VOTRA_nr2 (1) me ndryshime

Papritmas, në zemrën time u
rrit vajza ime dhe atë moment
kuptova që nuk e kisha shpëtuar
unë Dean nga jetimorja,
por ajo mua. E kisha veshur
bukur dhe ajo fluturonte në
shtëpi nga gëzimi dhe lumturia.
Pastaj, sigurisht të jesh nënë
e një foshnje të vogël vetëm 8
muajsh duhet përkushtim dhe
përkujdes shumë i madh, më
pas filluan shqetësimet e saj
si gripi dhe virozat dhe unë e
kaloja ditë-natë duke u përkujdesur
për Dean.
Çfarë vështirësish keni
hasur gjatë procesit të
birësimit?
Me thënë të drejtën kërkohej
një mal me letra. Filluam t’i
mblidhnim letrat një nga një.
U kërkova punonjësve të më
ndihmonin që të birësoja një
fëmijë. Pritëm rreth një muaj
që të merrnim një përgjigje,
por asgjë. Shkoj atje për të
marrë një shpjegim dhe u
kërkoj sërish që ata të më
ndihmonin, pasi unë isha e
vendosur në këtë vendim
që kisha marrë dhe nuk do
të tërhiqesha derisa ta arrija
birësimin e vajzës. Dea është
birësuar në ditëlindjen e djalit
tim dhe atë ditë unë kam marrë
Dean. Për mua dhe bashkëshortin
ishte si një dhuratë
në ditëlindjen e djalit tonë.
Çfarë mendoni se duhet
të ndryshojë për mirë në
procesin e birësimit?
Aty kërkohen dosje që për
mendimin tim nuk duhet të
ketë aq rreptësi. Garancia
financiare duhet të jetë tepër
e lartë aty diku te 15-18 mijë
euro që për mua është e
gabuar. Jo për mua, sepse ne
kemi vite të tëra që punojmë
dhe kishim diçka mënjanë. Kjo
garanci e lartë financiare i pengon
të rinjtë për të birësuar,
sepse nëse ata punojnë arrijnë
t’ia plotësojnë nevojat dhe
dëshirat fëmijës nuk e shoh të
nevojshme atë garanci të lartë.
Sa më shumë lehtësi gjatë
procesit aq më shumë fëmijë
të birësuar do të ketë.
Na tregoni momente të
bukura me Dean?
Me Dean ka pafund momente
të bukura, përndryshe nuk do
të isha sërish këtu. Dea na fal
dashuri, mirësi, jetë. Na kap
të dyve për dore na i bashkon
duart dhe na mëson që
të ecim së bashku të tre. Nuk
mund ta imagjinoj se si do të
ishte jeta jonë pa Dean. Dita
jonë nis me zgjimin plot dashuri
dhe përqafime pa fund dhe
unë e ndiej që brenda vetes
time kam shumë dashuri për
të dhënë dhe këtë dashuri të
pakufishme dhe të papërshkrueshme
me fjalë unë ia fal
çdo moment Deas.
A i këndoni ninulla Deas?
I këndoja kur ishte e vogël, por
tani është Dea që këndon, këndon
këngët e mamit. Dea këndon
këngën më të re që sapo
ka dalë të mamit Fatit mos iu
anko. Ia mora dhimbjen zemrës/
i vura melodi. Ia besova shpirtin
këngës/se ajo hallin ma di.
Shembulli juaj është frymëzues
për jetën, ç’mund të
na thoni për këtë?
Unë sinqerisht jam shumë e
dërrmuar nga humbja e tim biri
dhe dilema ime më e madhe
ka qenë: Të jetoj apo të vdes?
Të vdisje ishte më e lehta, por
të jetoje ishte vështirë, por që
të jetoja duhet të ndërmerrja
hapat e tjerë. Birësimi i Deas
ishte motivi më i madh për të
jetuar jo vetëm për mua, por
edhe për bashkëshortin tim,
Bilbilin, Dea është frymëzimi
ynë, forca për të hedhur hapa
para.
Mesazhi që ju keni për familjet
që duan të birësojnë një
fëmijë?
Sidomos familjet që kanë
mundësi financiare le t’u falin
dashuri fëmijëve të braktisur,
qofshin brenda Shqipërisë apo
jashtë saj. Ata kanë nevojë
për shumë dashuri dhe të
falësh dashuri kushton shumë
pak. Le t’u dhurojnë këtyre
fëmijëve ngrohtësinë familjare
që u mungon. Të birësosh
një fëmijë është gjëja më e
bukur që mund të bëjë dikush.
Nuk ka gjë më të mirë dhe
zemërgjerësi më të madhe
sesa të birësosh një fëmijë të
braktisur. Prandaj kush e ka
në mendje dhe në zemër që
të birësojë, mos ta lejojë frikën
ose paragjykimin e të tjerëve
t’i ndalojë! Nuk ka rëndësi
si bëheni prindër, mjafton të
bëheni heronj në jetën e këtyre
fëmijëve, sepse çdo fëmijë e
meriton të ketë një shtëpi dhe
dikë që ta dojë! Unë u bëj thirrje
të gjitha çifteve të shkojnë
vetëm për një ditë në shtëpinë
e fëmijës dhe të shikojnë se
si ata fëmijë mezi presin që të
dalin nga aty dhe gjëja e vetme
që ata kanë nevojë është
dashuria. Ata fëmijë kanë nevojë
për shumë dashuri!
40 magazine.com
DIMËR 2016-2017 DIMËR 2016-2017 magazine.com 41