Navigare 3 - 2019

smånytt
POPULÆRT: Sjøfartsdirektoratets messestand blei godt besøkt.
FOTO: SJØFARTSDIREKTORATET
Møtte havbruksnæringa på Aqua Nor
For første gong stilte Sjøfartsdirektoratet med eigen
stand på havbruksmessa Aqua Nor. Det var det
mange i næringa som visste å dra nytte av.
Med 28.000 besøkande frå 74 land er Aqua Nor definitivt ein
viktig møtestad for havbruksnæringa. Sjøfartsdirektoratet
jobbar for tida med fleire viktige saker som omhandlar
arbeidsbåtar og mannskap i havbruksnæringa, og valde i år å
satsa med både stand og miniseminar under messa.
– Standen vår var veldig godt besøkt. Mange hadde spørsmål
om forskrifta for mindre lasteskip som er under revidering.
Mange lurte også på dette med grensegangen mellom vår og
Arbeidstilsynet si rolle når det gjeld tilsette i havbruksnæringa,
fortel Elisabeth Vaagen i Sjøfartsdirektoratet.
Arrangerte miniseminar
For å informera næringa om det pågåande arbeidet med å
revidera forskrifta om bygging og tilsyn av mindre lasteskip,
inviterte direktoratet til eit eige miniseminar. Der presenterte
deinokre av endringsforslaga som er tenkt i samband med
revisjon av forskriften.
På miniseminaret blei det også informert om nye sertifikatkrav
til mannskap på mindre arbeidsbåtar og risikobildet i næringa.
– Oppmøtet var veldig bra, og me fekk mange gode innspel og
spørsmål frå salen, seier Vaagen.
Fiskerimesse i Ålesund
Årets messesesong enda ikkje med Aqua Nor i Trondheim. I
byrjinga av september blei standutstyret sendt til Ålesund, der
fiskerimessa Bluefish venta.
Navigare 3 - 2019 | 37