FRAGMENTO
FRAGMENTO
FRAGMENTO
Create successful ePaper yourself
Turn your PDF publications into a flip-book with our unique Google optimized e-Paper software.
Horizontes del saber I<br />
José de San Martín<br />
América allpapa huk llaqtankunapiqa españolkunas maqanakuykunapiqa<br />
atipachkarqanpas. Tayta Bolivartaqa Venezuela llaqtamanta Morillo sutiyuq<br />
kamachikuqsi qatirparimusqa; tayta kura Hidalgoqa wañusqaña tarikusqa;<br />
wamink’a O’Higginsqa Chilemanta chinkaspa lluqsimpusqa; ichaqa<br />
maypichus San Martinpa tarikusqanpiqa América llaqtaqa qispisqallapuni<br />
kakuchkasqa. Payhina runakunaqa kallanpuni, sarusqa runataqa mana<br />
rikuytapas atinkuchu.<br />
San Martinqa chay llakikunata mana rikuyta atisqachu, chayraykutaq Chile<br />
llaqta, Perú llaqta qispichiq ripusqa. San Martinqa chunka pusaqniyuq<br />
p’unchawpi maqanakuq runankunantin hatunkaray chiri Anti urqukunata<br />
wasaparqusqa; awqaqninkunaqa hanaqnintapas richkankumanhinas,<br />
yarqasqataq, ch’akiymantataq; uray ukhupiqa sach’akunapas qiwahinallas<br />
rikukun, mayu unukunapas liyunhinas qaparin. San Martinqa Españarayku<br />
maqanakuqkunatas Maypú hawapi yaqa ch’usaqmanraq tukurquchisqa,<br />
Chacabucopitaqsi wiñaypaq wiñayninpaq llallirqapun. Chayhinatas ari Chile<br />
llaqtata qispichin. Chaymantaqa maqanakuqkunantinsi wamp’ukunapi<br />
Perú llaqta qispichiqñataq risqa. Perú llaqtapiqa tayta Bolívar tarikusqa,<br />
chayraykutaq San Martinqa “paylla qispichiyta tukuchun” nispa ancha llakisqa<br />
Europa llaqtaman ripusqa, chaypis ususin Mercedespa rikranpi wañupusqa.<br />
Payqa tistamintuntas huk rapichapi qillqasqa, huk maqanakuymanta parte<br />
qillqasqapas kanmanhinatas rurasqa. Yaqa tawa pachak kuraq watapiraq<br />
ñit’ikuq Pizarros huk wiphalata apamusqa, chaytas paymanqa sumaq<br />
sunquta qusqaku; chay wiphalatas San Martinqa chay tistamintu qillqasqanpi<br />
Perú llaqtaman saqipullasqataq.<br />
102
Change language