporten til Miljøfagleg Utredning AS har sett på
karplantefloraen, lav- og mosefloraen, sopp, virvellause dyr, fugl og pattedyr. Sjå
nærmare omtale i kap. 3.4.
13