05 от 11 февраля 2021 (25866)

udmdunne.ru
+7 951 195 37 65
Адӟытон
УЖРАДЪЁС
№5 (25866)
2021-тӥ ар 11-тӥ тулыспал 7
Архивысь выль тодонъёс
Быдӟым война дыръя
фашистъёс киулэ шедем
музъемъёс вылын
уката секыт улон вал. Со
сярысь вера «Без срока
давности» адӟытон
(12+).
Адӟытон усьтӥськиз 8-тӥ
феврале К. Герд нимо
Йӧскалык музейын. Та нунал
юнме быръемын ӧй вал.
1946-тӥ арын ӵапак 8-тӥ феврале
быдэс дунне тодӥз, мар
дауртӥзы нацистъёс оккупировать
карем музъемъёсмы
вылын. Со сярысь Нюрнбергын
военной трибуналын
бадӟым доклад лыдӟиз СССРысь
прокурор Роман Руденко.
«Без срока давности» проектэз
мытӥз но адӟытонэз
радъяз Россиысь утчаськон
движение.
— Ми раскопкаосы ӵем
потаськомы, ышем-бырем
сол датъёслэсь бервылъёссэс
утчаськомы, — вераз движенилэн
кыл кутӥсь секретарез
Елена Цунаева, — но берло вакытэ
калык ми доры мукет куронэн
вазиськылыны ӧдъяз:
эскероно, пе, оккупацие
К. Герд нимо музейысь «Без срока давности» адӟытонын.
шедьылэм музъемъёсты, бугыръяськоно
архивъёсын.
2020-тӥ арын та малпанлы
дурбасьтӥз Россилэн Президентэз
Владимир Путин.
Ар ӵоже 400-лэсь трос историкъёс
50 пала архивъёсын
бугыръяськизы. 23 том мында
документъёс люказы. Кӧняез
ке соос пӧлысь «Без срока давности»
адӟытонэ поттэмын.
— Историмес утён понна
та туж бадӟым адӟытон, — вераз
К. Герд нимо музейлэн
кивалтӥсез Александр Волков.
— Ӵемысь ми вунэтӥськомы
войналэн та палыз сярысь. Мугор
ик юзыр-кезьыр луэ, валаса,
мар дауртӥзы нацистъёс.
Историкъёс бадӟым саклык
висъязы нацистъёслэн
udmurt.ru
«Ост» планзылы. Соя чакламын
вал мукет калыкъёсты
быдтыны, соосты ултӥяса
возьыны. Киултэм гуртъёсын
но городъёсын фашистъёс та
планзэс улонэ пыӵатылӥзы.
СССР-ысь 22 улосъёсын оккупантъёс
кӧня ке дыр ӵоже
улӥзы: кытын ке кемагес, кытын
ке ӧжытгес, озьы ке но
со вакыт яра кельтӥз калыклэн
улоназ. 85 миллион мурт
фашистъёс улэ шедиз, соос
пӧлысь 11 миллионэз быриз.
Нацистъёслэсь та сьӧд
ужъёссэс эскероно на, архивын
бугыръяськоно.
— Та проект егитъёсмылы
валэктэ, кыӵе курадӟонэз
адӟиз асьме калыкмы война
дыръя, — вераз Правительстволэн
Тӧроез Ярослав Семёнов.
— Тросэз архивъёсысь
документъёс та дырозь ватыса
воземын вал. Татысь сяна,
соосты нокытысь уд адӟы ни.
Адӟытон Удмуртиысь музейын
июнёзь ужалоз. Кунысьтымы
эшшо 63 улосвылэ
вуылоз.
________
Мария ЕМЕЛЬЯНОВА
Калык ошмесъёс
Сям-йылолъёсын тодматоз «Мерас»
Удмуртиын кылдоз
фольклоръя но этнографияя
«Мерас» сайт.
Калык сям-йылолъёсты,
кырӟанъёсты, эктонъёсты,
удмурт калык сярысь эскерон
ужъёсты огазе люканы
басьтӥськизы Калык творчествоя
элькун коркась ужасьёс.
Соос проект гожтӥзы но Владимир
Потанинлэн фондысьтыз
грант утӥзы.
Калык узырлыкез одӥге
карон кылем арын сентябрь
толэзьысен мытэмын ни. Али
«ВКонтактеын», «Фейсбукын»,
«Инстаграмын», «Ютубын»
проектлэн бамъёсыз нуисько,
дасяське на нимаз сайт. Проектлэн
авторез — калык творчествоя
коркась методист Вероника
Фёдорова.
— 2012-тӥ арысен Калык
творчествоя корка экспедициосы
пота. Люкам материалмес
сайтамы но, вотэс бамъёсамы
но поттӥськом ке но, тросэз
озьы ик архивъёсын кыллё.
Озьыгес ик луэ калык творчествоен
вырись мукет организациослэн
но. Шуом, Историяя,
кылъя но литературая
Удмурт институт, Удмурт кун
университет, киужъёсъя юртъёс,
телерадиокомпаниос, газет-журналъёс
— ваньмызлэн
«Мерасысь» шедьтыны луоз сям-йылолъёслы сӥзем
туспуктэмъёсты но.
асьсэлэн архивъёссы вань. Но
мае ке утчаны кутсконо ке,
тупась информациез соку ик
шедьтыны шуг. Соин ик мынам
потӥз, вань со узырлык
одӥг азьын мед люкамын луоз
шуыса, — шуиз В. Фёдорова.
Сайтын ваньмыз нимаз
люкамын луоз: видео-,
аудиоматериалъёс, газет
статьяос, кырӟанъёс, эктонъёс,
калык мадёнъёс, вашкала
киуж... Со аспӧртэм интерактивной
карта выллем луыны
кулэ. Сое усьтыса, тодыны
луоз, нимаз гуртъёсын кыӵе
кырӟанъёс, сям-йылолъёс
вӧлмемын, историезъя, инты
нимъёсызъя, адямиосыз сярысь
кыӵе гожтэм ужъёс вань.
Сайтэз 2 кылын — удмурт но
англи — лэсьтыны чакламын.
Шаермы сярысь лыдӟыны но
тодыны мед быгатозы кунгож
сьӧрын но.
Проектэз улонэ пыӵатон
понна бадӟым команда ужа:
программистъёс, дизайнеръёс,
вотэс бамъёсын ивор
вӧлмытӥсьёс... Фольклоръя
но этнографияя ужъёсты калык
син азе поттэмлэсь азьло
эскеро, валэкто пӧртэм удысъёсысь
тодосчиос: этномузыковед
Ирина Нуриева, фольклорез
эскерисьёс Галина Глухова
но Галина Шушакова, хореограф
Наталья Чиркова.
Сайт «Мерас» шуыса нимаське.
Но тросэзлы та кыл
тодмотэм потоз. Диалект кылын
со «реликвия, наследие»
шуэмез возьматэ. В. Фёдорова
оске, оло, проектлы луыса ик та
кыл калык пӧлы вӧлмоз шуыса.
Проект одӥг арлы гинэ чакламын,
но сайт азьланяз но
улэп луыны кулэ, сюлмасько
радъясьёс. Сое узырмытыны
луоз на шаерамы улӥсь выжы
калыкъёслэн — бигеръёслэн,
поръёслэн, бесерманъёслэн —
калык сям-йылолъёсынызы,
историысьтызы материалэн.
________
Ангелина СНИГИРЁВА
Ваньмон дыръя
Чайковский но
мукетъёсыз
15-тӥ тулыспалэ
Ижысь «Молодой
человек» театрлэн
юртаз ортчоз
«Хоровая триада»
концерт (0+).
Концертын быдэстозы
Пётр Чайковскийлэсь,
Удмуртиысь композиторъёслэсь
но фин-угор
улосъёсысь крезьгурчиослэсь
произведениоссэс.
Кутсконэз 18 часын.
Пумиськозы
хоръёс
18-тӥ-20-тӥ тулыспалэ
Удмуртиын
ортчоз патриотической
но духовной
крезьгурлы сӥзем
«Ты живи, Святая
Русь» фестивальвожвылъяськон
(6+).
Фестиваль улсын 19-тӥ
феврале Ижысь Дунчылкыт
Михаиллэн
собораз ортчоз концерт
(кутсконэз 18 часын),
нош 20-тӥ тулыспалэ
Калык творчествоя элькун
коркан луоз галаконцерт
(кутсконэз 17
часын).