ud#51 (25861)

udmdunne.ru
+7 951 195 37 65
№51 (25861)
2020-тӥ ар 30-тӥ толсур 13
Кырӟанъёс
Туж бертэм потэ
Удмурт, вукое мыныкуз но, кырӟа, шуо калыкын. Удмурт
кырӟанъёсын шыкыс ялан узырме. «Мынам Удмуртие» телерадиокомпания
арлы быдэ радъя «Элькуновидение», «Арлэн
кырӟанэз» ӵошатсконъёс. Озьы кылдо выль гуръёс, кудъёсыз
ке соос пӧлысь калыке вӧлмо, сюлме пыӵало. «Зэм ик-а меда?»
бичетэ ми люкам удмурт радио пыр тужгес ӵем чузъяськылӥсь
шулдыр кырӟанъёсты.
Туннэ кӧнязэ ке газетэ печатласьком, нош бичетэз басьтыны
луэ «Удмурт дунне» газетлэн редакциысьтыз:
Ижкар, Карл Маркс ульча, 274-тӥ юрт.
Телефон: 8-951-195-37-65.
Вордӥськем юртэ
Кылъёсыз но крезьгурез
Виктор БОЧКАРЁВЛЭН
Туж бертэм потэ анай-атай юртам,
Поръяме потэ шулдыр азбарам,
Нош нокин ӧвӧл монэ пумитась,
Ӧвӧл ни монэ та гуртын тодмась.
Кемалась ини вуылэме гуртам,
Анаен атай но ӧвӧл ни вӧзам.
Та вордскем юртэ сылэ мӧзмыса,
Со юртэ вадьсын сылӥсько мон бӧрдыса.
Гуртэ мӧзмыса бертӥсько ке вал,
Анай пӧраса пумиталоз вал.
Ӧвӧл ни монэ озьы пумитась,
Жаляса монэ ӟеч кылъёс верась.
Ой, сюлмы-сюлмы, мар каром меда?
Синкыли потэ, весь бӧрдом меда?
Та атай юртэ котьку син азям,
Вордӥськем гуртэ котьку сюлэмам.
Куно
Кылъёсыз но крезьгурез
Ирина ДЕНИСОВАЛЭН
Ми доры но лыктӥллям яратоно эшъёсмы,
Кыӵе меда кылъёсын буйгатом ай сюлэмдэс?
Яратком ук тӥледыз, малпаськом ук тӥледыз,
Витиськом ук тӥледыз, тӥледыз, мусоосыз.
Палэзьпу
Кылъёсыз но крезьгурез
Наталия ЮФЕРОВАЛЭН
Палэзьпу улын пуким ми тонэныд тулыс ӝытэ.
Тон шуид: «Татын улом, витёмы сяськаямзэ».
Котькуд ӝыт соку пуким ми, кылзыса уӵыосты,
Кӧня ке дыр ортчыса, пушйизы сяськаосмы.
Припев:
Укно улам горд палэзьпу
Сылэ огназ керпотыса.
Эн тӥя тон сое ноку,
Ул яратонмес утьыса.
Тулысэз гужем воштӥз но, нош зарни сӥзьыл вуиз.
Палэзьлэн нош вай вылаз емышез ни гордэктӥз.
Тон кошкид, номыр ӧд вера, вай вылэ усиз лымы.
Мон валай, яратонэ люкымтэ вылэм кыклы.
Зэм ик-а меда?
Туспуктӥз Максим ЕГОРОВ
Кылъёсыз Александр БЕЛОНОГОВЛЭН
Крезьгурез Валентин ЕГОРОВЛЭН
Туж кема малпам, туж кема возьмам
Шудбурмы лыктӥз асьмелы.
Зэм ик-а меда, зэм ик-а меда
Шудбурмы лыктӥз асьмелы?
Кыкнамес, оло, ӵош кариз улон —
Огазе луиз сюлэммы.
Зэм ик-а меда, зэм ик-а меда
Огазе луиз сюлэммы?
Валаськод монэ, валасько тонэ,
Огмылы огмы тупаськом.
Зэм ик-а меда, зэм ик-а меда
Огмылы огмы тупаськом?
Кыӵе меда кылъёсын буйгатомы тӥледыз?
Кыӵе меда кырӟанэн паймытомы тӥледыз?
Яратком ук тӥледыз, малпаськом ук тӥледыз,
Витиськом ук тӥледыз, тӥледыз, мусоосыз.
Эн паймелэ милемлы, эн мӧзмелэ ми дорын.
Сиелэ но юэлэ, кырӟалэ но эктэлэ.
Яратком ук тӥледыз, малпаськом ук тӥледыз,
Витиськом ук тӥледыз, тӥледыз, мусоосыз.
Огӝытэ пумиськон
Кылъёсыз Сергей СОСНОВЛЭН
Крезьгурез Пётр СИМАНОВЛЭН
Огӝытэ пумиськон ӧз, ӧз сёты оскон,
Мылкыды ик уг ву валаны,
Но одӥг куронэ — эн, эн шуды монэн,
Чик эн малпа монэ пӧяны.
Тон мынам малпанам, улӥськод сюлэмам,
Оло шуд со, оло куректон.
Я, бен мар-о каром, ӝуаса шат быром?
Весь ӵушка ук ӵемысь яратон.
Тон усьтӥд ке зэмзэ мон понна сюлэмдэ,
Котькинлэсь, дыр, шудо луысал:
Лобысал толэзе, выжысал зарезез,
Гурезез йырчукин кымасал.
Припев.
Палэзез оскалтӥськод ке, ымпушкы курыт кыле.
Бен озьы ик яратон но милем курытсэ кельтэ.
Чидалод, бен мар карод на, выль тулыс вуоз, вылды,
Уӵыос нош чирдозы но, пушъёзы сяськаосмы.
Припев.
Мемие
Кылъёсыз но крезьгурез Зульфия МИНХАЖЕВАЛЭН
Удмурт кылэ берыктӥз Елена ДАНИЛОВА
Сяськаос туж чебересь — солы паймыны уг лу.
Дуннелэн котыр вань чеберез синъёсаз мемиелэн.
Припев:
Мемие, мемие, мемие, зарни киё мусо мемие,
Нылъёсыд та кырӟанэз кырӟало тыныд гинэ.
Шунды си яркыт пиштэ — солы паймыны уг лу.
Шундылэсь но яркытгес мемилэн пальпотонэз.
Припев.
Зарезьлэн пумыз ӧвӧл — сое котькин но тодэ.
Мемилэн лулыз-сюлмыз зарезьлэсь но паськытгес.
Припев.
Ой, сюлэмы
Кылъёсыз Ольга ДВОЕГЛАЗОВАЛЭН
Крезьгурез Светлана ФИЛАТОВАЛЭН
Ой, сюлэмы тон, сюлэмы,
Марлэсь меда лэсьтэмын?
Пулэсь меда, излэсь меда,
Зарни-азвесьлэсь меда?
Зарни уз шунты, чилялоз со,
Азвесед но сьӧдэктоз.
Пу сисьмоз но из пилиськоз,
Сюлмы гинэ чидалоз.
Нош сюлэмы бӧрдылоз но,
Нош сюлэмы кырӟалоз.
Нылпиосме, вань эшъёсме
Шунтыны сюлмы тырмоз.
Ой, сюлэмы тон, сюлэмы,
Марлэсь меда лэсьтэмын?
Пуэз, изэз, зарни, азвесь —
Ваньмыз ик вань сюлэмам.