ud#51 (25861)

udmdunne.ru
+7 951 195 37 65
Удмуртиез азинтон
СПОРТ
№51 (25861)
2020-тӥ ар 30-тӥ толсур 7
Тужгес бадӟым йӧ — Можгалан
Городын усьтӥськиз выль дворец
Кылем арня шорын
Можгаын сӥё-дано
усьтӥзы «Можга» йӧ
аренаез. Со шаерысьтымы
одӥгез бадӟымез
луэ — огдыре спортысь
5 амалъя мугорез кыдатыны
луэ.
Каток
Йӧ арена лэсьтыны кутскемын
вал 3 ар талэсь азьло.
Можгаысь нылпиослэн
хоккеен шудонъя «Луч» командазылэн
тренерез Ильдар
Низамбиев куронэн вазиськиз
Удмуртилэн Тӧроезлы
Александр Бречаловлы. Городын
йӧ ӧвӧлэн пиналъёс тренировкаосы
ветлӥзы артысь
Вавож черкогуртэ яке Огырчи
городэ. Тӧро кыл сётӥз Можга
городэ бадӟым спортивной
центр пуктыны.
— Троссэ малпанъёсты быдэстыны
пандемия люкетӥз
ке но, Можгаысь йӧ аренаез
лэсьтон йылаз-пумаз вуттэмын,
— шуиз А. Бречалов аренаез
усьтон ужрадын. — САФ-
МАР фондлы но мувӧй поттон
компаниослы тау кароно. Шаерысьтымы
нылпи хоккеез
Можгаысь йӧ дворецын шудӥзы тодмо хоккеистъёс
но пиналъёс.
азинтон сярысь соосын огкыл
гожтэмын. Озьы берло 3
ар куспын 6 йӧ площадкаос
кылдӥзы ни, вуоно арын Сарапулын
йӧ арена усьтыны
чакламын. Арлы быдэ нылпиос
пӧлын Калашниковлэн
кубокез понна ӵошатскон
радъяське, отчы 1 сюрс 500
пала хоккеистъёс пырисько.
Выль аренае 50 мурт ужаны
интыяськиз ни. Матысь
дыре хоккеез яратӥсь 50 пиналъёслэн
тренировкаоссы
udmurt.ru
кутскозы. Со сяна, татын мугорзэс
кыдатозы фигурной
катаниея секцие ветлӥсьёс.
Йӧ аренаын учкисьёслы
450 инты чакламын. Сое
усьтон нуналэ ик йӧ ӟырдаз.
«Матч Открытие» вожвылъяськонэ
пыриськизы Ижысь
2010-тӥ арын вордскем пиослэн
«Ижсталь» но спортысь
кизилиослэн командаоссы.
Кыкетӥяз шудӥзы олимпийской
чемпионъёс Сергей Шепелев,
Владимир Мышкин,
Сергей Бабинов, Россиысь но
Удмуртиысь кивалтон удысын
ужасьёс. Шудон 6:6 лыдын
йылпумъяськиз.
Ӝытазеяз татын зэмос
нюръяськон кутскиз ни. Дэри,
Пурга, Ува, Сюмси, Сарапул
но Кизнер ёросъёсысь гурт
спортсменъёс 2021-тӥ арын
февраль толэзе Вавож черкогуртын
ортчоно Гурт тол шудонъёсы
шедён понна 2 нунал
ӵоже нюръяськизы. Удалтӥз
Дэри ёросысь командалы.
Залъёс
Йӧ арена многофункциональной
луэ. Бадӟым
спортзалын баскетболъя но
волейболъя ӵошатсконъёс орт
чозы, учкисьёслы 100 инты
чакламын. Нырысетӥ нуналаз
баскетболэн шудонъя мастеркласс
возьматӥз Можга городысь
2006-тӥ арын вордскем
нылъёслэн командазы. Со
Приволжск федерал округлэн
трос пол чемпионэз луэ,
Россиысь 7 кужмо командаос
пӧлы пыре. Выль спортзаллы
туж шумпотэ командалэн
тренерез Екатерина Трапезникова.
Вазен, пе, шудылӥзы
школаосысь спортзалъёсын,
ӝытазе сяна дыр ӧз шедьылы.
Бадӟым залэз сяна, 2 пичиосыз
вань на, таосыз чакламын
гимнастикаен но нюръяськонэн
вырисьёс понна.
Та вакытэ городысь 200 пала
нылпиос гимнастикая, 100
пала пиналъёс нюръяськонъя
секциосы ветло.
Удмуртиысь Гимнастикая
федерацилэн ӵектэмезъя, вуоно
арын Можга городын ортчытыны
чакламын Удмуртилэсь
чемпионатсэ. Можгаысь
йӧ аренаын мугорзэс кыдатыны
луонлык сётӥськоз на шаерысьтымы
хоккеен шудонъя
сборной командаослы но.
«Ижысь винтовка»
Катьтэммытӥз лымы
25-тӥ - 28-тӥ декабре
Ижысь А. Демидов
нимо спорткомплексын
51-тӥзэ «Ижысь
винтовка» ӵошатскон
ортчиз. 23 улосысь 160
спортсменъёс кужымзэс
эскеризы, пӧлазы вал
тодмо биатлонистъёс
Максим Цветков, Антон
Бабиков но Карим
Халили.
«Ижысь винтовка» огазеямын
биатлонъя Россилэн
чемпионатэныз но Кубок
понна нюръяськонлэн люкетэныз.
Удмуртие вуылӥзы
воргоронъёс гинэ, нылъёслэн
ӵошатсконзы та нуналъёсы ик
Чайковский городын ортчиз.
«Ижысь винтовка» дыръя
котьку но аслэсьтыз сямзэ
возьматъя куазь: я лымы
ӧвӧл, я ӟарт-ӟарт кезьыт кариське,
нош таяз учыре трос
лымы усиз, юн пелляськиз.
25-тӥ декабре воргоронъёс
20 иськеме бызьылӥзы,
котькуд кырыж ыбем понна
1 минут штраф ватсаськылӥз.
2 пол кырыж ыбыса но,
Ижын 160 биатлонистъёс кужымзэс мертазы.
вормись луиз Москва улосысь
Кирилл Стрельцов. Ижысь
Дмитрий Шамаев чылкыт
ыбылӥськиз ке но, 2-тӥ интые
кылиз. 3-тӥ инты басьтӥз
Москваысь Илья Гаврилов,
ыбылӥськонын 1 янгыш
лэсьтӥз.
27-тӥ-28-тӥ декабре пиос
спринт амалъя ӵошатскизы.
Сояз но, таяз но нуналэ вормиз
Ханты-Мансийскысь
Семён Сучилов. Удмуртиысь
спортсменъёс сярысь ке
верано, туэ соос ваньзы сямен
коронавирусэн висиллям.
Озьы ке но 5-тӥ интыозь
ӝутскыны быгатӥз Ильназ
Мухамедзянов, 6-тӥ но 8-тӥ
инты басьтӥз Александр Поварницын.
Кызьы валэктӥз А.
Поварницын, секыт ӧз висьы
ке но, куас сюрес вылын, пе,
кужымзэ уг шӧды на.
Россиысь тодмо спортсменъёслы
Максим
Туспуктӥз Валентина ЕМЕЛЬЯНОВА
Цветковлы, Антон Бабиковлы
но Карим Халилилы Ижын ас
быгатонлыкъёссэс ӟеч возьматыны
ӧз кылды. Со понна
удалтӥз егит спорт сменлы
— Москваысь Илья Гавриловлы,
2 стартын подиуме
шедьылӥз. «Ижысь винтовка»
ӵошатсконлэсь мынэмзэ сак
эскеризы Россиысь биатлонъя
тренеръёс, угось трос очко
люкам спортсменъёслы луонлык
сётӥськоз январь толэзе
Европаысь ӵошатсконъёсы
пыриськыны.
Воргоронъёс сяна, та нуналъёсы
кужымзэс эскеризы
юниоръёс но. 27-тӥ декабре
соослэн эстафетаоссы вал.
Вожвылъяськонэ 10 команда
пыриськиз, со пӧлысь 3-ез
Санкт-Петербургысь. Удмуртия
та ӵошатсконэ 1 командаен
пыриськиз, шаермылэсь
данзэ утизы Евгений Емерханов,
Владимир Микрюков,
Сергей Тёмкин но Александр
Корнев. Пиосъёсмы 3-тӥ этапын
азьветлӥсьёс но огдырлы
луылӥзы, нош медаль сярысь
малпанъёссы тӧлӟизы
берпуметӥ ыбылӥськонын.
3-тӥ интыын мынӥсь А. Корнев
2 мултэс круг бызёно луиз.
Озьы командамы 5-тӥ интые
гинэ кылиз, вормиз Санкт-
Петербургысь команда.
«Ижысь винтовка» ӵошатскон
вакытэ биатлонэз
яратӥсьёслы но ас кужымзэс
эскерыны луонлык сётӥське.
26-тӥ декабре 18 часын «Калашников
Спорт. Биатлон»
ӵошатскон ортчиз. Мылкыд
карисьёс 4,5 иськемез бызизы,
2 пол (выдыса но сылыса)
ыбылӥськыса. Таяз
ӵошатсконын кужымзэ эскериз
278 мурт. Удмуртиысь
сяна, Москва, Самара, Пермь,
Свердловск, Челябинск улосъёсысь,
Коми но Татарстан
республикаосысь лыктэмъёс
вал. Котькинлэсь кужмо
луизы Сюмси ёросысь Павел
Зеленцев но Ижысь Наталья
Афанасьева. Та ӵошатскон
дыръя ик нимысьтыз кузьым
понна нюръяськизы шаерысьтымы
муниципал кылдытэтъёслэн
19 командаоссы.
Вормисе потӥзы Дэри ёросысь,
Ижевскысь но Кизнер
ёросысь командаос.
Бамез дасяз Валентина ЕМЕЛЬЯНОВА