ud#51 (25861)

udmdunne.ru
+7 951 195 37 65
Анай кыл
ДЫШЕТОН
№51 (25861)
2020-тӥ ар 30-тӥ толсур 5
Москваысь кивалтӥсь ушъяз
асьме педагогъёсты
Удмуртие вуылӥз Россиысь
просвещениея
министрлэн воштӥсез
Виктор Басюк. Эскерыса
потӥз дышетӥсьёсты
дасянъя но анай кылэз
дышетонъя югдурез.
Нырысь ик Виктор Басюк
вуылӥз Глазовысь педагогикая
институтэ. Та
вуз Удмуртиысь огез арлыдоез
— 81 ар талэсь азьло
усьтэмын. Та аръёс ӵоже
татын дасямын уно сюрс
дышетӥсьёс. Соос, Удмуртиын
сяна, ужало кунгож
сьӧрын но. Вузлэн ректорез
Янина Чиговская-Назарова
вераз пединститутлэн проектъёсыз
сярысь.
— Милемлы туж кулэ
валаны, кызьы радъяське
дышетӥсьёсты дасян. Соин
ӵош лыдэ басьтӥськом, Удмуртиын
анай кылэз дышетон
но радъяське шуыса. Россилэн
Президентэз азьланезлы ужпум
пуктӥз, асьме тодон-валан
сётон удысмы дуннеысь 10
устоосыз пӧлы мед пыроз шуыса.
Соин дышетон удыслэсь
ӟечлыксэ ӝутоно. Та ужпумлэн
шорсюлмыз — дышетӥсь. Соин
туннэ педагогъёсты азинтонъя
сыӵе система радъяно, со мед
юрттоз дышетӥсьлы аслаз
профессияз будыны. Мон туж
шумпотӥ, республикаысь пичи
городын — Глазовын — сыӵе
кужмо вуз вань шуыса, — вераз
Виктор Басюк.
Россиысь просвещениея министрлэн воштӥсез
Виктор БАСЮК:
________
— Удмуртиын анай кылэз дышетон удысын азинсконъёс
вань. Дасямын учебникъёс но дышетон программаос.
Россиысь ваньмыз калыкъёс уг на быгато ушъяськыны таӵе
луонлыкъёсынызы. Со ласянь Удмуртиысь педагогъёслэсь
дышетскыны кулэ.
Анай кылэз дышетонэн
герӟаськем ужпумъёсъя кенешон
ортчиз Ижысь К. Герд
нимо гимназиын. Шоркарын
удмурт гимназия 26 ар талэсь
азьло кылдытэмын. Нылпиосты
анай кыллы дышетон
радъямын нылпи садысен ик
— со понна гимназилэн бурд
улаз 2 нылпи сад огазеямын.
Ӵапак отын пӧртэм ужрадъёс
дыръя кутске удмурт культураен
но кылэн тодматскон.
Директор Татьяна Волкова вераз,
кызьы радъямын удмурт
кыллы дышетон. Урокъёсын
сяна, анай кылэз куто пӧртэм
ужрадъёсын.
— Анай кылэз дышетон
нырысь ик герӟаськемын мумы-бубыосын.
Анай-атайёс
малпало: родной
кыл чотын ӟучсэ
бырйизы ке, соку
та урокын нылпиос
быгатозы ватсаса
дасяськыны ӟуч
кылъя ЕГЭ-лы. Ми
валэктӥськом, со
озьы ӧвӧл шуыса.
Милям правомы
ӧвӧл кужмысь косыны. Соин
кенешиськом, вераськом:
анай кылэз дышетон нылпиез
куанергес уг кары. Верано
ке гимназиез, нылпиос ӟуч
кылъя ЕГЭ-ез туж ӟеч сёто.
Милям берло 3 ар ӵоже шорокуспо
баллмы 76-77 котырын
возиське, — шуэ гимназилэн
кивалтӥсез Татьяна Волкова.
Дышетон удысысь
йӧскалык ужпумъёсты эскеронъя
институтэн кивалтӥсь
Надежда Ураськина тунсыкъяськиз,
ку Просвещениея
министерство поттоз
удмурт учебникъёсты федерал
перечене пыртон сярысь
приказэз. Уго нимысьтыз
экспертизаез ортчем
бере удмурт кылъя 5-тӥ-
11-тӥ классъёслы чаклам
учебникъёсты дэмламын
федерал перечене пыртыны.
Виктор Басюк оскытӥз,
матысь дыре таӵе приказ
луоз шуыса. Вылӥ кивалтӥсь
учкиз Дышетон удысысь
йӧскалык ужпумъёсты эскеронъя
институтлэсь поттэм
учебникъёссэ но пособиоссэ.
К. Герд нимо гимназиысь 736 нылпи пӧлысь
10 мурт гинэ удмурт кылэз уг дышеты, соос анай
кыл чотын бырйизы ӟучсэ.
— Учебник гожтыны авторъёсты
нокытын уг дышето.
Ми сюлэмшугъяськиськом
егит специалистъёсты дышетон
ласянь, уго соос понна
нокыӵе курсъёс чакламын
ӧвӧл, — мылкыдзэ вераз Надежда
Ураськина.
Виктор Басюклы таӵе
ӵектон кельшиз, сыӵе курсъёс
сярысь малпаськоно, шуиз,
дышетонэз радъяны луысал,
пе, Москваын яке Санкт-
Петербургын. Туннэ нуналлы
тая трос тодон-валан люкамын
МГУ-ын.
________
Елена СКВОРЦОВА
Проектъёсъя офис
Малпанъёс пӧзё
Удмурт школьникъёслэн
проектъёссыя офис ар
ӵоже ужамезлы йылпумъянъёс
лэсьтӥз.
Ижысь Кузебай Герд
нимо гимназия, пӧртэм
ёросъёсысь школьникъёсты
ӧтьыса, хаккатон
ортчытӥз.
Проект гожтыны
дышетоз ватсэт
«Хаккатон» кыл ӵемысь
пумиськылэ программирование
удысын: специалистъёс,
ваче кариськыса, вакчи дыр
куспын малпасько, кы ӵе выль
приложение, программа лэсьтозы.
Программистъёслэн
таӵе амалзы мукет удысъёсы
но вӧлмиз. 25-тӥ декабре
школаын дышетскисьёс но сое
ас вылазы эскеризы, час но
ӝыны куспын 8 проект малпазы.
— Офисмы кӧня ке ар ӵоже
пиналъёсты но дышетӥсьёсты
проектированиен тодматэ ни,
— вераз Удмурт школьникъёслэн
проектъёссыя офислэн
кивалтӥсез Юлия Шахтина.
— Куд-ог школаос котькуд
ӵектосамы пырисько ни. Тунсыко
вал тодыны, мар бордын
пиналъёслэн эшшо ужамзы
Удмурт школьникъёслэн проектъёссыя офис
вуоно арлы выль малпанъёсты люка.
потэ. Туннэ шараяськем малпанъёсты
вуоно арын улонэ
пыӵатомы.
Кылсярысь, школьникъёс
ӵектӥзы Удмуртиетӥ проектной
маршрутэн ортчыны,
котькуд ёросын дышетӥсь
семинаръёс радъяны. Отчы,
пе, пиналъёсты гинэ ӧвӧл,
дышетӥсьёсты но ӧтёно. Озьы
ик умой луысал, пе, телефонъёсы
нимаз приложение
но кылдысал ке. Отын проект
гожъян понна шаблонъёс,
урокъёс луысалзы, нош пиналъёс
ог-огенызы кусып возьысалзы.
Хаккатонэ Пичи Пурга,
Кияса, Шаркан, Дэри, Вавож
ёросъёсысь, Ижкарысь
пиналъёс но дышетӥсьёс
вуылӥзы, офислэн ужаз вуоно
аре одно ик пыриськомы
шуизы, тунсыко, пе, адӟыны,
кызьы вакчи дыр куспын
вордӥськем малпанъёсмы зэмалозы.
Арлэн 3 тодметэз
2020-тӥ арын офис 3
бадӟым проектсэ улонэ
пыӵатыны быгатӥз.
«Стажировка в проект»
пиналъёслы юрттӥз асьсэлэсь
Туспуктӥз Наталья КЛАБУКОВА
кужымзэс бадӟым калыккуспо
проектъёсын эскерыны. Лагерьын
дышетскемзы бере 12
пиналъёс пӧртэм проектъёсы
пыриськизы. Кин ке Бадӟым
этнографической диктантэз
радъяны юрттӥз, кин ке «Шундыкар»
лагерьлэн вотэс бамъёсаз
гожъяськиз, кин ке «Даур
ТВ» интернет-телеканалын
стажировка ортчиз. Пиналъёс
туж шумпото, таӵе луонлыксы
кылдӥз шуыса.
«Конструктор школьных
проектов» проект 6 толэзь
ӵоже ужаз.
— Школаосын проектъёсын
ужаны косо, нош нокыӵе методической
пособиос, урокъёсты
нуыны юрттӥсь материалъёс
ӧвӧл, — вераз проектлэн авторез,
Кун Кенеш бордысь Егитъёслэн
парламентсылэн ёзчиез
Алия Трофимова, — соин ик
малпамы проект гожтон сярысь
5 мультфильм поттыны.
Сериосты суредаз Марина
Степанова, анимация лэсьтӥз
Вадим Крестьянинов.
Матысь дыре мультфильмъёсты
вотэсэ интыялозы, соосты
ужазы кутыны пиналъёс
но, дышетӥсьёс но быгатозы.
— Сериос туж тунсыкоесь,
— вераз Шаркан ёросысь Пороз
школаысь дышетскись Роман
Горбушин, — ваньмыз умой
валэктэмын, малпасько, соос
пичи пиналъёслы но, арлыдоослы
но юрттозы проектированиен
тодматскыны.
Нош «Медиа-лаборатория
этнокультурного образования»
проект вуоно аре но
ужзэ азьланьтоз. Удмурт кылъя
дышетӥсьёслы юрттэт сётоз:
урокъёслы вакчи видеоос лэсьтэмын
луозы. Отын тунсыко
амалэн ӟуч пиналъёсты удмурт
кылэн тодматозы. Бадӟым
проектлэн та оглюкетэз гинэ,
уно методической разработкаос
кылдозы на, соос элькунысь
школаосы вӧлмозы.
— Проектъёсъя офисэз
кылдытыкумы, малпаськомы
вал, со гимназиысь пиналъёс,
дышетӥсьёс понна гинэ ужалоз
шуыса, — вераз Кузебай Герд
нимо гимназилэн кивалтӥсез
Татьяна Волкова. — Но туж ӝог
валамы: быдэс элькунэз огазеяны
кулэ, озьы ужмы тросгес
пайда ваёз. Тае ми адӟимы ни,
нырысетӥ проектъёсмес улонэ
пыӵатыса. Малпасько, вуоноез
ар эшшо пайдаёгес луоз.
________
Мария ЕМЕЛЬЯНОВА