ud#51 (25861)

udmdunne.ru
+7 951 195 37 65
Книга ӝажы
ЛУЛЧЕБЕРЕТ
№51 (25861)
2020-тӥ ар 30-тӥ толсур 25
Эру карон, Шайтан уллян, Акашка…
Туэ толсуре улонэ
потӥз Ева Тулузэн но
Николай Анисимовен
дасям «Варклед-Бӧдья
удмуртъёслэн тулыс
сям-йылолъёссы» монография.
Книга 2 — англи но ӟуч —
кылъёсын гожтэмын, дасямын
Эстониысь Тарту карын. Сое
поттыны юрттӥзы Тартуысь
Эстон литературной музей но
Историяя, кылъя но литературая
Удмурт институт, книга
сӥземын Удмурт кунлыклэн
100 ар тырмонэзлы. Огъя тиражез
— 300 экземпляр. Бордаз
ватсамын 4 этнографической
фильмъёсын 2 DVD дискъёс но
туспуктэмъёсын бичет. Фильмъёс
поттэмын англи но ӟуч
субтитръёсын. Монография
гожтэмын 2017-тӥ арын Татарстанысь
Огырчи (Агрыз)
ёросысь Варклед-Бӧдьялан
экспедициын бичам материалъёслы
луыса.
Та удмурт гурт туж тунсыко
луэ. Пӧртэм аръёсы асьме
шаерысь но кунгож сьӧрысь
тодосчиос вуылӥзы татысь
удмуртъёс доры вашкала но
туала удмурт сэбедъёсты но
фольклорез бичан понна.
Кема аръёс ӵоже бигеръёс
пӧлын улыса, варклед-бӧдьяос
быгатӥзы утьыны анай кылзэс,
вашкала йылолъёссэс но
Агрыз ёросысь Варклед-Бӧдьялан пиослэн быдэ вуонзылы сӥзем
Эру карон.
осконзэс, ӧз пыре христианствое
но, исламе но, туннэ нуналозь
возизы но возё анайатайёсынызы
кутэм вӧсьсэс.
Оло, соин но куд-ог тодосчиос
та гуртэз «удмурт Мекка» нимало.
Татысь удмуртъёслэн
аспӧртэмлыко йылолъёссылы
трос гинэ тодослыко (научной)
ужъёс, фильмъёс, выставкаос
сӥземын ни. Озьы ке но,
варклед-бӧдьяослэн мылыськыдысь
ӧтеменызы, 2017-тӥ
арын Эстониысь но Франциысь
тодосчиослы матысьгес
тодматскыны кылдӥз гуртын
возиськись сям-йылолъёсын,
туала улонэн. Радъямын вал
нимысьтыз экспедиция, озьы
Ева Тулуз но Николай Анисимов
гожтӥзы вылӥ верам
монографизэс. Отчы пыремын
узыр сям-йылолъёслэн
оглюкетсы гинэ — тулыс,
Быдӟыннунал (Пасха) котырын,
ортчись йылолъёс: пиослэн
быдэ вуонзылы сӥзем
Туспуктӥз Николай АНИСИМОВ
Эру/Эур карон, жоб лулъёсты
уллян-палэнтонлы сӥзем Шайтан
уллян, нылъёслэн быдэ вуонзылы
сӥзем Ныл кураськон,
со сяна, Акашка но Вӧсьнерге.
Куд-ог сям-йылолъёс аръёс
ӵоже воштӥськемын ни. Озьы
ке но, мукет удмурт гуртъёсын
ӵошатыса, татын утиськемын
на вашкала йылол, ар ӵоже нуиськись
чакласьконъёс, фольклор.
Варклед-бӧдьяос понна
ваньмыз та улонзылэн огдышем
люкетэз луэ.
Та монографиын ми
историе кельтыны тыршимы
21-тӥ даурлэн кутсконаз
Варклед-Бӧдьялан улӥсь тулыс
сям-йылолъёслэсь пуштроссэс
но туссэс. Ватсаса вераме
потэ на: 2018-тӥ арын
Эстон йӧскалык музей нырысьсэ
радъяз «Дырвырӟон:
удмурт егитъёслэн быдэ вуон
йылолъёссы 1993/2017» туспуктэмъёсын
адӟытон. Со 5
кылын мынӥз: удмурт, ӟуч,
англи, эстон но француз. Туннэ
нуналлы та адӟытонэн тодматскизы
ни Татарстанысь
Варклед-Бӧдьялан, Ижкарын,
Эстониысь но Венгриысь кудог
каръёсын.
Тау кылъёс вераммы потэ
Варклед-Бӧдьялась калыклы
лулысь-сюлмысь пумитамзы,
утялтэмзы но тодон-валанзэс
сётэмзы понна, нимысьтыз
тау — Михайловъёслэн
но Матвеевъёслэн семьяоссылы,
Ольга Халитовалы но
«Инвис» ансамбльлы. Тау шуиськомы
на ваньмызлы, кин
пыриськиз книгаез но фильмъёсты
дасянэ. Книгаосты
одно ик тыршомы Удмуртие
но Татарстанысь Варклед-
Бӧдьяла вуттыны.
________
Николай АНИСИМОВ,
философияя доктор,
филология наукаосъя кандидат
«Милям кичӧлтонмы»
1 миллион манет кулэ
Реклама
Дэбес ёросысь Малый
Зетымын улӥсьёс пыдын
ветлон сюрессэс асфальт
пырыен шобыртыны
чаклало, «Милям
кичӧлтонмы» конкурсэ
пыриськыса.
Дэбес ёросын вань туж
аспӧртэмлыко гурт —
Смольники. Сое 19-тӥ
дауре кылдытӥзы ӟуч
староверъёс. Али ке но
соос утё асьсэлэсь лулчеберетсэс
но осконзэс.
Али Смольники историяя
но этнографияя музей лыдъяське.
Отын вань асьсэлэн
шайвылзы но. Отчы, гуртысьтызы
сяна, пӧртэм ёросъёсысь
староверъёсты но ватыны вайыло.
Туэ вань гуртоосын ӵош
мылкыд каризы шайвылзэс
кенераны. Со понна пыриськизы
«Милям кичӧлтонмы»
конкурсэ.
Бадӟым Ӟӧтым муниципал
кылдытэтлэн кивалтӥсез
Сергей Корепанов верамъя,
уж 2015-тӥ арын мытэмын
ни вал: 300 метрзэ асфальтэн
шобыртӥзы. Но мукет ульчаосысь
улӥсьёс воже усиллям:
пиналъёс но, мӧйыос но
Вуж оскон, выль кенер
Сюрногурт муниципал
кылдытэтлэн кивалтӥсез
Анжелика Афанасьева верамъя,
люканы чакламын ог
345 сюрс манет. Юрттӥсько
шугъяськыса дэриетӥ ветло.
Таӵе югдурез тупатон понна
эшшо 1 сюрс 100 метр сюрессэс
умоятыны малпазы.
Со понна кулэ луоз 1 миллион
манет пала. Гуртоос оско,
грант утозы шуыса, калык
ачиз но коньдон люкалоз.
Дэбес ёросысь Смольникиын улӥсьёс дурбасьтӥзы
шайвылзэс кенеранлы.
гуртоос но, муниципал кылдытэт
но, спонсоръёс но.
________
Виктория КОРОБОВА
Сюрногурт муниципал кылдытэтлэн архивысьтыз
ОГРН 1021801159104
АУК «Государственный национальный театр УР»