udhezues historia 6-7-8.indd - Albas

Libër mësuesi për tekstin “Historia 6-7-8”
Realizimi i kuptimit: Shkrim i lirë.
Mësuesi/ja duhet ta ndajë këtë fazë mësimore në tri etapa.
Hapi I. Mësuesi/ja fillimisht u kërkon nxënësve të lexojnë mësimin. Përpara se të kërkojë që nxënësit të
fillojnë punë, skicon linjat në të cilat nxënësit do të ecin.
1. Shtrirja gjeografike, koha, popullsia fqinje.
2. Të dhënat historike që tregojnë për ekzistencën e tyre.
3. Zakonet kryesore: mënyra e jetesës (veshje, zakone, banimi), ekonomia kryesore (peshkim,
detari, bujqësi) dhe organizimi politik.
Hapi II. Mësuesi/ja u kërkon nxënësve që fillimisht të punojnë me hartën memece, ndërkohë shtron
pyetjen: - Cili ka qenë populli i parë që ka banuar në Ballkan?
Nxënësit të pajisur me hartë memece ngjyrosin me një ngjyrë Gadishullin Ballkanik, ku sipër shkruajnë:
I. Pellazgët (u përcaktua shtrirja gjeografike)
II. Epoka e gurit (u përcaktua koha, periudha historike)
Nxënësit duke ngjyrosur hartën memece arrijnë
të krijojnë një lidhje popullsi – pozicion
gjeografik.
III. Burimet
1) vendbanimet e hershme, si: shpella,
palafite etj.
2) veglat prej guri, briri, kocke
3) krijuan një kulturë vizatime
Në këtë rast, mësuesi/ja ndërhyn duke u shpjeguar nxënësve që në shpella janë gjetur vizatime të
kafshëve të ndryshme).
Gjuha shqipe rrjedh nga ilirishtja rrjedh nga pellazgjishtja. (Problemi sot është i diskutueshëm.)
Hapi III. Mësuesi/ja udhëheq përsëri duke shtruar pyetje:
- Kush janë pasardhësit e ilirëve?
Nxënësit: Pasardhësit e ilirëve janë shqiptarët.
Mësuesi/ja udhëzon nxënësit të nxjerrin hartën memece dhe tani duke vështruar figurën në tekst të
ngjyrosin me ngjyra territoret ku shtriheshin ilirët, trakët, maqedonasit dhe helenët.
Fillimisht nxënësit bëjnë lidhjen popullsi – shtrirje
gjeografike.
Ilirët, pozicioni gjeografik: në Veri – lumenjtë Sava
dha Drava, në Jug – Gjiri i Ambrakisë.
26