DØSJAGROVI KRAFTVERK - Luster Energiverk

3.0 Verknadar for miljø, naturressursar og samfunn Døsjagrovi Kraftverk
vil dermed og oppnå konstant slepping av minstevassføring (dersom den er mindre enn
Qmin).
Til samanlikning vil det vere 98 dagar i året (27% av året) at tilsiget er større enn
slukeevna til kraftverket i eit vått år. I eit tørt år vil det vere 31 dagar i året (8% av året)
at det vert flaumtap i inntaket og 18 dagar kor tilsiget er mindre enn minste slukeevna til
kraftverket (i tillegg til minstevassføring) og kraftstasjonen vil stå (alt vatn i elva).
Alminneleg lågvassføring ved inntaket er utrekna til 0,02 m 3 /s. 5 persentilen for
vinterhalvåret (01.10 – 30.04) er utrekna til 0,035 m 3 /s og 5 persentilen for
sommarhalvåret (01.05 – 31.09) er utrekna til 0,326 m 3 /s.
Vedlegg 5 viser vassføringa ved inntaket før regulering (tilstand før reguleringsmagasinet
vart bygd), etter regulering og rett nedstrøms inntaket. Overlaupet vil vere det
tilsiget som ikkje kraftverket klarar å nytte (når tilsiget er større enn 0,82 m 3 /s). Dersom
tilsiget er så lite at kraftverket ikkje kan køyrast, vil alt vatnet renne i elva forbi inntaket.
Reguleringsmagasinet på Hellesete regulerar berre kring halve nedbørsfeltet og er ikkje
stort nok til å hindre alle flaumar. Likevel sikrar det ein del tilsig heile året og kan
dempe noko av flaumtoppar. Som figurane i vedlegg 5 viser, vil reguleringsmagasinet i
større grad redusere flaumtoppar i eit tørt år enn i eit vått år. Det skuldast storleiken av
reguleringsmagasinet. I eit middels år vil det vere flaumtap særleg i vårsmeltinga og
større nedbørsperiodar gjennom sommaren og hausten.
Vedlegg 6 viser vassmengda like oppstrøms kraftstasjonen. Reguleringsmagasinet sikrar
vatn i elva heile året, men reduserar vassmengda særleg om våren når magasinet vert
fylt opp att. Som tidlegare omtala er dette situasjonen i dag. Med ein installasjon på
150% av middelvassføringa, vil flaumoverlaupet vere relativt stort i middels og våte år
(20 og 27 % av dagane gjennom året), mens vassføringa vil bli sterkare påverka i tørre
år.
3.2 Vasstemperatur, isforhold og lokalklima
Dette prosjektet vil påverke elvestrekninga mellom inntaket på kote 744 og utlaupet på
kote 3 og det er der at ein kan vente endring i vasstemperaturen. Redusert vassføring vil
kunne gje litt høgare vasstemperatur om våren og sommaren og litt lågare
vasstemperatur om hausten og vinteren.
Døsjagrovi har i over hundre år vore både grunnlaget for produksjon av elektrisk straum
og vassforsyning. Magasinet på Hellesetvatnet har sikra tilsig som var naudsynt for å
drive det vesle samfunnet på Harastølen. Utjamning av vassføringa med magasinet og
uttak av vatn til ulike formål har derfor prega vassføringsregimet i elva lenge. Det nye
prosjektet vil påverke vasstemperaturen ubetydeleg i forhold til dagens situasjon.
Utan endring av magasinforhold samanlikna med dagens situasjon, er det heller ikkje
venta endringar av isforhold på fjorden eller lokalklima som følgje av det planlagde
prosjektet.
3.3 Grunnvatn, flaum og erosjon
Grunnvasstanden endrar seg med vassmengda i både dagens magasin og inntak. Ei
heving av inntaket vil gje noko større utslag i takt med fyllinga. Arealet som vert
påverka er avgrensa av topografien og auken er liten (anslege til kring 100m 2 ). Etter
12