05 от 11 февраля 2021 (25866)

КУЗЁ
№5 (25866)
2021-тӥ ар 11-тӥ тулыспал 15
Усточиос
Лякиё Удмуртия
Дэбесысь киужъёсъя
юртын ужасьёс
ялан маин
ке паймытъяны
тыршо. Кемалась
ик ӧвӧл Александр
Белослудцев лазер
станокен «Удмуртилэн
картаез», «Удмуртиысь
тунсыко
интыос» пазлъёсын
шудонъёс лэсьтыны
кутскиз.
Дэбес ёросысь кибашлыос
турлы киужъёсын
ужам сяна, коньдон поттон
сярысь но сюлмасько.
Та центрен кивалтӥсь
Елена Бушмакина верамъя,
арбериосты
киын лэсьтыны кема,
дуногес но луэ, куд-ог
дыръя шуак басьтӥсьёс
но уг шедё, нош станокен
ӝоггес быдэстыны
но вузаны луэ. Соин ик
центразы 2019-тӥ арын
лазер станок басьтӥзы.
Корт станок ас кожаз
уг ужа. Сое улӟытон понна
зарни киос, лэчыт визь
но компьютерен ужаны
быгатон кулэ. Сыӵе адями
шедиз. Аргуртысь
Александр Белослудцев
дышетскемезъя техникпрограммист.
Киужъёсъя
центре ужаны лыктэмезлэсь
азьло ассэ пӧртэм
удысъёсын эскериз. Глазовысь
техникумез йылпумъяса,
кӧня ке арзэ
Ижевскын ужаз вал, но
сюлмыз вордскем палъёсаз
кыскиз. Киужъёсъя
юртэ ужаны ӧтемзылы
шумпотӥз, угось пинал
дырысеныз пуэн вырыны
яратылӥз.
Дэбесысь А. Белослудцев лазер станокен ужа.
Центре вуыса, Саша
рос-прос тодматскиз станокен,
солэн луонлыкъёсыныз.
Нырысь-валысь
пулэсь пичи арбериос,
магнитикъёс, брелокъёс
лэсьтылӥз. Быгатонлыкъёссэ
волятэмез бере
бадӟым ужъёс — пулэсь
лэсьтэм органайзеръёс,
часъёс, дырпусъёс (календарьёс),
синпель тэркыос,
шкатулкаос, Выль
ар кызэз чеберъян шудонъёс
но мукет арбериос
— борды басьтӥськиз.
Паймытӥз шахматэн,
судокуэн, крестики-ноликиен
шудыны чаклам
арбериосыныз.
— Интернетын трос
бугыръяськоно луэ, тунсыкозэ
шедьтӥсько ке,
вӧзаз аслэсьтым макемаке
ватсасько на, — шуэ
Александр. — Озьыгес
ик кылдӥзы Удмуртилэн
кунлыкезлы 100 ар тырмонлы
сӥзем ужъёсы —
«Удмуртилэн картаез»,
«Удмуртиысь тунсыко
интыос» пазл шудонъёс.
Александр Белослудцевлэн архивысьтыз
«Удмуртилэн картаез» шудон.
Кылем арын шаерамы
«ДаУР» квест радъямын
вал. Озьы шаерысьтымы
чебер интыосты
возьматӥсь шудон лэсьтэме
потӥз.
Шудонэз лэсьтэмезлэсь
азьло шаермылэн
тунсыко интыосыз сярысь
трос лыдӟиськоно,
тодоно луиз. Нырысь
ик лазер станокеныз
бадӟым карта вандэм,
ёросъёслы висъям. Озьы
кылдӥллям пазлъёс.
— Лазер станокен
маке лэсьтэмлэсь азьло
компьютерен программа
кылдытоно но
станоке выжтоно, — шуэ
Александр Белослудцев.
— Та вакытэ фанераез
вандылӥсько, небыт
пуэн но ужаны луэ, ваньмыз
потэ станок бордысь.
Кылсярысь, милям
станокмылэн 80 Ватт
кужымез, соин 8 миллиметр
фанераез вандылыны
луэ. Фанера но
Туспуктӥз Руфима ЛОЖКИНА
пӧртэм луэ, куд-огез трос
чагаське, дуръёссэ кема
волятоно луэ. Пу вылэ суредан
(гравировка лэсьтон)
ӧжытак ӝеггес потэ.
«Удмуртилэн картаез»
пазлъёс лэсьтэмез
бӧрсьы ёросъёсысь
тунсыко интыосты
возьматӥсь фишкаос дасям,
соосты «ДаУР» квестъя
лэсьтэм. Аслэсьтыз
тодон-валанъёссэ будэтон
вылысь краеведъёсын
пӧртэм ёросъёсы
вуылэм, Грак ёросэ гинэ
вуылытэк кылем на.
Азьланяз шудонзэ выльдыны
малпа. Туристъёс
понна эшшо но тунсыкогес
мед луоз.
Мон но пазлъёсты бичаны
оскалтӥ. Туж тунсыко
потӥз, Удмурт шаермес,
киын кутылыса,
шӧдыны: кудӥз ёрос кытын
интыяськемын, ма
быдӟа. Эшшо но тунсыкогес
потӥз фишкаосты
пуктылыны, аслым но
«Удмуртиысь тунсыко интыос» шудон.
трос выльзэ тодӥ. Вакчи
дыр куспын шаермылэн
пӧртэм сэрегъёсаз вуылэм
кадь потӥ.
Удмуртиен герӟаськем
шудонъ ёсты школаосын
но библиотекаосын
ужасьёс ужазы кутыны
быгатозы. Шудон
пыр нылпиос шаермы
сярысь тодон-валанъёссэс
будэтозы. Александр
Белослудцевлэсь пазл
шудонъёссэ Сарапул ёросын,
Ижевскын улӥсьёс
басьязы ни, нош «Удмуртилэн
картаез» шудонзэ
синпель кузьымез
сямен кемалась ик ӧвӧл
сётъязы Дэбесын ортчем
Россиысь гурт пиналъёс
пӧлын шахматэн
шудонъя ӵошатсконын.
Табере шаермы но кибашлыосмы
сярысь Россилэн
пӧртэм сэрегъёсаз
тодазы ваёзы.
________
Руфима ЛОЖКИНА
Амалоос
Лымыез лёго питранъёс
Кез черкогуртысь куасэз
гажасьёс нуналмысь тау
каро Дмитрий Кондратьевлы.
Та мыло-кыдо
пиосмурт лымы лёгон
аппарат малпаз. Сое
«Буран» машина борды
думыса, куас сюрес 2
поллы паськыт лёгиське.
— Куас вылэ ачим но
ӵемысь султылӥсько бере
котьку сюлмаськылӥ, «Буранэн»
одӥг пол ортчыса, сюрес
одӥг муртлы ворттылымон
гинэ лёгиське шуыса, — вераз
Д. Кондратьев. — Куас сюресмы
ог 5 иськем, «Буранэн» 2
пол ортчоно луылӥз. Соин ик
малпаськылӥ, кызьы ӧжытгес
Лымы лёгон аппарат «Буран» борды думиське.
бензин быдтыса, паськыт сюрес
лёгыны луысал. «Лыжный
спорт» журналын лымы лёгон
тӥрлыкъёс возьматэмын вал,
дунъёссы 40-60 сюрс манет
котыр. Малпаськыны кутски,
«Звезда» газетлэн архивысьтыз
оло, ачим лэсьтыны пӧрмыто,
техникаез сэрттыны-бичаны
яратӥсько ук. Тодӥ, та
выллем агрегат бускельёсмы
— балезиноос но — асьсэос
лэсьтӥллям. Юри сое учкыны
отчы ветлӥ, Интернетын
бугыръяськи на. Озьы йырам
огъя схема кылдӥз.
Агрегатлы 10 машина питран
кулэ луиз, тамында люканы
юрттӥзы эшъёс, тодмоос,
корт люкетъёс силё пӧлы
куштэм арбериос пӧлысь сюризы.
Подшипникъёс кулэ луизы
на, таоссэ гаражысьтым
шедьтӥ. Отӥяз ваньзэ бичай,
ваче думылӥ, кытӥ-отӥ сваркаен
лякылӥ на — пӧрмиз.
Тӥрлык «Буран» борды
думыны юри лэсьтэмын. Машина
сое сьӧраз гыж кыскыса
нуэ, ваче думем питранъёс
бергало но ас секталаенызы
лымыез зӥбыса кошко.
Дмитрий ужа Кезысь сыр
поттон заводын возьмаськись
луыса, нош ваньмон дыръяз
куас вылэ султэ, пыдын бызьылэ,
машинаез котырын
берга. Солэн быдэс семьяез
таза улонэн эшъяське — кузпалыныз
ӵош завод понна
спартакиадаосы пырисько,
3 пиналъёссы куасэн но, пыдын
но бызьыло, баскетболэн
шудо.
________
Ангелина СНИГИРЁВА