DØSJAGROVI KRAFTVERK - Luster Energiverk

1.0 Innleiing Døsjagrovi Kraftverk
1.0 INNLEIING
1.1 Om søkjaren
Harastølen AS og Luster Energiverk AS har inngått ein samarbeidsavtale om utvikling
av Døsjagrovi kraftverk i Luster i Luster kommune. Utbygging og drift skal gå gjennom
eit nytt felles selskap – Døsjagrovi Kraftverk BA.
Harastølen AS kjøpte eigedomen til gamle ”Lyster Sanatorium Harastølen”, heretter
kalla Harastølen, (på kartet markert som Luster Sjukeheim) i 1999 for å utvikle
ressursane som er knytt til eigedomen. Harastølen AS er i dag eigd av Tinfos AS og
Lars Orra. Tinfos AS er engasjert i fleire småkraftverk over heile landet. Når Døsjagrovi
kraftverk er overlevert og sett i drift, vil ressursar og rettar knytt til vasskraft verta
disponert av Døsjagrovi Kraftverk BA.
Luster Energiverk AS er områdekonsesjonær i Luster kommune og har dei siste åra
utvida arbeidet sitt knytt til småkraftverkutbygging. Luster Energiverk AS (den gong
Luster Kraftlag) vart oppretta med bygging av det gamle kraftverket i Døsjagrovi. I dag
eig og driftar Luster Energiverk AS Sage kraftverk AS (8,8 MW) saman med Luster
kommune og er aktiv i utviklinga i heile kommunen både som samarbeidspartnar i
småkraftprosjektet i Luster og som deleigar av Luster Småkraft.
Tiltakshavar i Døsjagrovi kraftverk er Døsjagrovi Kraftverk BA.
1.2 Grunngjeving for tiltaket
Harastølen AS og Luster Energiverk AS inngjekk i 2006 ein felles utviklingsavtale for
eit felles kraftverksprosjekt i Døsjagrovi i Luster. På Harastølen har det lenge vore
kraftproduksjon og den ”nye” dammen i reguleringsmagasinet Hellesetevatnet (dagens)
vart bygd i 1912. Luster Energiverk AS vart oppretta for å produsere kraft til Luster i
1915 gjennom utnytting av fallet nedanfor Harastølen. Det nye tiltaket er vidareføring
av samarbeidet mellom Harastølen AS og Luster Energiverk AS og Døsjagrovi
Kraftverk BA forvaltar avtalane mellom partane i dette prosjektet.
Per i dag er det tre eksisterande kraftverk i Døsjagrovi. Desse kraftverka er små og
utnyttar berre ein liten del av fallet og vassmengda. Dette nye prosjektet vil betre
utnytting av vasskraftpotensialet i ei elv som allereie er utbygd og dermed både generere
meir inntekt til eigarane og kommunen og bidra til den nasjonale kraftoppdekkinga.
Døsjagrovi kraftverk er berekna å produsere 19,6 GWh, noko som tilsvarar kring 980
husstandar, og prosjektet har ei estimert kostnadsramme på kring 42,3 mill. NOK
(01.01.2007).
1.3 Geografisk plassering av tiltaket
Døsjagrovi renn ut i Lustrafjorden like sør for Luster i Luster kommune i Sogn og
Fjordane fylke. Elva renn like nord for Harastølen.
Døsjagrovi kraftverk er planlagd plassert nede ved riksveg 55 og fjorden i eller i
området rundt stasjonsbygget til taubanen som går opp til Harastølen. Ein planlegg å
nytte eksisterande inntak på kote 744 på Røssesete.
Vedlegg 1: Oversiktskart (1:50 000)
Vedlegg 2: Situasjonskart (1:5000)
1