Navigare 3 - 2019

aktuelt
Det norske flagget blant topp ti
Noreg er nok ein gong blant
topp ti på Paris MoU si
rangering av verdas
flaggstatar.
Kari Stautland
Redaktør Navigare, Sjøfartsdirektoratet
Paris MoU, som er det europeiske
samarbeidet om hamnestatskontrollar,
rangerer årleg verdas flaggstatar etter talet
på inspeksjonar og tilbakehaldne skip. Dei
41 flaggstatane som hamna på White List
i år, har høgast snittkvalitet på skipa sine,
og lågast risiko for alvorlege hendingar.
Noreg har halde seg i øvste sjiktet på
White List i ei årrekke, og hamna i år på
niande plass.
– Dette viser igjen at det norske flagget
er eit kvalitetsflagg. Reiarlaga har hovedæra
for plasseringa, men eit godt samarbeid og
god dialog mellom rederi og flagg er viktig
for å halda seg i toppsjiktet, seier direktør
ved Avdeling for operativt tilsyn i
Sjøfartsdirektoratet, Alf Tore Sørheim.
I tillegg finnes Grey List og Black List,
der kvaliteten er lågare og risikoen
tilsvarande høgare. I år består Grey List av
18 flaggstatar medan 14 hamna på Black
List.
NØGD: Avdelingsdirektør Alf Tore Sørheim fortel at eit godt samarbeid mellom reiarlag og flaggstat er ein
viktig bidragsytar til den gode plasseringa.
FOTO: Sjøfartsdirektoratet
Øvst på White List tronar Isle of Man
(UK), Bahamas, Singapore, Frankrike og
Storbritannia, medan Palau, Komorene,
Togo og Kongo ligg heilt nedst på Black
List.
Tradisjonen tru går medlemsland i
Paris MoU saman om ein felles
inspeksjonskampanje i haust. Frå
1. september til 30. november får
naudsystem og prosedyrar ved
naudsituasjoner ekstra fokus under
hamnestatskontrollane til medlemslanda.
Målet er å sikra at skip er i stand til å
respondera riktig og raskt på naudsituasjonar
for å bevara menneskeliv,
beskytta det marine miljøet og minimera
materielle skadar. Dei vil også gå gjennom
prosedyrane for å sikra at mannskapet kan
betena naudsystema om bord korrekt og
effektivt ved behov.
fakta:
Om Paris MoU
• Regional hamnestatskontroll med 27 medlemsland (EU/EØSlanda,
Canada og Russland)
• Hamnestatskontroll er tilsyn på utanlandske skip, og blir sett
på som eit av dei viktigaste verktøya for å sikra kvaliteten på
skipa som seglar på verdshava. Tilsynet skal passa på at skipa
seglar i samsvar med internasjonale reglar om tryggleik,
hindring av forureining og sjøfolks arbeids- og levevilkår.
• Årleg blir om lag 20.000 skip kontrollerte gjennom Paris MoUsystemet.
Kontrollane blir fordelte mellom dei 27 medlemslanda,
etter kor mange utanlandske skipsanløp dei har.
• Paris MoU gir kvart år ut ei rangeringsliste, den såkalla «BGW
list» (Black, Grey, White List), som er ei oversikt over
flaggstatar som blir vurderte som kvalitetsflagg (White List),
til flagg som blir vurderte som risikoflagg (Black List).
36 | Navigare 3 - 2019