05 от 11 февраля 2021 (25866)

№5 (25866)
6 2021-тӥ ар 11-тӥ тулыспал
ШАЕР
АЛНАШ
________
Ӟуч толэзь
Ӟуч культурая толэзьлы йылпумъянъёс
лэсьтэмын.
Ёросысь ӟуч культурая огазеяськонэн
кивалтӥсь Светлана Колесникова
ивортэмъя, толэзь ӵоже вань
школаосын но нылпи садъёсын,
Асан совхоз-техникумын пӧртэм
ужрадъёс ортчизы. Онлайн амалъя
радъямын вал туспуктэмъёсъя,
лымы мунё лэсьтонъя но мукет
конкурсъёс. Ёрос библиотекаын
ортчиз «Ӟуч выжыкылъёсысь тунсыко
бамъёс» визь сынан шудон.
«Ӟуч самовар» ансамбль.
Отчы пыриськизы ёрос центрысь пӧртэм огазеяськонъёсысь 10 командаос,
вормизы «Берёзка» нылпи садын ужасьёс. Ӟуч толэзь йылпумъяськиз галаконцертэн,
кырӟаны-вераны быгатэмзэс 70 пала артистъёс возьматӥзы.
«Алнашский колхозник» огинлэн «ВКонтакте» бамысьтыз
МОЖГА
________
Буре ваён пул
шуккизы
4-тӥ феврале Кватчи гуртысь библиотекалэн
юртэз борды Григорий
Данилов писательлы сӥзем
буре ваён пул шуккизы.
Григорий Данилович вордскемын
Выльгуртын, Можгаысь педучилищеез,
Ижысь пединститутэз йылпумъяз,
бӧрысь Можгаысь педучилищеын
удмурт кылъя но литературая
урокъёсты нуиз. Дышетӥсь,
писатель, журналист 6 книга печатланы
вуиз. Улонысь вазь кошкиз,
Г. Даниловлы сӥзем ужрадын.
озьы но ёрослэн улоназ мур пытьы кельтыны вуттӥз. Кватчи библиотекалы
Г. Даниловлэн нимыз сётэмын, нош та толэзь кутсконын библиотекалэн
юртэз борды мемориал пул шуккизы.
Эдуард Петровлэн «ВКонтакте» бамысьтыз
ВАВОЖ
________
Кузьым — ӵужон
Ёросын кутскиз ӵужонболэн
ӵошатскон.
Та шудонэз вавожъёс адӟем каризы
пичи пургаослэсь, визь-нод
курыса, соослы жингыръязы но.
Вожвылъяськонэз радъя «Удмурт
Кенеш» огазеяськонлэн ёросысь
ёзэз, ортчоз со 3 муниципал кылдытэтын,
нош вормись командаос
финалын пумиськозы ёросысь
Толкелян дыръя. 6-тӥ феврале
шудонлы кутскон сётэмын вал —
Партчиысь шутэтскон базаын
Шудон дыръя.
Гурезь-Пудга но Вавож муниципал кылдытэтъёсысь 4 командаос пумиськизы.
Вормиз Партчиысь егитъёслэн «Ӵужонбол» командазы, ваньмызлы
шудӥсьёслы ӵужон сётӥзы.
Туспуктӥз Светлана ДОЛГАНОВА
УВА
________
Шедьтӥзы шурысь
Ува шуре воргорон выйиз.
Выль Мултан черкогуртысь 1985-
тӥ арын вордӥськем воргорон
5-тӥ феврале сике кошкем но
бертымтэ ни. Ышем муртэ утчанэ
поттэмын вал Ува ёросысь
югдурез утён удысын ужасьёс.
Воргоронлэн пытьыезъя мыныса,
соос шур доры вуизы, нош отысен
пытьыос быриллям. Та интые
ӧтемын вал Утчанъя-утёнъя элькун
службаысь водолазъёс. Соос
ышем муртлэсь мугорзэ шурысь
шедьтӥзы.
Водолазъёс шурын утчасько.
Спасательёс ало: куазь ялан вошъяськыса улэмен, йӧ вылэ туж чакласькыса
пыроно.
«МЧС Удмуртии» огинлэн «ВКонтакте» бамысьтыз
ГРАК
________
Телефон
умойгес кутоз
Ёросын улӥсьёслэн сотовой телефонъёссы
умойгес кутозы.
Кылем арня шорын Котловка но
Бадӟым Вожой гуртъёс доры сотовой
связья вышкаос пуктӥзы. Та уж
быдэстэмын «Цифровая экономика»
нацпроект улсын пыӵась «Сельсовет»
программая. Вышкалэн
ӝуждалаез 30 метр, табере со котырысь
10 иськемын связь но Интернет
умой луыны кулэ. Информатизацияя
но связья министерство
ивортэмъя, матысь дыре вышкаос
Котловкаысь сотовой связья вышка.
пуктэмын луозы на шаерысьтымы эшшо 18 гуртъёсын, соос пӧлы шедемын
Грак ёросысь Новогорское черкогурт но.
Виктор Беловлэн «ВКонтакте» бамысьтыз
ШАРКАН
________
Черод быре
«Демография» нацпроект чотын
Мишкино черкогуртын пуктэмын
выль ясли-сад. Отчы 80 пинал ветлоз.
Гуртын 46 интылы 2 садзы вал, но
пиналъёс отчы ӧз тэрылэ. Табере
1,5 арессэс тырмытэм вань пичиос
выляз яслие ветлыны быгатозы.
Али отчы 61 тэшкылиос 3 группае
ӵукналы быдэ лыкто. Пумен 4-тӥ
группа но люкаськоз, шуэ ёросысь
дышетонъя управлениен
кивалтӥсь Василий Туров. Солэн
Мишкиноысь выль
нылпи садын.
верамезъя, кылем арын Шарканын но али Мишкиноын садъёс усьтӥськем
бере ёросын яслие черод быриз. Но пиналъёс пумен вордӥсько, соин
ик малпамын на вуоно арын Сосновкаын пичигес сад пуктыны.
udmurt.ru
Кулигаысь С. Лузяниналэн
туспуктэмез.
КЕЗ
________
Туспуктэмъёс пыр
«Звезда» ёрос газет лыдӟисьёс
пӧлын туспуктэмъёслы сӥзем «Ах,
деревня!» конкурс ортчытӥз.
200-лэсь трос адямиос 11 сюрслэсь
трос фотоос ыстӥзы. Соосты
дунъязы редакциын ужасьёс но
ёросысь тодмо фотограф Андрей
Ложкин. Вормисьёсын лыдъямын
Кулигаысь Серафима Лузяниналэн,
Камӝоысь Валерий Савинлэн
но Удмурт Зязьгор гуртысь Светлана
Фёдоровалэн туспуктэмъёссы.
Газетлэн редакторез Татьяна Дементьева
верамъя, туспуктэмъёсысь адӟыны луэ гуртоосты, инкуазез.
Нош Дмитрий Калашников но Владислав Ефремов нимысьтыз кузьымъёсын
пусъемын бырем гуртъёсысь туспуктэмъёссы понна.
«Звезда» газетлэн «ВКонтакте» бамысьтыз
Рейдэ потэмын
инспектор Е. Шадрина.
ЯКШУР-БӦДЬЯ
________
Чакласьконо!
17-тӥ февралёзь шаерамы «Пешеход»
ужрад мынэ.
Али ёросысь инспекторъёс тросгес
саклык висъяло пыдын
ветлӥсьёслы. Федерал сюрес вылын
«Пешеход», «Детское кресло»,
«Не уверен — не обгоняй» но
мукет рейдъёс ортчыто. Пыдын
ветлӥсьёс но водительёс пӧлын
валэктон уж ортчыто но памяткаос,
буклетъёс люкыло. Инспектор
Елена Шадрина ивортэмъя, туэ ар
куспын гинэ ёросысь сюресъёс вылын
32 шуккиськон учыр пусъемын, 1 мурт быриз, 2-ез сӧсырмиз. Одӥгез
буйгатэ: та дырлы пешеходъёсын герӟаськем шуккиськон учыръёс ёросын
пусъемын ӧвӧл.
Туспуктӥз Эвелина ИВАНОВА