05 от 11 февраля 2021 (25866)

№5 (25866)
30 2021-тӥ ар 11-тӥ тулыспал
Ӟудон
Урмем эмеспи
Куректон ӧсэтӥ пыре
ке, яратон укноетӥ
пегӟе, шуиллям калыкын.
Дэри ёросысь 40
аресъем Вовалэн (нимыз
воштэмын) семьяяз
яратонлэн тылыз
кысӥз, кышноеныз
кусыпъёсыз йӧӟектӥзы.
Картэныз керетэмзы бере
нылкышно пиналъёсыныз
ӵош вордскем палъёсаз
— Эгра каргуртэ — бертӥз.
Сайкиськыса Вова семьязэ
утчано кариськиз, Эграла
шонтӥз. 6 часын ӵукна
кышноезлэсь машиназэ
со синйылтӥз Эгралась 86
аресъем песянайзылэн ӟезьы
азьысьтыз. Арлыдо кышномурт
валаса но ӧз вуы, кызьы
урмем эмеспи, пуртэн
кышкатыса, дораз пыриз,
ӧсэз ӵогаз, телефонзэ талаз.
Озьы песянай заложнике
шедиз. Йыртэмась валэктӥз:
кышномурт коркась потыны
быгатоз, солэн, Вовалэн,
кышноез лыктӥз ке.
Удмуртиысь Следствиея
управленилэн ивортэмезъя,
воргорон кылем арын суд
улэ шедьылӥз ни кышнозэ
виёнэн кышкатыса воземез
понна. Кышномурт валаз,
таӵе улон ӟече уз вутты шуыса,
соин картэныз кӧня ке
пол люкиськыны выриз. Но
пиосмурт озьы ик ӵаш поттэ,
кизэ вуттэ, эрик уг сёты.
Шӧкычлэн алонэз
— Мон пегась кышноме утчаны вуи.
Соин кышномурт нылпиосыныз
валче анай-атаезлэн
бурд улаз пегӟиз, нош машиназэ
песянаезлэн ӟезьыез
азе кельтӥз. Малпаназ ик ӧй
вал, югдур таӵе кӧшкемыт
берытскоз шуыса.
Урмем эмеспи мӧйы
кышномуртэ 5 час ӵоже
кышкатыса возиз. 11 часын
гинэ полицейскойёс Воваез
коркась поттыны быгатӥзы.
Следователь куремъя
пуртэн кышкатъяськись
«Суредаськиз»
Суредам 5 сюрслыкъёсын лавкаосын но аптекаосын
басьяськиз Сарапулысь 30 аресъем пиосмурт.
МВД-ысь экспертъёс чакламъя, та коньдон уг тупа Центробанклэн
поттэм купюраосызлы. Полициын ужасьёс эскерем
бере шараяськиз: Сарапулысь воргорон 5 пол басьяськем
суредам 5 сюрслыкъёсын. Дораз обыск ортчытэм бере эшшо
4 таӵе купюра шедиз на.
МВД-лэн Следствиея уп рав лениез эскеронэз йылпумъяз
ни. Матысь дыре уголовной ужез судын эскерозы. Коньдон
суредасьлэсь эриксэ 8 арлы таланы быгатозы.
Кунгож сьӧры ӧз тӧлӟы
Можгалась кышномурт вань пунэмъёссэ берыктоно
луиз, кунгож сьӧры потыны дасяськыкуз.
Удмуртиысь судъя приставъёс нылкышнолы ӵемысь тодаз
вайытылӥзы, 440 сюрс пунэмез вань шуыса. Нош таизлэн пигонэз
но ӧз вырӟылы. Соин судъя пристав постановление гожтӥз,
законэз быдэсъясьтэм муртлы штраф — исполнительской сбор
— сётыса, озьы ик кунгож сьӧры потан правозэ таласа.
Пунэмъёсын улӥсь кышномурт, та югдурез тодӥз ке но,
Германие кошкыны дасяськиз. Зэм, Москваысь аэропортлэсь
кыдёке ӧз вуы. Соин выльысь Удмуртие берытскиз: 440 сюрс
манет пунэмъёссэ тыриз, 36 сюрс манет тыр люкаськем сборъёссэ
кысӥз.
воргорон изоляторын пуке.
Нош песянайлэсь тазалыксэ
эскеро эмъясьёс — урмем
эмеспиен сэрен кышномурт
больницае шедиз.
Адямиез пуртэн кышкатыса
эриклэсь люкем понна
Уголовной кодексысь 127-тӥ
статьялэн 2-тӥ пунктэз 5 ар
пытсэт сьӧрын шутэтскон
сӥзе.
________
Интернет коскы
Елена СКВОРЦОВА
Микол куное мынӥз Петыр
эшез доры. Петыр диван вылын
пуке, арганзэ кыска.
— Чырткем! Нош кышноед
кытын? — юа Микол.
— Пу пильылэ, — валэктэ
Петыр.
— Кылзы ай, маке умой ӧвӧл
озьы. Кышноед тӥрен ужа, нош
тон арган кыскаськод.
— Мон-а янгыш, кышно арганэн
шудыны уг быгаты ке?
________
Пиосмурт дораз жуммыса,
жадьыса но лек мылкыдын
вуиз. Кышнозэ тышкаське:
— Тон янгыш. Косӥськод
пилэн собранияз мыныны,
нош кыӵе школаын дышетскемзэ
вераны вунэтӥськод.
________
— Петров эш, тӥ допрослэсь
ӧд жаде на-а? — юа следователь.
— Эн сюлмаське, мон 20 ар
кышнояськемын ни, — валэктэ
Петров.
Суредаз Владимир ИЖБОЛДИН
Юмок
Кышноос — тапала,
мужикъёс — сопала
1990-тӥ аръёсы гуртъёсын номыр но басьтыны уг шедьы
вал. Дефицитэн сэрен калык зӧк (бадӟым) праздникъёс азьын,
колхозысь автобус курыса ик, городэ ветлылӥз. Малы ке шуоно
отын дӥськут но, сиён-юон но басьтыны шедьылӥз.
Огпол Выль ар азьын мылкыд карисьёс автобус тыр
люкаськизы. Ижысь магазинъёстӥ ветлонзы бер ӝытозь
кыстӥськем. Гуртлань бертыкузы, сюрес вылысен тросэзлэн
ас мугенызы ветлэмзы потэм. Соку сюрес дурын туалетъёс уг
сыло на вал. Шофёр нюлэсо интые дугдэм но валэктэм:
— Кышноос, тӥ автобуслэн тапалаз пуксе, нош мужикъёс —
мукет палаз.
Озьы ик лэсьтӥллям. Нош шофёр — туж маскарчи адями.
Со адӟиз, ваньмыз ӟудэмъёс пуксизы шуыса, но, автобуссэ
интыысьтыз вырӟытыса, азьлань кошкиз...
Та югдурез ас синмын адӟоно вал...
Выжыкылын кадь
Кузпалыным валче улэммылы 33 ар тырмиз. Бер ӝыт. Огнам
ыж гон черсыса пукисько.
Мужике чорыганы кошкемын вал, жингыртӥз но шуэ:
— Асьмеос табере Пушкинлэн «Сказка о рыбаке и рыбке» выжыкылаз
сямен улӥськом:
«Они жили в ветхой землянке
Ровно тридцать лет и три года.
Старик ловил неводом рыбу,
Старуха пряла свою пряжу...»
— Зэм ик, черсыса пукисько, — шуисько.
Кыкнамылэн но сереммы потӥз. Мургес малпаськыны кутски
но... Зэм но, Пушкинлэн выжыкылаз кадь улэммы. Лыз зарезь
дурын ик ӧвӧл, но шур дурын улӥськом. Коркамы но вужмемын
ни. Пӧран тусе но пилиськиз. Пересе тани чорыганы
кошкиз, кин тодэ, оло, зарни чорыген вуоз. Мон Пушкинлэн
пересез кадь кӧттырмостэм уг выры, пыр-поч верало зарни
чорыглы 3 куронме.
Сыӵе та малпанэлы шумпотӥ, черсонме ик куштыса,
кӧлыны выдӥ.
Вунэтӥз...
Пандемия шоры учкытэк но, колхозын ужась кышноосты
нуизы районысь больницае медосмотре.
Соос пӧлын мынам Зоя бускеле но. Сямызъя со туж
куалектӥсь, олокытчы пыр дыртӥсь кышномурт. Вераське
но туж сэзь, котьку зол куараен. Сыӵеосты милям «тырлыга»
шуо.
Больницаын Зоялы трос кабинетъёстӥ ветлоно луиз.
Берпуметӥез ӧс — гинеколог доры. Татчы Зоялы ваньмызлэсь
берло пырыны усиз. Уго больница коридорысь со огзэ-мукетсэ
тодмооссэ пумитаз, супыльтонъяз дыр ортчиз.
Нылкышно врач доры Зоя дотово куалектыса пыриз. Ма,
эшъёсыз кельтозы сое, собере гуртэ маин бертыны паймоз.
Эмъясьлы Зоя номыр ӧз ӝожтӥськы, ярам, туж ӝог учкизы.
Зоя, кабинетысь дыбыр потыкуз, ӝӧк вылысь телефон
кутӥз. Коридор кузя кузь вамышъяса, кышномурт потон пала
лобатӥз. Со куспын сумкаяз телефон жингыртӥз. Мар со? Зоялэн
телефонэз кияз, нош жингыртэм сумкаысьтыз кылӥське.
Э, куалектэменыз эмъясьлэн ӝӧк вылысьтыз телефонзэ кутыса
кошкем ук. Ма, тусыз но сыӵе ик сьӧд!
Зоялы берытсконо луиз. Со гинэ ма: кабинетэ пыриз но
пӧсьвуаськем кадь луиз — кушетка вылын сое ул штанез возьма.
Куалектэменыз Зоя куаразэ но ӧз шӧды, кеськиз:
— Э, быри-быри, та мынам, лэся, ук!
Токма уг шуо: дыртод — калыкез серекъятод.
________
Дина БЫВАЛЬЦЕВА.
Кез ёрос