Meer Kultur erleben - Steinhuder-Meer.de

Geschichte und Tradition
„Eck segge: Mit Gunst! – Ji alle, Olt- und Jungfischer, wi danket jück, dat ji
user Inladung efolget sind. Eck hete jück alle mit juen Frunslüen willkomen
un will hoffen, dat ji düsse Morgensprake, de eck na den Bruuk afhole, sinnig
annehöret un acht gewet, as et ehrboren Fischern takummt.
„Eck segge: Mit Gunst! – Et mak seck’n jeder stille verholen, sienen Schmökekram
‚‘n Oogenblick ut de Hand leggen un van sein’n Stale upstoan, denn
eck will eis de Loan apen maken.“
„Eck segge: Mit Gunst! – Jeder sette seck an Ort un Stehe un höre ta, denn
de Rekenunge schall verläsen weren. Eck segge: Mit Gunst!“
„Eck segge: Mit Gunst! – Eck möchte hören un fragen, ob de eine odeer de
annere ünner jück is, de wat intawennen hat oder up meck oder miene Kollegen
wat weit, dat wi nich düchtig wören, düsse Stehe ta verträen. De mag
vörträen – de Ollere vör de Jüngeren, as seck dat gehört, – un bringe seine
Klagen fien un schämern vör. Hat hei recht, schall öhne ta Recht ehulpen
weren. Hat hei awer unrecht, schall hei in Strafe enahmen werden.“
„Eck segge: Mit Gunst! Un nu höret de Geschichte van user Fischerie, denn
wi willt de Vergangenheit in Ehren holen un user Vörforen gedenken un
nich undankbar sein för dat, wat se üsch achterlaten hewwet. Eck segge:
Mit Gunst!“
„Eck segge: Mit Gunst! Hat de eine oder annere Klage gegen einen Zunftkollegen,
de träe vör de Loan un bringe se vör, de Öllere vör den Jüngeren.
Klage mit Worheit, klage mit Bescheidenheit, dat öhne mit Worheit und
Bescheidenheit Antwort werden kann. Keiner schall wat verschwiegen.
Schwicht hei, denn schall’t füllerhenn verschwiegen bliem, wenn wi naher
lustig un gaen Muts sind. Söcket vermelle eck jück. Also mit Gunst!“
„Eck segge: Mit Gunst! Weil keiner vörhannen is, de gegen üsch oder de
Kollegen wat intawennen hat, sa mach meck de Willköm herrecket werden,
dat wi’n düchtigen Drunk daet, de Öllere vör den Jüngeren, taen Teiken
der Einigkeit. – Eck segge: Mit Gunst! – Tan Besten user Zunft un ta Ehren
user Vörforen. – Eck segge: Mit Gunst! Un nu latet üsch fiern in Frieden und
Einigkeit. Mit Gunst!“
So gestaltete sich früher der Ablauf des Fischerkreidags, der Versammlung
der Zunft der Fischer. Die Tradition des Fischerkreidags lebt bis heute weiter.
Mehr zum Fischerkreidag lesen Sie auf Seite 29.
· Auswanderer
· Fischerkreidag
· Steinhuder Hecht
· Steinhuder Torfkahn
· Kulinarische Besonderheiten: Aal, Sekt und Schokolade
27
Geschichte und Tradition