05 от 11 февраля 2021 (25866)

udmdunne.ru
+7 951 195 37 65
Ӟечкыласьком
ТОДМО НИМЪЁС
№5 (25866)
2021-тӥ ар 11-тӥ тулыспал 25
«Эврика!» кесяськылӥз
Василий Ванюшев тодосчилы, писательлы — 85 арес
10-тӥ тулыспалэ 85 арес
тырмиз Василий ВАНЮ-
ШЕВЛЫ — кылбурчилы,
филология наукаосъя
докторлы, Удмуртиысь
но Чувашиысь культура
удысысь дано ужасьлы,
Удмуртиысь наука
удысысь дано ужасьлы,
элькунысьтымы калык
писательлы, Удмуртилэн
Кун премиезлэн
но мукет премиослэн
лауреатсылы, Кизнер
ёрослэн дано муртэзлы.
Удмурт литератураез
кема аръёс ӵоже эскерем
мурт буйганэз уг вала
— Василий Михайлович
али но Историяя, кылъя
но литературая Удмурт
институтын ужа, удмурт
писательёслэсь произведениоссэс
бугыръя, ачиз
но гожъяське.
— Василий Михайлович,
секыт висён вӧлмемен
сэрен кылем ар капчи ӧй
вал. Мӧйы калыкез али но
самоизоляциез чакланы
куро. Кызьы тӥ та дырез
ортчытӥды?
— Зэм, монэ али но дорын
ужато. Но ужысь кошкыны
уг лэзё: удмурт литературалэсь
выльдэм историзэ
кылдытӥськом, мон та ужен
кивалтӥсько. Институтамы
ваньзэ-ӧвӧлзэ 3 литературовед.
Тыршиськомы УдГУ-ысь
доцентъёсты ужамы кыткыны.
Ваньмыз малпамъя уг
пӧрмы, уж шуген мынэ. Вылаз
ик, мон 2 арня «пытсэтын»
вал: коронавирусэн висьыны
усьылӥ. Эмъязы нимысьтыз
усьтэм больницаын, туж чурыт
графикъя. Инмарлы тау!
Тани табере дорын ини.
— Кызьы тазалыктэс
утиськоды? Йогаен выриськоды
на-а?
— Тау тодэ вайытэмды
понна! Бертыса хатха-йогаен
но выри ини. Сокем со мугорлы
ческыт! Тужгес но — сюрлылы.
— Али тӥледлы сӥзем
выль книга печатланы дасямын
шуыса, кылӥськиз.
— Зэм, выль книга люкамын.
Со ужен 2 ар кивалтӥз
Ижкарын потӥсь «Ежегодник
финно-угорских исследований»
журналэз утисьсазнась
мурт, тодосчи Роза
Владимировна Кириллова.
Книга туж тунсыко пӧрмиз.
Венгриысь, Россилэн пӧртэм
Тодосчи, писатель В. Ванюшев.
сэрегъёсысьтыз тодосчиос
мон сярысь, ужан удысъёсы
сярысь асьсэлэсь малпанъёссэс
гожтӥзы. Нимысьтыз
инты висъямын нылпиосын
ужамелы. Книга нимаське
«Учёный. Поэт. Публицист. К
шестидесятилетию творческой
деятельности В. М. Ванюшева».
— Удмурт литературалэн
сюресъёстӥз тӥ кема аръёс
ӵоже вамышъяды, трос научной
вормонъёсты вал.
Мае ке усьтыкуды, шумпотыса
«Эврика!» верамды
вань-а?
— Вань. Мон озьы кеськи,
куке адӟи: удмурт литература
кылдыны кутскем ХIII-XV дауръёсы
Европаысь (Англиысь,
Германиысь) литератураос
кадь ик, сыӵе ик пуштросэн.
«Крестьян литература» шуыса
нимазы крестьян калыклэсь
кырӟанъёссэ-веранъёссэ гожтыса
печатламъёсты. Со дырозь
нокыӵе литература вылымтэ
на…
Удмурт литература но
кылдэмезъя — крестьян литература,
мукетгес сямен верано
ке, крестьян калыклэсь
сюлэм висёнъёссэ усьтӥсь
литература. Со туж умой
адӟиське Кузебай Гердлэн
Октябрь революцилэсь азьло
гожтэм кылбуръёсысьтыз.
Шуом, «Мынам кырӟанъёсы»
кылбураз:
Та кырӟанъёсме —
Шур тулкымъёсме,
Та кылбуръёсме —
Турагайёсме
Туж кема люкай,
Туж кема гожъяй.
Удмурт гуртъёстӥ
Люкаса ветлӥ,
Паськыт тэльёстӥ
Кылзыса калги...
Крестьян литература сярысь
нокытысь кылымтэадӟымтэ
критикъёс бератаз
сюлэмзы лычсузьытозь серекъязы-тышказы
кылбурчиез
гожтосысьтыз таӵе берпум
чуръёсыз понна:
Тулыс вуыку,
Шур жингыртыку,
Сяська ӝужаку,
Шулдыр луыку,
Сяська пӧлын мон
Кырӟаса пукко,
Кӧтӝож луымон
Крезьме шуккисько –
Куанер калыкез
Весь сайкатӥсько!
Ӵапак та берпум чуръёсыз
понна Кузебай Гердэз бератаз
туж юн жугылӥзы. Кылбурчи
калыкез соку ик революцие
ӧтьыны кулэ вылэм ини шат?!
Удмурт крест ьян литература
солы дась ӧй вал на. Крестьян
литературалэн куараосыз Кузебай
Гердлэн гожъямъёсаз
бератаз но потылӥзы на. Соос
ӝот-ӝот вормемын вал ини
«Удмурт дунне» газетлэн архивысьтыз
социалистической реализм
амалэн кылдытэм «Завод»
поэмаяз.
— Удмурт литератураысь
мар тунсыкоез вужерын
улэ? Мае одно ик учконобугыръяно?
— Вужерын улӥсь югдуръёс
пумтэм. Шуом, дыр ортчемъя
кызьы вошъяськыса кошке верослэн,
повестьлэн, романлэн,
мукет жанръёслэн формазы?
Мар выльзэ сётэ поэтика ласянь
соиз я таиз выль произведение?
Литература удысысь
тодосчиос пӧлысь висъяса
верасал Виктор Леонидович
Шибановез. Удмурт литературалэсь
историзэ численникез
кадь чакласа возе, кожалод.
Огвадьсын ассэ этнофутуристэн
но ялылӥз. Азьлань вамышъян
понна, пе, ортчем
пытьыосад но берытскылоно!
Ялан выльзэ утчась тодосчиос
пӧлы ик пыре Алексей Андреевич
Арзамазов, филология
наукаосъя доктор, та аръёсы
трос шаеръёсты котыръясь
мурт. Таизлы капчигес луысал,
дыр, компаративистика
— пӧртэм национальной
литератураосты ӵошатыса —
амалэн ужаны.
— Удмурт литература,
калык сярысь вераськиськом
ке, ӵемысь пусйиськомы
ӟуч калыклэсь влиянизэ.
Но асьмелы матын мукет
калыкъёс но уло. Малы удмуртъёс
дышетскыны быгатысалзы
бигеръёслэсь,
чувашъёслэсь, поръёслэсь,
коми калыклэсь?
— Котькуд калык ас культуразэ
мед ӝутоз, мукетъёсыныз
ваче ки мед улоз!
Котькуд калыклэн аслаз ӟеч
сямъёсыз. Бигеръёсыз верано
ке, соос нокин шоры
уг учко, лэсьто озьы, кызьы
кулэен лыдъяло… Мордва
Мынам кылбуре
литература, шуыны луоз, быдэс
дуннелы тодмо луиз аслаз
«крестьян литературае» пыртоно
гожтосъёсыныз. Сое ӟеч
возьматӥзы ӟуч Алексей Шахматов
но Финляндиысь Хейкки
Паасонен профессоръёс.
Соос пыр мыным но капчигес
луиз та югдурез валаны. Комиос
паймыто адямилэсь но
инкуазьлэсь ваче кусыпъёссэс
ӟеч возьматыны быгатэменызы.
Каллистрат Жаковлэн
«Биармия» поэмаяз кыр
тылобурдоос но пӧйшуръёс
адямиосын артэ уло, соосын
оград малпасько но верасько.
— Наукае, гожъяськон
удысэ ӧд ке мынысалды,
кыӵе удысын ужасалды?
— 1950-тӥ аръёсы Можгалан
но Москваын студент вакытам,
сиёнлы ёрмемен, трос
ужано луи грузчик кариськыса.
Оло нош, мон — грузчик?
Оло, со мынам «кыкетӥ
профессие»? Со ик косӥз,
лэся, монэ хатха-йогаен эшъяськыны.
Улонын ваньмыз
герӟаськыса кошкемын ук.
— Кылбуран мылкыд дорады
ӵем-а вуылэ?
— Вуылэ. Дырын-дырын
кылбур чуръёсты гожтытэк уг
луы. Сотэк соос куатасько но
уг ни лыктыло.
— Тӥляд туж трос данъетъёсты,
премиосты. Но
соослэсь но дуно луылэ ӟеч
кыл. Кыӵе ушъян кыл сюлмады
пыраклы кылиз?
— Дмитрий Иванович
Тимофеев, 4-тӥ классын
дышетӥсьмы, ӟеч кыл вераз
мынам нырысетӥ кылбуре сярысь.
Со дырысен мон аслым
оски но кылбуръёс гожъяны
кутски.
________
Анастасия ШУМИЛОВА
Василий ВАНЮШЕВ
Уг вузы, уг шула мынам кылбуре —
Музъем кадь, огсыр шокаса со улэ.
Но со даурлэсь шат куке люкемын?
Пушнер гинэ шат кытӥяз пурӟемын.
Озьы ке но мурт-а асьме калыклы?
Бӧрдэ но кырӟа со удмурт сюлмыныз.
Уг дырты ассэ тӧр шоре пуктыны —
Кужым со люка тудвузэ ӧръяны.
Вуоз ай, вуоз ай...
Куке но соку
Ошмес жильыртэм кадь вазись гуръёсыз
Бадӟым крезь пушкы пырыса вазёзы,
Удмурт понна вир кисьтымон кайгуме
Югыт дуннее ӧръяса лэзёзы.