05 от 11 февраля 2021 (25866)

№5 (25866)
16 2021-тӥ ар 11-тӥ тулыспал
КИБАШЛЫОС
Адӟем карымон
Чорыг йырлэсь... суред
Чорыг — нянь ӧвӧл,
соин гинэ кӧттэ уд
тыры, шуо калыкын.
Нош Алнаш шор ёзо
школаысь дышетӥсь
Нина Колесникова
чорыг сиемлэсь золгес
яратэ солэсь лыоссэ. Уго
соослэсь тунсыко киужъёс
пӧрмытыны луэ.
Нина Викторовна школаын
30 ар пала ужа ни, нылпиосты
технологиен дышетэ.
— Азьло аръёсы тросгес
вуриським, асьмелэсь
этно шӧмо коллекциосмес
кылдытӥм. Ужъёсынымы
пыриськылӥм пӧртэм конкурсъёсы.
Дыр ортче, выльзэ
утчам потэ. Интернетысь
адӟи чорыг лыослэсь быдэстэм
ужъёсты. Малпай: ми
но быгатомы, — вера Нина
Викторовна.
Лы утчан пумысен
нокыӵе шугъяськонъёс ӧй
вал. Дышетӥсьлэн котыраз
трос тодмоосыз — чорыгасьёс.
Нош кӧня чорыг сиё
школаын! Столовое вуэм
чорыглэсь кузэ но кельтыны
сюлмаськизы, лыосты но бичазы,
сузязы.
Нина Колесниковалэн
нырысетӥ лэсьтэм ужез —
карп кулэсь е. Дышетӥсь
Алнаш шор ёзо школаысь дышетӥсь Н. Колесникова
лылэсь лэсьтэм суредъёсты возьматэ.
малпаз: азьло чорыг кулэсь
дӥсь но вурылӥзы, е гинэ
лэсьтыны быгатом. Та бере
лыэн ужаны басьтӥськиз.
— Зарезь чорыглэн сюрлыэз
туж чебер, нош самой
паймымон но чебер лыос
— чорыглэн йыраз. Со понна
йырез кема пӧзьтоно, сузяно,
куасьтоно. Соку гинэ
киуж борды кутскыны луэ, —
ватса дышетӥсь.
Паймымон суредъёс лэсьтыны
сяна, чорыг лы мынӥз
дӥсь чеберъяны но. Алнаш
школаын ужа модая «Радуга»
театр. Татын «Чёрный
жемчуг» коллекция малпазы.
Сьӧд дӥсь вылын пужыос
лэсьтэмын чорыг лыослэсь,
Лы панно.
кускерттонъёс — чорыг куослэсь.
Жаляса верано, кылем
тулыс коронавирусэн йырин
конкурсэ пыриськизы
онлайн амалэн гинэ. Озьы
ке но жюриез паймытыны
быгатӥзы: таӵе ужъёссы нокинлэн
но ӧй вал ни.
Алнаш школаын модая театрзы
20 арлэсь кема ужа ни.
Туала дыре но нылъёс киужлэсь
уг палэнско, туж тросэз
кружоке ветло, асьсэды дизайнерлэн
удысаз эскерыны
выро, шуэ педагог. Нош Нина
Колесникова кадь дышетӥсьёс
выль мылкыд сёто.
________
Елена СКВОРЦОВА
Туспуктӥз Максим ЕГОРОВ
Мастер-класс
Кильтро сумка
Максяська
Фетрлэсь горд
йыро максяська
лэсьтыны дэмласько.
Вужмем дӥсьёсты мон
куштыны уг дыртӥськы:
вуриськыны яратӥсько
бере, соосты порылысавандылыса,
олокыӵе но
арбериос пӧрмытӥсько.
Тани алигес ки улам шедиз
кулэсь вужмем плаще. Сое
кутӥ но юдэсъёслы вандылӥ.
Одӥгезлэсь аспӧртэмлыко
сумка пӧрмытӥ. Сое котькин
лэсьтыны быгатоз, угось вуриськыны
быгатонлык чик но
кулэ ӧвӧл. Таӵе сумка нылпиослы
но шудыны, чыры-пыры
арбериосты но возьыны,
пушказ кузьымез но интыяны
тупалоз.
Сумкалы кулэ луозы: ку
юдэс — сое котрес вандоно
ог 30 сантиметр быдӟалаен;
яркыт пужыен лента — ог 50
сантиметр кузьдалаен но 3-5
сантиметр пасьталаен; кутон
кал — тазэ ку юдэслэсь ик
вандыны луоз — ог 15-20 сантиметр
кузьдалаен но 2 сантиметр
пасьталаен. Кулэ луоз
на зӧк басмалы чаклам качы.
Вераны кулэ: бадӟымгес сумка
лэсьтэмды потэ ке, озьыен,
вылӥын сётэм лыдпусъёсты
уноятоно луоз.
Круг кадь вандэм юдэслэн
котыраз 12 пась лэсьтоно.
Нырысь ик карандашен
точкаос пуктылоно: соослэн
висъёссы огкадь мед луозы.
Дураз ик пуктылоно ӧвӧл
— ог 2 сантиметрлы пушказгес.
Со точкаосты качыен
пасяно яке вандылоно,
но пасьёс укыр бадӟымесь
медаз луэ. Пужыё ленталэсь
одӥг пумзэ кутоно но
со пасьёстӥ пыртоно-поттоно
— ботинкалэсь шнуроксэ
кадь. Озьы ленталэн
одӥг пумыз мукетыныз ваче
вуыны кулэ выллапал ласянь
— соосты керттыса, чебер
герӟет пӧрмытыны мед
луоз. Эн вунэтэ сумкалэн
урдэсъёсаз кыкналасянь кутон
калэз вурӟыны. Вурысты
медаз адскы шуыса, кыӵе ке
чебер бирды вурӟыны но
яралоз. Кильтро сумка дась!
________
Надежда ПЕТРОВА.
Дэри черкогурт
Кулэ луозы: канва
басма — 25 сантиметр
пасьталаен
но 30-32 сантиметр
кузьдалаен, горд,
вож буёло фетр басма,
бадӟым пасен
вень но пужъятскыны
тупась сӥньыс —
курень, сьӧд но ӵуж.
Горд фетрлэсь 3 максяська
лэсьтоно луоз.
Котькудӥз — 4 бурдо,
дуръёссэс вогыриё-вогыриё
карыса
вандоно. Бурдъёсты,
вылысьтыз вылаз Фетрлэсь суред.
интыяса, канва борды
дэмӟытъяно, шорзэ ӵуж сӥньысэн пужъятыса пытсано, со
бордысь сяська бурдъёс вылэ сьӧд сӥньыслэсь сиос кыскано.
3 сяськаез тазьы дэмӟытэм бере курень сӥньыслэсь модосъёс
лэсьтоно — соос борды вож фетрлэсь куаръёс вурӟоно. Кылиз
на канваез рамка вылэ кыскыны но суредэз борддоре ошыны.
________
Алевтина БАЙКОВА.
Ижкар