ud#51 (25861)

№51 (25861)
2 2020-тӥ ар 30-тӥ толсур
ВАЛТӤСЕЗ
Кылпумысь
2020-тӥ арез
келяса
Гудыртытозь кирос
ум понке,
Ум шуке «Остэ,
Инмаре!»
Инкуазь, музъем, омыр
дунтэк ке,
Уг дунъя адями дунзэ.
Сьӧлык но табере
вань на-а?
Книгаосын гинэ ке шат?
Нош улонын бере
кылид ке,
Тон — лузер,
пӧрмостэм маке...
Инбам кема-кема
учке но
Уг чида — шори
пилиське...
Но табере кирос
уд пон ни —
Висён чик жалятэк
ӵышке...
Воргоронъёс кизэс
уг сёто —
Дугдо ни
чырткемъяськемысь.
Бускель муртъёс артэ
уг сыло —
Вис возёно, пе, кык
вамыш...
Чалмыт луиз
урамъёсын —
Калго на пуныос гинэ.
Калык пуке экран азьын,
Запас чабей кеньыр
басьтэ...
Кин ке нош воксё
нырысьсэ
Понэ кирос улытозяз:
Чер палэнтӥ ортчиз сое,
Инмар утиз, ӧз лык
сьӧраз.
Песяй уг оскы иворлы —
Кызьы сое вормоз пыэд?
Куке ӧз сётскы
тушмонлы,
Ожысь бертӥз со
Вормонэн?..
Арен ӵош мед кошкоз
висён,
Сюлэмшугъёс но
ыштонъёс.
Пумиталом выльзэ арез
Юн иммунитетэн!
________
Зинаида РЯБИНИНА,
валтӥсь редактор
Газетлэн 2021-тӥ ар
понна нырысетӥ номерез
потоз 14-тӥ
ян варе.
Ӟечкылан
Удмуртиын улӥсьёс!
Ӟечкыласько тӥледыз Выль арен!
Часъёс 12 пол шуккон азьын тодамы вайиськомы,
ма вал ортчись арын: трос учыръёс,
вормонъёс но ӵемтылонъёс, шумпотонъёс
но куректонъёс но, валамон, трос-трос уж.
Улонысьтымы одӥг ар пӧлэстӥськиз пӧртэмпӧртэм
мылкыдъёслэсь.
Таиз ар историе кылёз Быдӟым Вормонлы 75
тырмон ар сямен. Та праздник пӧртэм арлыдъем
адямиосты огазея, шуг-секытъёсты вормыны
кужым пыӵатэ. Туэ Ижкарлы «Ужен данлыко
город» ним сётэмын.
Удмуртилэн кунлыкезлы 100 ар тырмонэз но
пусйимы. Со эшшо одӥг муг сётӥз ортчемезлы
дунъет сётыны но азьланез сярысь малпаськыны.
Пандемия шоры учкытэк, Удмурт Элькун
азинскиз, кужмояз. Национальной проектъёсты
быдэсъян, школаосты, нылпи садъёсты, спорт
объектъёсты пуктон, сюрес лэсьтон — асьмелэн
огъя ужмы. Ваньмызлы, кин Удмуртиез азинтон
понна маке лэсьтӥз, бадӟым тау.
Вуоноез ар тунсыко учыръёсын, выль вормонъёсын
но шудо нуналъёсын мед пачылалоз.
Сӥзисько юн тазалык, тупаса улон, яратон но дэлет!
Выль 2021-тӥ арен!
Удмурт Элькунлэн Тӧроез
А. БРЕЧАЛОВ
Удмуртилэн Тӧроезлэн
«Признание» премиеныз
туэ пусъемын 14 муртъёс
но коллективъёс — соос
шаерысьтымы пӧртэм
удысъёсты азинто, улонэз
ӟечгес каро.
— Ужамды понна ваньдылы
тау шуисько, — шуиз Тӧро
Александр Бречалов «Признание»
премиез сӥё-дано сётон
ужрад дыръя. — Асьтэлэн
тыршеменыды тӥ бурдъяськоды
милемыз, кивалтӥсьёсты.
Про ектъёсты быдэс дуннелы
мед возьматозы, макем ужась,
мыло-кыдо калык улэ Удмуртиын.
Тӥледыз дунъямен валче
шаерысьтымы вань ужась
муртъёсты но данъяськомы.
Туэ статуэткаосын но сертификатъёсын
пусъемын гурт
удысэз азинтӥсьёс, уж бергатӥсьёс,
интыосысь улонэз
ӟечгес карисьёс. Пӧ лазы
— удмурт культураез, кылэз
ӝутӥсьёс но. Ксения Широбоковаез
данъязы «Чеберай»
проектэз радъямез понна. Премиез
озьы ик басьтӥз «Куа ра»
огазеяськонлэн ки вал тӥсез
Влад Степанов — удмурт кылын
видео лэсьтӥсь егитъёс сётэм
сертификатлы луыса асьсэлэн
студиязы ужаны быгатозы.
«Премиен» озьы ик пусъемын
Пичи Пурга ёросысь
ужбергатӥсь Павел Чушъялов,
Глазов ёросысь Самойгурт
(Самки) гуртысь культурая
юртэз ворсаськонлэсь утем
мурт Николай Гавшин, Вотка
ёросын тракторной биатлонъя
ӵошатсконэз радъясь Павел
Кузнецов, Сьӧлта черкогуртысь
крезьгуръя ды шетӥсь
Наталья Погребовская, Ижысь
социальной продюсированиея
«Журавейник» центрлэн
кивалтӥсез Ольга Чиркова,
Сарапул ёросысь дуриськон
удысэз азинтонъя «Морок»
центр, Воткаысь «Десантник»
клуб, пиналъёслэн «Живи»
элькун газетсылэн кивалтӥсез
Ольга Лихачёва, Можга карысь
азьветлӥсь, маскаос вуронлы
сӥзем «СижуШью» проектлэн
авторез Ольга Яппарова. О. Яппарова
верамъя, со проектъёсын
ужанлэсь куштӥськыны
малпа вал ини, но премия
сое бурдъяз: табере выль вормонъёс
пала кыстӥськоно.
4 кузя сцена вылэ тубазы
Дэбес ёросысь Тыловай
Гажано эшъёс!
Сюлмысьтым ӟечкыласько Выль арен но
Ымусьтонэн.
Таиз ар тодамы кылёз шуг-секытъёс ваеменыз,
соосты вормон понна трос ужано луиз.
Быдэс странамы кадь ик, Удмуртия но коронавирусэн
нюръяськонзэ азьланьтэ. Россилэн
Президентэз, Удмуртилэн Тӧроез шонер решениос
кутӥзы, закон кылдытъясь но быдэсъясь
власть, ог-огзэс валаса, ужазы — озьы быгатӥмы
бадӟым ыштонъёслэсь утиськыны. Ми бадӟым
тау шуиськомы эмъясьёслы. Соос 2020-тӥ арлэн
зэмос геройёсыз.
Кун Кенешысь депутатъёс нырысь ик саклык
висъязы экономикаез азинтонэн, тазалыкез
утёнэн, адямиослы юрттэт сётонэн герӟаськем
законъёслы. Та ужпумъёс син азьын луозы вуоно
арын но.
Удмуртиын кайта Гуртлэн арез луоз. Музъем
вылын ужасьёсты данъян понна гинэ ӧвӧл со —
гурт удысэз азинтон, гуртын улонэз капчиятон
понна.
Гажано эшъёс! Вуись ар котькуд корка мед
ваёз тазалык, байлык, тупан! Малпанъёсты мед
быдэсмозы. Семьяосты юнэсь мед луозы, пиналъёсты
— шудоесь.
Кун Кенешлэн Тӧроез
В. НЕВОСТРУЕВ
«Признание»
Гуртэз, кылэз, тазалыкез утисьёс
Тӧролэн «Признание» премиеныз пусъемын
Пичи Пурга ёросысь ужбергатӥсь П. Чушъялов.
гуртысь йӧно воргоронъёс
Виталий Бегенеев, Алексей
Смельчаков, Владимир Первушин
но Александр Первушин.
Соос гуртазы хоккеен шудон
коробка пуктӥзы. Учкисьёс
кема чабизы Кез ёросысь бырон
калэ вуэм Степанёнки
гуртысь хозяйствоез ӝутэм
муртлы Фёдор Першинлы но.
Со 1999-тӥ арын «Степанёнки»
хозяйствоен кивалтонэз ас
вылаз басьтӥз. Али хозяйствоын
13 гуртысь улӥсьёс ужало.
Александр Бречалов оскытӥз:
вуоно арын — Гуртлэн араз —
хозяйстволы ватсаса юрттэт
сётэмын луоз.
________
Анастасия ШУМИЛОВА
udmurt.ru
Дуннеын
Чер уг чигна
Дуннеысь тазалыкез
утёнъя
огазеяськон (ВОЗ)
ивортӥз: вуоно
арын вӧлмозы
коронавируслэн
пӧртэм штаммъёсыз.
Коронавирусэн нюръяськон
понна вань
кунъёсысь тодосчиослы
огазеяськоно, черен
герӟаськем эскеронъёссы
сярысь ог-огзылы,
ВОЗ-лы ивортылоно —
озьы сое ӝоггес быдтыны
луоз. Та дырлы
коронавируслэн выль
штаммъёсыз шедьтэмын
ни Великобританиын,
Лымшор Африкаын.
________
Россиын
Вылез
2021-тӥ арын
1-тӥ январьысен
пыӵаны
кутскозы уно
выльдӥськонъёс.
5,5 процентлы ӝутскоз
пичиез уждун (МРОТ)
— 12 сюрс 792 манетозь.
6,3 процентлы йылозы
пенсиос, шоро-куспоез
луоз 17 сюрс 443 манет.
Инфляцияя тупатскоз
анай капитал но: 466
сюрс 617 манет вал
ке, луоз 483 сюрс 881
манет. Сое кутыны луоз
гурт ипотекая первоначальной
взнослы —
азьвыл уг лу вал.
Туэ пандемия вакытэ
ЖКХ понна пытсамтэ
тыриськонъёсъя кысылыны
лэземын ӧй вал
вуэз, электрокужымез,
шунытэз — 1-тӥ январьысен
та капчиятон
пыӵамысь дугдоз.
________
Удмуртиын
Шумпотон
2021-тӥ ар Гуртлэн
ареныз ялэмын
бере, бадӟым
саклык висъяськоз
гурт сюресъёсты
тупатонлы.
Ар куспын выльдӥськоз
200 иськемлэсь ятырез,
со пӧлысь 55,7
иськемез — «Кышкыт
луисьтэм но ӟеч сюресъёс»
нацпроект улсын.
Тупатъямын луозы,
кылсярысь, Брангурт
— Кияса, Глазов — Юкаменск,
Можга — Вавож,
Якшур-Бӧдья — Шаркан
но мукет сюресъёс.