LEXICONORDICA 8 - Nordisk Sprogkoordination

106
Gjennomgåinga av dei undersøkte ordbøkene viser eit skiftande bilete
av språkbruken. Bokmålsbrukarar har flest hjelpemiddel på si målform,
men særleg som kjeldespråk har nynorsk ein viss plass. Det ideelle
hadde sjølvsagt vore at kvart språkpar hadde tospråklege ordbøker både
på bokmål og nynorsk, men det er lite realistisk.
Sidan nordmenn flest, særleg nynorskbrukarar, er tospråklege, kan
vi alle bruke ordbøker der målspråket er berre bokmål eller berre
nynorsk. Ein kan seie at det er utanlandske brukarar som har mest bruk
for opplysningar om nynorsk, og difor er det viktigast at nynorsk er med
som kjeldespråk. Full likestilling av bokmål og nynorsk som
kjeldespråk er plasskrevjande, det krev ein særleg notasjon og mykje
bruk av tilvisingar. Det kunne vere nyttig å ha brukarundersøkingar som
fortel om ordbøkene svarer til forventningane. I elektroniske ordbøker
skulle det vere lettare å gje plass til både bokmål og nynorsk, og
brukarane kan få høve til å velje mellom dei.
Litteratur
1. Nyare allmennspråklege internordiske ordbøker
Dansk
Norsk-dansk