ud#51 (25861)

№51 (25861)
4 2020-тӥ ар 30-тӥ толсур АРЛЫ ЙЫЛПУМЪЯНЪЁС
Учыръёс но ужрадъёс
Шуг-секытъёс кыдато
2020-тӥ ар — качыян (високосной) ар. Вашкалаос шуиллям: таӵе ар, пе,
секытэн ортче: сюан но ортчытъяллямтэ, бадӟым ужъёссэс но берлолы
кельтылӥллям. Туэ быдэс дуннее вуиз секыт адӟон — коронавирус. Солы
пумит нюръяськон вылысь быдэс дунне выль сямен улыны кутскиз.
Дуннеын
Россиысь Аргентинае «Спутник V» вакцина вуиз.
12-тӥ январе
Дуннеысь Тазалыкез
утёнъя огазеяськон (ВОЗ)
ивортӥз Китайысь Ухань городысь
потэм вирус сярысь —
сое пусйизы 2019-nCoV кодэн.
27-тӥ январе
Коронавирус ӝог вӧлмемен
валче Китайысь 57 миллион
улӥсьёсын 15 городъёс ворсамын.
Россия пытсаз Дальний
Востокысь Китаен кунгожзэ.
31-тӥ январе
Великобритания потӥз Евросоюзысь.
Коронавирус вуиз Европае
— сое вуттӥзы Китайысь Италие
вуэмъёс.
9-тӥ мартэ
ОПЕК огазеяськонэ пырись
кунъёс, пӧлазы Россия но, огкылэ
вуыны ӧз быгатэ мувӧй
кысконэз кулэстон сярысь.
Та бӧрсьы ик сьӧд зарнилы
дунъёс 30 процентлы усизы.
Кунамы доллар 82 манетозь
ӝутскиз.
10-тӥ ноябре
Нагорной Карабахе вуизы
Россилэн миротворецъёсыз.
Пум понэмын Армения но
Азербайджан куспын пуромем
ожмаськонлы.
21-тӥ декабре
Россиын коронавируслы
пумит поттэм «Спутник V»
вакцина нырысьсэ келямын
кунгож сьӧры — Аргентинае.
22-тӥ декабре
Великобританиын шараямын
коронавируслэн выль
штаммез — N501Y. Таиз уката
ӝог вӧлме. Уноез кунъёс Великобританиен
уретӥзы.
кусыпъёссэс
Россиын
Вормонлы сӥзем парадъёс ортчизы 24-тӥ июне.
2020-тӥ ар Россиын ялэмын
Вормонлы 75 ар тырмонлы
сӥзем арен.
15-тӥ январе
Федерал Собранилы вазиськоназ
Президент В. Путин
дэмлаз Конституцие
воштонъёс пыртыны. Правительство
отставкае кошкиз.
Выль Правительстволы Тӧрое
юнматэмын Кун Думаысь
«Огъя Россия» фракциен
ӵектэм кандидат Михаил Мишустин.
2-тӥ мартэ
Кунамы шараямын коро
навирусэн черлам нырысетӥез
мурт — через вуттӥз
Италиысь Россие бертэм воргорон.
30-тӥ мартэ
Коронавирус вӧлмемен сэрен
Россия пытсаз вань кунгожъёссэ.
Президент В. Путин
самоизоляция сярысь ялӥз,
калыкез дорысенызы ужаны
косӥз. Уноез предприятиос
ужзэс уретӥзы.
31-тӥ мартэ
Пыӵаны кутскиз «Гурт
ипотека» программа. Гуртъёсын
улон инты басьтыны
мылкыд карисьёслы сётъяны
кутскизы капчиятэм кредитъёс
— 0,1 процентысен 3
процентозь.
30-тӥ апреле
Коронавирусэн черламъёслэн
лыдзы 100 сюрслэсь
ортчиз.
11-тӥ мае
Владимир Путин ялӥз карантинысь
потон, озьы ик
пандемия вакытэ калыклы,
ыштонъёс адӟись предприятиослы
юрттэт сётон сярысь.
Апрельысен июнёзь 3 аресозь
нылпиос понна толэзьлы быдэ
висъяськиз 5 сюрс манет, 3 аресысен
16 аресозь пиналъёслы
— 10 сюрс манет. 3 аресысен 7
аресозь пиналъёсты будэтӥсь
ёрмись семьяослы пособие
висъяськыны кутскиз.
Предприятиослы ужасьёссылы
уждун тырон, производствозэс
утён понна субсидиос,
капчиятэм кредитъёс
висъяськыны кутскизы. Такем
трос пумо юрттэт кунамы
ӧз сётӥськылы на.
24-тӥ июне
Москваын, озьы ик кудог
городъёсын ортчизы Вормонлы
75 ар тырмонлы сӥзем
парадъёс. Та нуналлы соос
выжтэмын вал пандемиен
йырин.
1-тӥ июле
Конституцие воштонъёс
пыртонъя куара сётон ортчиз.
Соос понна дурбасьтӥз 78
процентэз калык, озьы юнматэмын
206 воштонъёс. Соос
герӟаськемын кунэз радъянэн,
тазалыкез, нылпиослэсь
правооссэс утёнэн.
11-тӥ августэ
Коронавируслы пумит
«Спутник V» вакцина регистрация
пыр ортчиз. Сое
поттӥз Москваысь Н. Гамалеи
нимо институт.
2-тӥ декабре
Вакцина «Спутник V» вуиз
вань улосъёсы, пуктылыны
кутскизы вань мылкыд карисьёслы.
24-тӥ декабре
Президент Владимир Путин
вуоно арез ялӥз Наукалэн
но технологиослэн аренызы.
Удмуртиын
«ДаУР!» квестъя Балезиноысь Назаровъёслэн семьязы
99 интые вуылӥз.
2020-тӥ ар ортчиз Удмуртилэн
кунлык басьтэмезлы
100 ар тырмонэз пусъён
улсын. Выльдӥськизы автономиез
кылдытӥсьёслэн синпелетъёссы,
шуккемын дано
«ДаУР» огинлэн «ВКонтакте» бамысьтыз
удмурт адямиослы сӥзем 10
буре ваён пулъёс.
Со сяна, 2020-тӥ ар шаерамы
ялэмын Ужбергатӥсьлэн
ареныз. Пыӵазы соослы юрттонъя
пӧртэм программаос.
1-тӥ январьысен
Автономилы 100 ар тырмонэз
пусъён улсын ялэмын
«ДаУР» проект. Ар ӵоже калык
отчы ӵектӥз шаерысьтымы
тужгес учкымон 350
интыосты. Куара сётонын
тужгес устоен лыдъямын
100-эз. Такем бадӟым проект
шаерамы ӧй вал на.
31-тӥ мартэ
Удмуртилэн Тӧроез распоряжение
кутӥз: пандемиен
йырин вань калык дораз
пукыны кулэ.
30-тӥ июльысен
Кутскиз «ДаУР!» квест —
шаерысьтымы мыло-кыдоос
вуылӥзы «ДаУР» проектъя
ӵектэм 100 интыосы.
13-тӥ сентябре
Быдэс Россиын сямен ик,
ортчиз куара сётон нунал.
Выльдӥськизы вань городъёсысь
Думаос. Кун Кенеше,
озьы ик 12 ёросъёсысь Депутатъёслэн
Кенешъёсазы ватсаса
быръёнъёс ортчизы.
20-тӥ октябре
Гурт удысын тыршисьёслэсь
нуналзэс пусйыку, решение
кутэмын вуоно арез
Гуртлэн ареныз ялыны.
Ноябрь толэзе
Удмурт кылъя 18 учебникъёс
пыртэмын федерал
перечене. Соос чакламын
5-тӥ классысен 11-тӥ классозь
дышетскисьёслы.
4-тӥ декабре
Быдэс ар ӵоже кыстӥськем
«Чеберай» марафонлы йылпумъянъёс
лэсьтэмын. Вормисе
потӥзы Алнаш, Ува но
Шаркан ёросъёсысь нылкышноос
— Алевтина Тарасова,
Алевтина Макарова, Ксения
Байданова.
17-тӥ декабре
Ижын ортчиз удмуртъёслэн
14-тӥ ӧтчамзы. Пыриськиз
335 делегат. Йылпумъянъёс
лэсьтэмын «Удмурт
Кенеш» огазеяськонлэн берло
4 ар ӵоже ужамезлы, чакламын
матысь аръёслы быдэстоно
ужпумъёс.
Дасяз Елена НИКИТИНА